ڤیرگار شیعٱ

د ڤیکیپدیا، دونسمنامٱ آزاد
پرش به ناوبری پرش به جستجو

شیعٱ دۏئمی مٱزهٱب گٱپ پاٛرۉیا دین اْسلام ٱ. کلٱمٱ شیعٱ شؽڤات موختسرٱ «شیعٱ عٱلٛی» یٱنؽ پاٛرۉ یا هزب عٱلٛی اْبن ٱبی تالب، ٱڤلی اؽمام، ٱ. شیعٱیا باٛن ۱۰ تا ۲۰ دٱرسٱد د کولٛ نفۊس موسٱلمونؽا جهوݩ ۉ ۳۸ دٱرسٱد نفۊس موسٱلمونؽا خاڤٱرمؽنجا ناْ تٱشکیلٛ ماٛئٱن. هٱرچٱن د تۊل ڤیرگار شیعٱ ڤ تٱلٛؽا موتعٱدد کوت بی، ڤلی ایسنؽا تٱنڳؽا ساْ دٱسٱ ٱسلی شیعٱ دوئزٱ اؽمامی، شیعٱ اْسماعیلٛی ۉ شیعٱ زاٛیدی ڤجۊد دارٱ.ایمامیٱ یا شیعٱ دوئزٱ اؽمامی گٱپتری تٱلٛ شیعٱ ئا ۉ بؽشتر اْستلا شیعٱ ڤ تۉر پیش فٱرز سی ڤٱ ڤ کار ماٛرٱ. مٱزهٱب شیعٱ موبتنی ڤ تٱفسیرؽ قوران ۉ سونٱت مهٱمٱد ئٱ کاْ د تریق ایمامؽا شیعٱ بٱیان ۉ تٱلٛیم بیٱ.

ڤٱجهاْ موشترک باڤٱرمٱنیا کولٛ شیعٱیا، باڤٱر ڤ اْنتساب عٱلٛی اْبن ٱبی تالب سی جانشینی مهٱمٱد، پؽامبٱر اْسلام، ۉ اؽمامٱت دما اۊ د لٛا خودا ئٱ. شیعٱیا باڤٱر دارٱن فقٱت خودا ئٱ کاْ مؽ تونٱ شٱخسؽ ناْ سی ڤیرداری اْسلام، تٱلٛیم شریعٱت ۉ رٱئبری اومٱت ڤ داسوݩ اؽمام نٱسب بٱکٱ. شیعٱیا دلٛیلٛؽا عٱقلی ۉ نٱقلی فراٛ سی اؽ مۊزۊ بٱیان مؽکٱن.


سرچشمٱ[آلشتکاری]