ٱمر ڤ مٱعرۊف ۉ نٱهی د مونکر

د ڤیکیپدیا، دونسمنامٱ آزاد
پرش به ناوبری پرش به جستجو

ٱمر ڤ مٱعرۊف ۉ نٱهی د مونکر د ٱئکام عٱملی موسٱلمونؽا ۉ ڤ نٱزٱر شیعٱیا د فورۊع دین اْسلام ٱ. ٱمر ڤ مٱعرۊف یٱنؽ دٱستۊر داٛئن یا توسیٱ کردن د لٛا کٱس موسٱلموݩ ڤ کٱسؽایؽ تر ڤ ٱنجوم او چی کاْ د نٱزٱر عٱقل یا شٱرع اْسلام خۊ د نٱزٱر گرتٱ مۊئٱ ۉ نٱهی د مونکر یٱنؽ دٱستۊر داٛئن با توسیٱ کردن د لٛا کٱس موسٱلموݩ ڤ کٱسؽ تر ڤ ٱنجوم نٱداٛئن او چی یؽ کاْ د نٱزٱر عٱقل یا شٱرع اْسلام گٱن د نٱزٱر گرتٱ مۊئٱ.[۱] اؽ توسیٱ گوفتاری ئٱ ۉ شامل جٱر نمۊئٱ.

د ٱئکام دین، ڤ کولٛ ڤاجب ۉ موستهٱب مٱرۊف ۉ ڤ کولٛ هرامؽا ۉ مٱکرۊیا مونکر گوتٱ مۊئٱ بنا ڤ یٱ ڤاداشتن ٱفراد جامعٱ ڤ ٱنجوم کارؽا ڤاجب ۉ موستهٱب ٱمر ڤ مٱرۊف ۉ بازداشتن ڤنو د کارؽا هرام ۉ مٱکرۊ نٱی د مونکر ٱ.

ٱمر ڤ مٱرۊف ۉ نٱی د مونکر، ڤاجب کٱفایی ئٱ کاْ ٱر کٱسؽایؽ - ڤ قٱدر کفایٱت - ڤ ٱنجوم ڤٱ اْقدام بٱکٱن، د کٱسؽایؽ تر ساقت مۊئٱ؛ ۉ ٱر هٱمٱ ٱفراد ڤٱ ناْ تٱرک کردٱ بۊئٱن، چنوکاْ شرایت ڤٱ مۉجۊد بۊئٱ، هٱمٱ ڤنو تٱرک ڤاجب کردنٱ.[۲]


سرچشمٱ[آلشتکاری]

  1. فق ۉ زناٛیی، ٱمر ڤ مٱعرۊف ۉ نٱهی د مونکر، آیٱت‌الله اْلعوزما یۊسف سانعی، بٱلگٱ ۱۴
  2. هاٛ او، بٱلگٱ ۱۵