کارلوس فوئنتئس

د ڤیکیپئدیا، دوٙنئسمأنامه آزاد
پرش به ناوبری پرش به جستجو
کارلوس فوئنتئس
Head and shoulders photo of a greying man with a small moustache, wearing a suit, arms folded.
فوئنتئس د سال 2002
ڤئ دی ئوٙماە د Carlos Fuentes Macías
1928
پاناماسیتی، پاناما
د دونیا رأتە د 2012
مئکزیکوسیتی، مئگزیک
جاگە مأنئن Cimetière de Montparnasse, پاریس
کئسم Novelist, writer
زایارە ڤأندی Mexican
گات 1954–2012
جومئشت نیسموٙنی Latin American Boom
آرئنگیا جادیار
ھومسأر
  • Rita Macedo (1959–1973)
  • Silvia Lemus (1976–2012, his death)
بأچە یا
  • Cecilia Fuentes Macedo (1962–)
  • Carlos Fuentes Lemus (1973–1999)
  • Natasha Fuentes Lemus (1974–2005)
دیارگە
www.carlos-fuentes.net

کارلوس فوئنتئس (ڤئ دی ئوماە د ۱۱ نوڤامر ۱۹۲۸ – د دونیا رأتە د ۱۵ مئی ۲۰۱۲) نئڤیسیار مکزیکی و یئ گئل د سأردیارتئری و نوم دیارتئرین نئڤیسیاریا زوٙن ئسپانیایی بی. نیسئسە یا ڤئ د زوٙنا فئرە یی غئر د زوٙن ئسپانیایی ڤالئرشتە بیینە.

زئشت[ڤیرایشت]

کارلوس فوئنتس د ۱۱ نوامر ۱۹۲۸ د پاناماسیتی اوما وه دی. داش برتا ماسیاس ریواس و بوئه ش رافائل فوئنتس بوئه‌تیگره. بوئه ش یه گل د دیپلماتیا نوم دیار ولات مکزیک بی و سی یه بی که بچه ایش د ولاتیا جورواجور گوارده بی .د سال ۱۹۳۶ حونوادش رئتن د شهر واشنگتن دی سی و یه باعث بی که وه وا زون اینگیلیسی آشنا با. وه دوره دبیرستانشه د سانتیاگوئه شیلی و بوئنس آیرس که پاتخت آرجانتینه گوارد.وه د شومزه ساله یی ؤرئشت وهمکزیک و تا سال ۱۹۶۵ د اوچه بی .وه د مکزیکوسیتی بی که رئت وه دونسمنیجا و د دونسمنیجا زایاروندی مکزیکو نهانومه شه د رشنه حقوق گرت.نها وه درس حنن بالاتر خوشه د انستیتو درسن حننیا عالی جنو نهاگری کرد. د سال ۱۹۵۹ وا بازیگر سیم نما وه نوم ریتا ماسدو زن زقاص کرد، که ای زن حاسن تا سال ۱۹۷۳ زایشتی نها داشت. وه کسم بوئه شه نها گرت و اوما وه دنیا سیاست و سی اولین بار د سال ۱۹۶۵ زایشتی سفیر مکزیک د لندن بی و هنی نها وه د فرانسه و چن گل ولات اوروپایی هنی چی هلند، پرتغال و ایتالیا سفیر بی. اولین مژموئه متلیا وه د سال 1954 زایشتی پلا بی.د سال ۱۹۷۸ زایشتی د گاتی که سفیر مکزیک د فرانسه بی د ائتراض وه انتخاو بیین گوستاو دیاز اورد چی سفیر مکزیک د اسپانیا د گرینج گه خوش رئت وه در. دلیل رئتن فوئنتس یه بی که د گات رئیس کومره ولات بیین دیاز اورداز د سال ۱۹۶۸ ارتش دونسمنی جوریا مئترض د مکزیکوسیتی نه ور گلوله گرته بی. «فوئنتس» که د دونسمنیجایا نوم دیاری چی پرینستون، هاروارد، پنسیلوانیا، کلمبیا، کمبریج، براون و جورج میسون نهاتری درس دئن داشت. فوئنتس د دوئمی زن حاستنش وا روزنامه‌ نیس و گزارشتگر وه نوم سیلویا لموس زن و زقاص کرد. فوئنتس سه گل بچه داشت ،که دو گل د ونو نه که د گاتی که زنه بی د دس ده. د سال ۱۹۹۹ کر خوشه که مرض هموفیلی داشت د دس ده و هنی د سال ۲۰۰۵ دختر وه ناتاشا سی وه کار گرتن بیشرونه مواد مخدر د دنیا رئت. تا ایسه یه گل دختر د وه وه جا منه. د سال ۱۹۸۸ یه گل منتقد د وه لقو چریک خوش لواس دئه بی ، مجله ای که ای نیسسه د وه پلا بی مال دوست دمادار فوئنتس یئنی اکتاویو پاز بیت بن بی. نها ای رخ ون فوئنتس دی وا پاز گپ نزه و حتی د پرس وه د سال ۱۹۹۸ ئم نرئت.فوئنتس هشتائمی سالرو وه دی اومائنشه د جم بیین جاییزه گریا جاییزه نوبل نیسمون جشن گرت. نویسیار نوم دیار مکزیکی د مراسمی وا بیین گابریل گارسیا مارکز و نادین گوردیمر - دو گل نویسیار جاییزه گر نوبل نیسمون- و فیلیپ کالدرون، رئیس کومره ولات مکزیک و دیوونداریا نهاتری شیلی و اسپانیا، هشتائمی سالرو وه دی اومائنشه جشن گرت. وه د روز سه شمه ، ۲۶ اردبیهشت ما، و د ۸۳ ساله یی د دنیا رئت. فوئنتس سی ناخوشی قلبی د بیمارستان جو ده. وه گزارشتهوالگر آسوشیتد پرس دگدر فوئنتس گت که وه خین ریزی مین لاشی داشت.مردن وه وه دسجولیو اورتگا، نیسنه زئشت نومه فوئنتس و استاد درس حننیا اسپانیایی دونسمنیجا برآون، جاگه ای که فوئنتس خوش د اوچه فره درس دئه بی سالیا تر تصییق بی.فیلیپ کالدرون، رئیس کومره ولات مکزیک،د پیغومی وه بونه د دنیا رئتن فوئنتس گوت که فوئنتس یه گل نیسنه نوم دیار و جهونی بیه و مه فره متاسفم.

نیسأنئن[ڤیرایشت]

د ۲۹ ساله یی اولین گپ متل خوشه وه نوم «جاگه ایی که هوا صافه» پلا کرد.[۱] آخری گپ متل وه نومش ولاد بی که د گات زنه بیینش پلا نبی .فوئنتس دباره ای گپ متل گوته بی که ای کتاو متل زنئی یه گل خینخاره. ولاد د بیینش د اوروپا خسه موئه و میره سی مکزیکوسیتی.[۲]

رأڤئشت نیسأنئن[ڤیرایشت]

فوئنتس سی یه که کسم سیاسی داشت رخ ونیا ویرگار ایسنی و جهون سیاست نه دسمایه متلیا خوش کرده و روشت نیسنن که ویجه وه بی و وا پیدا بیین نویسیاریا نوم دیار اسپانیایی زونی چی ماریونا آزوئلا، خوآن رولفو و لائورا اسکیبل جون نازاری وه نیسمون ایسنی مکزیک ده و نوم خوشه تی نویسیاریا نوم دیار اسپانیایی زونی چی گابریل گارسیا مارکز و ماریو بارگاس یوسا نیا.کارلوس فوئنتس د لا آرنگیا خوش دباره ویرگار مکزیک که وا دماونیا عشق و مردن و ویردیار شیوسه وه یک چنه می زنه. موئه بویی که وه مکزیک نه د آرنگیا خوش راس کرده.[۳] کارلوس فوئنتس د چک چنه ای که وا مجله نازار «پاریس ریویو» د شماره ۸۲ زمسو سال ۱۹۸۱ داشت روشت نیسنن خوشه چنی دیار میکه:[۴] مه نیسنه شوصو هیئم. د ساعت هشت و نیم صو شرو می کم وه نیسنن وا قلم و تا سائت دوازده و نیم نهاش می ئرم و اوسه می رم شنا نهاش ؤرمی ئردم و ناهاری موئرم و ایواره کتاو مئونم. نها وه ئم می رم پیاده رئتن تا سی نیسنن روز نهایی آماده بام. دما یه که مشغول نیسنن بام واس همه کتاو نه د ویرم نیسنه بام. ایچه د پرینستون (فوئنتس د گات نهاپرسایشت د ای دونسمنیجا درس می ده) همیشه مسیری سه گوش نه سی خوم دماگری میکم: د حونهانیشتین د خیاوون مرسر میرئم، نها وه می رئم وه حونه توماس مان د خیاوون استاکتن و اوسه نها ونو میرئم وه حونه هرمان بروچ. نها دیئن ای سه گل حونه میرئم د حونه خوم و گاتی که میرسم وه حونه شش هف گل بلگه که سی صو واس بنیسم د ویرم دارم.اول وا قلم می نیسم و اوسه که حس کردم متل ها اوچه، ونه مینم کناری. اوسه دسنیس نه غلط گری می کم و خوم وا ماشین وه نه مینسم و تا گات آخر ونه راس میکم.د گاتی که متل نه ری کاغذ میارم د راستکی کار وه تموم بیه: نه صئنه ای د قلم افتائه و نه بهرجایی د ویرم رئته. خو دونم چی بنیسم فوئنتس ائتقات داشت که دنگ زئنی دوبیشتر مکزیکیا وا مشگلات،خشونت و ناراضی بیین گرآن د حال و بال خوش شیوسه وه یک و وه میها که یه گل قدرت تازه د ای دنگ ژار بیه.[۵]وه میگت می همه آرنگیاش دباره ترسن.ائساس ترس ده یه که کی د در میا، کی ایمانه دوس داره، ایما کی نه دوس داریم و چه جور وش می رسیم.[۶] یه گل د ساونیا بیشتر آرنگیا فوئنتس سکس ه، که گات وختی سیش دردسر دروس می کرده. گپ متل «پوس ونن» وه د اسپانیا وه «پورنوگرافیک، کمونیستی، ضد مسئیت، ضد آلمان و حامیندار جیدیت» بیی نوم دیار بیه و صلا پلا بیین نگرت.

نومگە کاریا فوئنتئس[ڤیرایشت]

گأپ مأتألیا[ڤیرایشت]

Ceremonias del alba (۱۹۸۷) * The Campaign (۱۹۹۲) *

  • (۱۹۹۴) دار پرتقال، The Orange Tree- El naranjo
  • (۱۹۹۵) Diana: the Goddess Who Hunts Alone- Diana o la cazadora solitaria
  • (۱۹۹۶)The Crystal Frontier - La frontera de cristal
  • (۱۹۹۶) A New Time for Mexico
  • (۱۹۹۹) The Years With Laura Diaz - Los años con Laura Díaz
  • (۱۹۹۹) لائور ادیاس، Los años con Laura Díaz - The Years With Laura Diaz، والریار اسدالله امرائی، پلاگه کتاوسرا تندیس
  • (۲۰۰۱) اینس، Inez - Instinto de Inez، والریار اسدالله امرایی، پلاگه مرواری
  • (۲۰۰۳) The Eagle's Throne- La Silla del Águila
  • (۲۰۰۶) حونه وادیا خوشبخت، Happy Families- Todas las Familias Felices
  • (۲۰۰۸) La Voluntad y la Fortuna

مأتألیا[ڤیرایشت]

  • Los días enmascarados ۱۹۵۴
  • Cantar de ciegos ۱۹۶۴
  • چاک موٙل y otros cuentos ۱۹۷۳
  • Agua quemada ۱۹۸۳
  • Dos educaciones. ۱۹۹۱
  • Los hijos del conquistador ۱۹۹۴
  • La frontera de cristal. Una novela en nueve cuentos (The Crystal Frontier) ۱۹۹۵
  • کونستانسیا ڤالئریار عأڤدئلا کوثأری
  • Inquieta compañía ۲۰۰۴
  • Las Dos Elenas

تیارت[ڤیرایشت]

  • Todos los gatos son pardos ۱۹۷۰
  • El tuerto es rey ۱۹۷۰
  • Los reinos originarios ۱۹۷۱
  • ئورکیدە یا د شومە ڤالئریار مأھدی موٙسأڤی * Orquídeas a la luz de la luna. Comedia mexicana. ۱۹۸۲
  • Ceremonias del alba ۱۹۹۰

گوتاریایی د زوٙن فارسی[ڤیرایشت]

  • ۱۹۸۸ خوم ڤا کأسوٙنیا تئر (ئیسئنی ڤا نوم د تیە فوئنتئس) ڤالئریار عأڤدئلا کوثأری.

سأرچئشمە[ڤیرایشت]