کنشتکاری تی۴

د ڤیکیپدیا، دونسمنامٱ آزاد
پرش به ناوبری پرش به جستجو

کنشتکاری تی۴ گٱپتریݩ قٱتل عام سیستماتیک عغٱب مٱنٱیا، بیمارؽا رڤانی ۉ مٱلۊلؽا مٱغزی د ڤیرگار بٱشٱری ڤ دٱس آلمان نازی ئٱ.[۱]

د جٱریان بٱرنومٱ پاکسازی نژاد آریایی د ناخالسیا د سال ۱۹۳۹، هیتلٛر دٱستۊر اْجرایی بیئن بٱرنوماٛ دٱ کاْ د ڤٱ کولٛ بیمارؽا رڤانی د سراسٱر ڤلات د ۵ کٱمپ بیمارسونی د آلمان ۉ اوتریش جٱم بیئن ۉ ڤا گاز مونوکسید کٱربون (کاْ د دریچٱ تٱئڤیٱ اوتاقؽاشوݩ ڤ مؽن راٛ مؽبی) تاسسٱ بیئن یا ڤا تٱزریق دوز ڤارۏ مورفین ڤ قٱتل رٱسیئن. دامنٱ اؽ کنشکاری کاْ د ٱڤٱل اْختساس ڤ مٱلۊلؽا مٱغزی، شؽتؽا، شیزوفرنؽا ۉ بیمارؽا موبتلا ڤ اوتیسم داشت، د آخرؽا جٱنڳ ڤ پیرؽا د کار اوفتایٱ ۉ زٱخمیا گٱن هال بومباروݩ موتٱفقین تسٱری پاٛدا کرد. ڤ تبق بروئردؽا شمار قوربانیا کنشکاری تی۴ باٛن ۲۰۰ تا ۲۵۰ هزار کٱس بیٱ.[۲]

مسٱلٱن د پۊستر یٱکؽ د نومدؽارتریݩ شمارٱیا نٱشریٱ اْدارٱ سؽاسٱت نژادی دیسسٱ ڤ هزب نازی ڤۊآلمانی نۏئشتٱ بی:

"۶۰ هزار مارک؛ یٱ خرۊجی ئٱ کاْ یاٛ موبتلا ڤ بیماری ژنتیکی د گات زموݩ زناٛیی خوش ری دٱس جامعٱ مؽ نؽئٱ. شٱئرڤٱن موئترٱم، یٱ پیلٛ شما هٱم هؽ."


سرچشمٱ[آلشتکاری]

  1. Proctor (1988): 177
  2. Horst von Buttlar:Forscher öffnen Inventar des Schreckens at Spiegel Online (1 October 2003) (German)