سلاهدین دئمیرتاش

د ڤیکیپدیا، دونسمنامٱ آزاد
پرش به ناوبری پرش به جستجو
سلاهدین دئمیرتاش
Selahattin Demirtaş (cropped).jpg
سٱردیڤونؽار پارتی مٱردم کؽخا زایارٱ
مٱشغۊل ڤ کار
ڤیرگار گوماشتٱ کاری

22 جوٱن 2014

نوئا د ٱرتوغرول کۊرکچۊ
سباهٱت تۊنجیل
سٱردیڤونکار پارتی آشتی کاری ۉ مٱردم کؽخایی
مٱشغۊل ڤ کار

1 فڤریٱ 2010 – 22 آڤریل 2014

نوئا د موستٱفا آیزیت
دئمیر چیلک
دما د پارتی د یٱک تیچس
ساٛیلٛپارتی مٱردم کؽخا راساگاٛیی بٱکؽت
ٱندوم مجلؽس زایاراٛیی گٱپ
مٱشغۊل ڤ کار
ڤیرگار گوماشتٱ کاری

22 جۊلای 2007

راساگٱ گلٛٱڤرچی بیئن دیاربٱکر (2007)
هٱکاری (2011)
دونسمٱنیا شٱخسی
ڤ دیر اومایئن 1973
پالو, آلازیغ، تۏرکیٱ
پارتی سؽاسی پارتی کومولٱیٱکی مٱردم کؽخایی
(دئما سال 2008)
پارتی آشتی کاری ۉ مٱردم کؽخایی
(2008–2014)
پارتی مٱردم کؽخا زایارٱ
(2014–تا ایساْ)
www.selahattindemirtas.net

سلاهدین دئمیرتاش (ڤ دی اومایٱ د ۱۹۷۳ پالو (= خارپۊت) آستوݩ آلازیغ) یاٛ سؽاسٱتکار زازاکی یٱ کاْ د کوردسوݩ تۏرکیٱ اومایٱ ڤ دی.[۱] [۲] اۊ یاٛ هقۊق دونسمٱن، ڤٱکیلٛ، کونشتکار سؽاسی ۉ شٱئرآڤیشتٱ کاریٱ [۳]اۊ سٱردیڤونکار پارتؽا پارتی آشتی کاری ۉ مٱردم کؽخایی ۉ پارتی مٱردم کؽخا زایارٱ ئا.


زیشت نومٱ[آلشتکاری]

سلاهدین د سال ۱۹۷۳ زایشتی د یاٛ هونڤادٱ زازا د شٱئرستوݩ پالو کاْ ھا د آستوݩ آلازیغ اومایٱ ڤ دی. اۊ آمۊختارکار رشتٱ هقۊقٱ ۉ سی گات فراٛ اۊ د سامونگٱیا ڤابٱستٱ ڤ پ ک ک د آستوݩ دیاربٱکر ۉ آستوݩ اْستامبۊل کونشتکاری داشتٱ. دما اۊ برار گٱپش نۊردین، سٱردیڤونکار پارتی آشتی کاری ۉ مٱردم کؽخایی بییٱ ۉ سلاهدین تونس د لٛا اؽ پارتی رۉٱ ڤ پارلموݩ تۏرکیٱ ۉ بۊٱ نمایٱندٱ زایارٱ آستوݩ هٱکاری . اۊ دما خلاس بیین گات دٱبیرسوݩ د کونکور سٱر تا سٱری ڤا خوش سرٱنجومی تونس رۉٱ ڤ دونسمٱنیجا زایاراٛیی دۊکۊز ایلۊل ۉ شرۊ کرد ڤ آمۊختار کاری د رشتٱ دیڤونداری بازٱرگونی ۉ اومۊری ڤٱلٛی یاٛ چیاؽ مٱجبۊر بی آمۊختارکاری د دونسمٱنیجا ناْ ڤلٛ بٱکٱ.دما اؽ جٱریوݩ اۊ ڤرگٱشت ڤ دیاربٱکر یاٛ گلٛ ھٱنی اْمتهوݩ کونکۊر ناْ دٱ ۉ اؽ گلٛ د دونسمٱنیجا آنکارا د رشتٱ هقۊق قٱبۊل بی.دما تٱموم بیین آمۊختارکاری د دونسمٱنیجا آنکار د رشتٱ هقۊق اۊ سی یاٛ گات کٱمؽ چی یاٛ ڤٱکیلٛ آزاد کار مؽ کرد.اۊساْ دما چٱن سال ڤٱکیلٛ بیینش ٱندوم لٛٱشک دیاربٱکر ساڤار هقۊق زایارٱ بی.

دیجایا سؽاسی ۉ کومولٱیٱکی[آلشتکاری]

سلاهدین دئمیرتاش کونشتیاری سؽاسی خوشاْ د پارتی کومولٱیٱکی مٱردم کؽخا د سال 2007 زایشتی چی یاٛ گلٛ د نومٱزدؽا اۏمؽدڤار اؽ پارتی شرۊ کرد. سلاهدین د اْنتخابات 23 ئم مجلؽس تۏرکیٱ شرکٱت کرد ۉ د سن 34 سالاٛیی د لٛا پارتی کومولٱیٱکی مٱردم کؽخا بی ڤ یٱکؽ د نمایٱندٱیا مجلؽس تۏرکیٱ ۉ اۊساْ بی ڤ سٱردیڤونکار اؽ پارتی د مجلؽس تۏرکیٱ. پارتی کومولٱیٱکی مٱردم کؽخا ڤا دٱسدۊر دیڤون عالٛی ڤلات تۏرکیٱ د سال 2009 زایشتی تٱتیلٛ بی ۉ جا خوشاْ دٱ ڤ پارتی آشتی کاری ۉ مٱردم کؽخایی. ٱڤلیݩ کونگرٱ اؽ پارتی د سال 2010 زایشتی رٱڤٱندؽاری بی ۉ گۊلتان کیشانٱک ۉ سلاهدین دئمیرتاش بیین ڤ سٱردیڤونکارؽا اؽ پارتی. اۊ د سال 2011 زایشتی سی 24 ئمیݩ دۉرٱ مجلؽس اْنتخاب بی. دئمیرتاش د گاتؽ بی ڤ سٱردیڤونکار پارتی آشتی کاری ۉ مٱردم کؽخایی کاْ د اؽ گات مؽنجا کوردؽا ۉ دۉلٱت تۏرکیٱ آشتی کاری ٱنجوم بی. سلاهدین دئمیرتاش ڤارد فیگن یۊکسٱکداغ بیین ڤ سٱردیڤونکارؽا پارتی مٱردم کؽخا زایارٱ ۉ د اؽ سال بی کاْ دئمیرتاش د لٛا اؽ پارتی د اْنتخابات سٱرکومرٱ ڤولاتی شرکٱت کرد ۉ 0.9 دٱرسٱد رٱی سیش جٱم بی.

زیشت شٱسخی[آلشتکاری]

دئمیرتاش باشاک دئمیرتاش ناْ ڤ زٱنی گرئت ۉ ایساْ دۏ تا دوخڌر دارٱ ڤا نومؽا:دئلدا ۉ دئلال.

سرچشمٱ[آلشتکاری]

  1. Türkdoğan, Orhan. DOĞU VE GÜNEYDOĞU SORUNLAR VE ÇÖZÜM YOLLARI. IQ Kültür Sanat Yayıncılık. ss. 16. ISBN 9789752552623.
  2. "Demirtaş K.Irak'ta Kürt konferansında konuştu". ensonhaber.com. 19 Şubat 2012. Erişim tarihi: 15 Nisan 2013.
  3. www.tbmm.gov.tr/develop/owa/milletvekillerimiz_sd.bilgi?p_donem=23&p_sicil=6482