شٱهید مهٱمٱد ڤرۊگردی

د ڤیکیپدیا، دونسمنامٱ آزاد
پرش به ناوبری پرش به جستجو
مهٱمٱد ڤرۊگردی
03-MohammadBorujerdi.jpg
سٱردیڤونؽار سپا کوردسوݩ
مٱشغۊل ڤ کار

اۏردیبؽئشت ۱۳۵۸ – ماگٱرمٱ ۱۳۶۲

نوخوس ڤٱزير موئسن رزایی
ٱندوم ۉ سٱردیڤونؽار سامونجا پؽشمٱرگؽا کورد بوسٱلموݩ
مٱشغۊل ڤ کار

اۏردیبؽئشت ۱۳۵۸ – خورداد ۱۳۶۲

گوماشتٱ کار اؽمام خوماٛینی
یٱکؽ د دیڤوندارؽا سپا پاسدارؽا
مٱشغۊل ڤ کار

۱۳۵۸ – ماگٱرمٱ ۱۳۶۲

دونسمٱنیا شٱخسی
ڤ دیر اومایئن ۱۳۳۳
ڤرۊگرد
د دۏنیا رٱتن خورداد ۱۳۶۲
مهاباد
زایارٱڤٱنی اؽرونی
پارتی سؽاسی جٱرغٱ تۉهیدی سٱف
بچٱیا هۏساٛݩ، سومیٱ
کسمداری پاسدار، چریک
دين اْسلام شیٱ
خدٱمات نزامی
ڤٱفاداری  Iran
خدمٱت/شاخٱ سپا پاسدارؽا ڤٱز آلؽشت اْسلامی
جٱمجالیٛا/جٱنڳیٛا جٱنڳ مؽنجاڤلاتی لٛۏبنوݩ

جٱنڳ اؽروݩ عراق


سٱردار سٱرلٛٱشگٱر شٱهید مهٱمٱد ڤرۊگردی ، یٱکؽ د دیڤوندارؽا سپا پاسدارؽا ڤٱز آلؽشت اْسلامی د گات جٱنڳ اؽروݩ ۉ عراق بی کاْ د کوردسوݩ شٱهید بی. مهٱمٱد ڤرۊگردی ڤیررۊشنایی جٱنڳی فرٱ د خوش دیاری کرد ۉ د ڤا دما اوماین لٛؽزجاگری د کوردسوݩ نٱشخاْ فرٱ کارگرایی داشت. سی یٱ اۊ د اؽروݩ ڤ نوم مٱسی کوردسوݩ نوم دیار بیٱ. هٱمچنیݩ اۊ آمۊختاریار ۉ دیڤوندار ماٛردیار ۉ رٱڤٱندؽار تیپ ۲۷ مهٱمٱد رٱسۊل الله بی.[۱]

د بچاٛیی تا جهالی[آلشتکاری]

مهٱمٱد ڤرۊگردی د سال ۱۳۳۳ د رۊستادرٱ گورگ کاْ یٱکؽ د آباییا ڤرۊگرد ٱ د یاٛ هونڤادٱ کشاڤٱرز اوما ڤ دی. اۊساْ د شٱش سالاٛیی بوٱش د دٱس دٱ. چٱن سال دما موردن بوٱش ڤا هونڤادٱش اومان تؽروݩ ۉ رٱتن د خؽابوݩ مۉلٱڤی. چٱن سالؽ د کار د لٛباس دۊزی مٱشغۊل بی ۉ ڤ کلاسؽا شٱبونٱ مؽرٱت ڤٱلٛی نٱتونس دٱرسشاْ تٱموم بٱکٱ. اۊ د هیڤدٱ سالاٛیی زٱن هاست ۉ یاٛ سال هٱنی سی سٱرڤازی هاستنش ڤٱلٛی د خدمٱت فرار کرد ۉ سی دیین اؽمام خوماٛینی گورؽخت د مٱرز اؽروݩ ۉ عراق د لٛا مٱرز هوڤاٛزٱ.[۲] دٱسگیر بیۉ سیش شٱش ما زندوݩ بورین. اۊ دما اؽ گات سٱرڤازیشاْ تٱموم کرد.

کونشت کاریا سی ڤٱز آلؽشت اْسلامی اؽروݩ[آلشتکاری]

مهٱمٱد ڤرۊگردی د سالؽا دما ڤٱز آلؽشت اْسلامی اؽروݩ، د تؽروݩ ڤا قرؽ د جٱنڳؽاریا ڤٱز آلؽشتکار چی شٱهید مٱئدی عراقی آشنا بی[۳]ۉ د زٱفت ۉ دٱرتیچ کردن گوتٱدؽاریا ۉ نڤارؽا چٱک چنٱیا اؽمام خوماٛینی فرٱ کۊشش کرد. دا مهٱمٱد ڤرۊگردی مۉئٱ: «هونٱ اؽما د مۉلٱڤی بی ڤ مؽنجا دٱرتیچ کاری گوتٱدؽاریا ری ڤ ری رجیم شا. مهٱمٱد ڤارد چٱن کٱس هٱنی د رقیفؽاش دٱسگا خٱیاتی نیان ڤا کار ۉ اۊساْ چٱن نٱفٱر گرتن کاْ ری اؽ چٱرخؽا خٱیاتی کار مؽکردن ڤٱلٛی یٱ ری کار بی. اۊچاْ مؽن پٱستۊ چاپهونٱ بی کاْ دش گوتٱدؽاریا ڤٱز آلؽشت اْسلامی ناْ راس مؽکردن.[۴].

مهٱمٱد هامیندار جٱنڳ تفٱنڳ ڤا هکۊمٱت پٱلٱڤی بی. سی ڤٱ بی کاْ رٱت سی سۊریٱ ۉ اۊچاْ بی کاْ ڤا اؽمام مۊسا سٱدر ۉ مهٱمٱد مونتٱزری تٱماس گرت ۉ دٱس ڤ کار آمۊختارکاری جٱنڳؽاری ۉ چریکی د آمۊختارجایا چریکی جۏمشت ٱمٱل بی. اۊساْ دماش رٱت ڤ لٛۏبنوݩ ۉ ڤا شٱهید چٱمران هٱم آشنا بی. اۊ تا ڤٱز آلؽشت اْسلامی سال 1357، د چٱن گلٛ کونشتکاری جٱنڳی ری ڤ ری رجیم پٱلٱڤی هومیاری داشت. اۊ د رچٱما سال پٱنجا ۉ هٱفت هٱم د لٛا شٱهید بؽئشتی ۉ شٱهید مٱئدی عراقی، سٱردٱسٱ گورۊ پٱر ۉ پیم کاری د اؽمام خوماٛینی(ره) د گات ڤرگٱشتنش ڤ اؽروݩ بی[۵]. چٱن تا د کونشتکارؽا اۊ دما ڤٱز آلؽشت اْسلامی اؽروݩ ڤنونٱن:

  • بی تفٱنڳ کردن لٛؽزگٱ شٱئربانی تؽروݩ.
  • کونشتکاری جٱنڳی د پومزٱ خورداد سال ۱۳۵۷.
  • مونفٱجر کردن کاخ جڤونؽا راساگٱ شۊش تؽروݩ.
  • گرتن تفٱنڳؽا کلانتری چواردٱ د ماٛدوݩ خوراسوݩ.
  • شرکٱت د آزاد کرد پادگان جٱمشیدیٱ ۉ رادیو تلٛیڤرزوݩ.
  • مونفٱجر کردن رستۊران خانسالٛار.
  • مونفٱجر کردن اوتوبۊس جٱنڳی کاْ موستشارؽا اْمریکایی دش بیین، د لٛٱڤیزان [۶].

کارؽاش دما ڤٱز آلؽشت اْسلامی اؽروݩ[آلشتکاری]

مهٱمٱد ڤرۊگردی سی گات کٱمؽ دیڤوندار زندوݩ اْڤین بی ۉ دماش ڤا داسوݩ یٱکؽ د دوئزٱ کٱس کاْ ٱندوم دٱسٱ رٱڤٱندؽار سپا پاسدارؽا ڤٱز آلؽشت اْسلامی اؽروݩ د راس کردن اؽ جاگٱ فرٱ کۊشش کرد.

ڤرۊگردی د کوردسوݩ[آلشتکاری]

ڤ هۏداْ اؽمام خوماٛینی سی یٱ کاْ بایٱد لٛؽزشؽڤسٱیا کوردسوݩ آرۊم بان، ڤرۊگردی د مورداد ۱۳۵۸ ڤا داسوݩ یٱکؽ د فٱرمونؽارؽا سپا رٱت ڤ پاڤٱ. ڤا دۏرس کردن سامونجا پؽشمٱرگؽا کورد بوسٱلموݩ، د لٛا آیٱت الله بؽئشتی ۉ علٛی ٱکبٱر هاشمی رٱفسٱنجانی دیڤوندار اؽ جٱرغٱ بی. ڤا تلاش ۉ هۊش فراٛ کاْ د کوردسوݩ د خوش دیاری کرد ۉ جاگٱ کلٛیدیؽ د ڤرگٱشتن شٱئرؽا کوردسوݩ کاْ رٱتنی زؽرنٱخیز کوملٱ ۉ پارتی زایارٱ کؽخا کوردسوناْ اؽروݩ داشت. د کاریا خۊ مهٱمٱد ڤرۊگردی د نۊ گرتن شٱئرؽا بانٱ، پیرانشٱئر ۉ سٱردٱشت بیٱ. اۊ د اؽ گات چٱن گلٛ رتٱ بی د کونشتیارؽا جٱنڳی د هارگٱ ڤلات . مهٱمٱد ڤرۊگردی د ٱڤٱل ماگٱرمٱ سال ۱۳۶۲ سی یٱ کاْ رٱت ری یاٛ مین د رٱ مهاباد ڤ نٱقٱدٱ شٱهید بی.

دماکاریا ۉ کاریاریا[آلشتکاری]

  • رٱڤٱندؽاری کردن یاٛ جٱرغٱ تفٱنڳچی ڤ نوم جٱرغٱ توهیدی سٱف
  • دیڤوندار دٱسٱ هامینداری د اؽمام خوماٛینی د گات اوماین ڤ اؽروݩ د 12 رچٱما 1357
  • ٱندوم دٱسٱ رٱڤٱندؽاریا سپا پاسدارؽا ڤٱز آلؽشت اْسلامی اؽروݩ
  • دیڤوندار ۉ رٱڤٱندؽار نیرۊیا پؽشمٱرگٱ کورد بوسٱلموݩ د کوردسوݩ
  • دیڤوندار قرارگا هٱمزٱ ساٛیدوشوهٱدا
  • دیڤوندار سپا کوردسوݩ

د گات شٱهید بیین دیڤوندار هیچ جاگٱؽ ناٛیی. شٱهید همٱت ۉ شٱهید ٱمٱد موتڤٱسلیان د جۏملٱ دیڤونداریاؽ بینٱ کاْ ڤ دیڤوندار ڤنو بینٱ.

ڤیر ۉ باڤٱرؽا ۉ رۊشنا ڤیرؽا[آلشتکاری]

مهٱمٱد ڤرۊگردی د گات جٱنڳؽاری د ری ڤ ری رجیم شا د جٱنڳ ڤا تفٱنڳ ڤ کار گرتن کشمٱکش ٱتقات داشتٱ ۉ سی یٱ بیٱ کاْ اۊ مؽرٱتٱ سۏراغ کاریا جٱنڳؽاری.

ۉلاد[آلشتکاری]

سرچشمٱ[آلشتکاری]

چوٙأ:پانڤیس

  1. هۏساٛݩ باٛئزاد ۉ گوعلٛی بابایی،هومپا تٱش بریق (کارنومٱ کونشتاری لٛٱشگٱر ۲۷ مهٱمٱد رٱسۊل الله)، سۊرٱ ماٛئر، چ ۴، ب۸۰۶
  2. هۏساٛݩ باٛئزاد ۉ گوعلٛی بابایی،هومپا تٱش بریق (کارنومٱ کونشتاری لٛٱشگٱر ۲۷ مهٱمٱد رٱسۊل الله)، سۊرٱ ماٛئر، چ ۴، ب۸۰۶
  3. هۏساٛݩ باٛئزاد ۉ گوعلٛی بابایی،هومپا تٱش بریق (کارنومٱ کونشتکاری لٛٱشگٱر ۲۷ مهٱمٱد رٱسۊل الله)، سۊرٱ ماٛئر، چ ۴، ب۸۰۶
  4. ڤیجٱنومٱ سالرۊز شهادٱت ڤرۊگردی د نۊ دیین۲۵/۲/۱۳۸۵
  5. [http://www.irdc.ir/article.asp?id=236 ڤیردؽاریا موئسن رفیق دۊس د گات پؽش اوماین ڤٱز آلؽشت دیارگٱ کانۊن ٱسناد ڤٱز آلؽشت اْسلامی اؽروݩ
  6. نومٱ سالرۊز شهادٱت ڤرۊگردی دوئرٱ دیین د ۲۵/۲/۱۳۸۵