لورسۊ

د ڤیکیپئدیا، دوٙنئسمأنامه آزاد
پرش به ناوبری پرش به جستجو

آستۊن لورسۊ (فورسی: استان لرستان ۉ همچنی، LURISTAN ، LURESTAN ، LORISTAN نیسسٱ موٱ.)[۱] or Loristan),[۱] آستۊنی د ٱفتاونشیݩ ڤلات ایران دا کۏیا زاگروس. جٱمییٱت آستۊن لورسۊ د سال ۲۰۰۶, ۱/۷۱۶/۵۲۷ نفر تٱخمین زیٱ بیٱ. د سال ۲۰۱۴ جۏز مٱنتٱقٱ ۴ ایران بیٱ. مٱساهٱت آستۊن لٛورسۊ ۲۸/۳۹۲ کیلٛۊمتر ٱ. شٱئریا موهم اؽی آستۊن, خورموٱ، ڤرۊگرد، الٛیگودٱرز، دورۊد، کودٱشت، ٱزنا، الٛؽشتٱر، نۊرآباد ۉ پولدوختر هؽسن.

جۏغرافیا ۉ آو و هٱڤٱ[ڤیرایشت]

Dare Anaran County
Lorestan Fritillaria
A general view of the Oshtorankuh

نوم لٛۏرسو ڤ مٱنی ڤلات لٛۏرؽا ٱ. ڤ مٱنی ڤٱسیتر شامل قٱلی د ٱفتاونیشݩ ایران مونتٱبق ڤا آستۊن ایلٛام ٱ. ڤ ڤوسٱتی د هودۊد ۶۵۰ کیلٛۊمتر د لٛا شومال ٱفتاونشیݩ ڤ جنوب ٱفتاوزنوݩ د کرماشو تا فارس ڤا ٱرز ۱۸۰_۱۵۰ کیلٛۊمتر. اؽی ڤارگٱ عومدٱتٱن شامل کۏیا فراٛ یٱ ک قٱلؽ د رشتٱ کۏیا زاگروس ٱن ک د شومال ٱفتاونشیݩ ڤ لٛا جونۊب ٱفتاوزنوݩ اْمتداد دارٱن.ڤارگٱ مؽنجاییش قولٛٱیا فراٛ دارٱ ک هٱمیشٱ تٱقریبٱن پۊشسٱ د بٱرف ٱن. رۉتر د ۴۰۰۰ متر ۉ بؽشتر. اؽی ڤارگٱ سٱرچشمٱ بسیارؽ د گلالؽا موهم ایران ٱ چی : زایندٱ رۊد ،جراهی ، کارۊن ،دز ،کٱرخٱ . مٱهدۊدٱیا رۉتر د دٱشتیا هاسلخیز ۉ تٱپٱیا فرٱ ۉ ڤارگٱیا آو هٱردنی پۊشسٱ بيٱ. بلنڳتریݩ نۏقتاٛ آستۊن لٛۏرسو قولٛٱاوشتورانکۏ د ارتفاع ۴۰۵۰ متر ٱ. نمتریݩ نۏقتٱش د جونۊبی تریݩ نۏقتاٛ آستۊن ٱ. تٱقریبٱن ۵۰۰ متر رۉتر د ری دٱریا. دامٱنؽیاش پوشسٱ د جٱنگٱلؽا بٱلٛی ڤا نارڤٱن ، ٱفرا ، گردکو ، بايم هؽسن.[۲] ٱفتاونشیݩ لٛۏرسو شامل یاٛ سلسلٱ دٱریا هٱمیشٱ هاسلخؽز د مؽن کۏیا زاگرۏسٱ. پوشتکۏ ڤارگاٛ ٱ د دامٱنؽا ٱفتاونشیݩ رشتٱ کۏ کۉئر (کبیرکوه). پؽشکۏ د ٱفتاوزنوݩ کۉئر قرار گرتٱ. اؽی ڤارگٱ د تۊل ٱڤایلعٱسر مٱفرٱغ تا نیماٛ قٱرن ساْم هزاراٛ نوئا میلاد زیستگا آیمؽیا بیٱ. د لٛٱهاز آو ۉ هٱڤایی اؽی آستون ڤ ساْ قٱل تٱقسیم مۊٱ. ڤارگٱیا کۊهستانی ڤا زمسوݩ سٱرد ۉ توؤسوݩ موتٱدل د قٱبیلٛ : ڤرۊگرد ، دورۊد ، ٱزنا ، نۊرآباد ، الٛؽشتٱر. د ڤارگٱ مؽنجایی فٱسل بهار د مؽنجا فڤریٱ تا مؽنجا ماٛ تۊل مؽکٱشٱ. شٱرسوݩ خورموٱ ها د اؽی ڤارگٱ. ڤارگٱیا جنۊبی د قٱبیلٛ پولدوختر ۉ پاپی تٱهت تٱسیر جٱریان آو ۉ هٱڤایی گٱرم خۊزسۊ نٱن کاْ توئسونؽا گٱرم ۉ زمسونؽا نسبٱتٱن موتٱدل دارٱن.[۳] اْقلٛیمش عومومٱن قاره ایی مٱرتۊب ڤا بارش زمسونی کاْ بؽشتر بٱرف ٱ. سی یٱ ک د مؽن دامٱنؽا ٱفتاونشیݩ زاگروس ۉ جنوب کۏیا ٱلبورز قرار گرتٱ بارش سالونٱ اؽ آستۊن بؽشتر د هٱر جا ایران ٱ. د خورموٱ مؽانگین سالونٱ بارشؽا (۲۱اینچ) ۵۳۰ میلیمتر ٱ. د هالؽ ک مومکنٱ د بلنڳیا کوهسونی رۉتر د (۵۰اینچ) ۱۲۷۰ میلیمتر بۊٱ. ماه ژوئٱن تا سپتامبر مٱمۊلٱن کاملٱن هۏشک هؽسن‌. اما مۊئٱ انتزار داشت ک خورموٱ ۴اینچ بارندگی د دسامبر ۉ ژانڤیٱ داشتۊٱ.د اؽی فٱسل تٱغییر دٱما فراٛ مابؽن شۉ ۉ رۊز هؽ. ڤ تۉر نمۊنٱ د خورموٱ دٱما توؤسوݩ هدۊدٱن هٱدٱقٱلش(۵۰فارنهایت) ۱۲ درجاٛ سانتیگراد تا هٱدٱکسٱر دٱما (۹۰فارنهایت) ۳۲درجاٛ سانتیگراد هؽ. د زمسوݩ اؽی هودۊد هٱدٱقٱل (۲۸فارنهایت) ۲- درجاٛ سانتیگراد تا هٱدٱکسٱر(۴۶فارنهایت) ۸ درجاٛ سانتیگراد‌.

دٱسٱبٱنی اْجرایی[ڤیرایشت]

لٛۏرسوݩ شامل یازٱ شٱئرستانٱ : ٱلٛیگۊدٱرز , ٱزنا , ڤرۊگرد , دلفان , دورۊد , خورموئٱ , کۊدٱشت , سلسلٱ , پولدوختر , دورٱ ۉ د ۲۰۱۳ رۊمشکوݩ[۴][۵]

د لٛا چٱپ نٱقشٱ شٱئرستان کۊدٱشت کوت بیٱ ڤ شٱئرستان رۊمشکوݩ ۉ شٱئرستان کۊدٱشت کوچکتر بیٱ [۵]

Panorama of Khorramabad
Panorama of Boroujerd
Khorramabad city Luristan

ڤیرگار[ڤیرایشت]

زون[ڤیرایشت]

هٱمل ۉ نٱقل[ڤیرایشت]

فٱرهٱنگ ۉ مٱردم[ڤیرایشت]

سرچشما[ڤیرایشت]

  1. ۱٫۰ ۱٫۱ "Luristan (Lorestan) Province". Iran Visitor. Archived from the original on 23 March 2016. http://www.iranvisitor.com/city-guides/luristan-guide. Retrieved 19 March 2016. 
  2. "Archived copy". Archived from the original on 2014-07-14. http://www.britannica.com/EBchecked/topic/348190/Lorestan. Retrieved 2014-07-10.  Lorestan region
  3. [۱] Lorestan Land of Culture and Civilization
  4. "Rumeshkhan: Governance" (in fa). Lorestan province. Archived from the original on 26 September 2015. http://www.ostan-lr.ir/Index.aspx?page_=form&lang=1&sub=11&tempname=RomoshkanMain&PageID=235. 
  5. ۵٫۰ ۵٫۱ "وزارت کشور شماره ۱۰۶۲۲۸/ت۴۹۲۴۳هـ" (in fa). Laws and Regulations Portal of the Islamic Republic of Iran. 26 May 2013. Archived from the original on 28 September 2015. http://law.dotic.ir/AIPLaw/imageandtextview.do?reqCode=imageAndTextView&lawId=205866&isLaw=0.