جۏمٱ

د ڤیکیپدیا، دونسمنامٱ آزاد
پرش به ناوبری پرش به جستجو

جۏمٱ د قرؽ د ڤلاتؽا اْسلامی چی عرۉئسوݩ سعۊدی ۉ عراق، هٱفتمی ۉ آخری رۊز د هٱفتٱ ۉ رۊز تٱتیلٛ هٱفتٱ کاری ۉ شٱمٱ، رۊز ٱڤٱل هٱفتٱ ۉ رۊز ٱڤٱل هٱفتٱ کاری ڤ اْشمار مؽا، ۉ د تٱقڤیم زایشتی، پٱنجمی رۊز د هٱفتٱ هؽ، د ڤلاتؽایؽ کاْ ڤ شکل قرارمٱنی یاٛ شٱمٱ رۊز ٱڤٱل هٱفتٱ هؽ، آدینٱ، شٱشمی رۊ د هٱفتٱ ڤ اْشمار مؽا. د ڤلات اْسرائیلٛ هنی جۏمٱ ۉ شٱمٱ رۊزؽا آخر هٱفتٱ ۉ یاٛ شٱمٱ رۊز ٱڤٱل هٱفتٱ کاری هؽ. د گات اْشمار آریایی نوم اؽ رۊز ناهید شید هؽ. اؽ رۊز، مؽنجا دۏ رۊز پٱن شٱمٱ ۉ شٱمٱ قرار گرتٱ بیٱ.

د آسارٱ شناسی[آلشتکاری]

جۏمٱ د آسارٱ شناسی، ڤ سٱیارٱ زوهرٱ ارتبات دارٱ، کاْ اؽ داستوݩ ڤا عشق، سۏله، ۉ آرامش، د پٱلٛی ڤ مٱنی ٱساسؽا تمارزییا باتل، یٱک گرتٱ بیٱ.

خورافٱیا[آلشتکاری]

د بٱزؽ د فٱرهٱنڳؽا، آدینٱ، ڤ خوسۊس رۊز ۱۳ هٱر ما کاْ ڤا آدینٱ، موقارن بۊئٱ، رۊزؽ شۊم ۉ نٱهس ئٱ. د مؽوݩ دٱریانٱڤٱردؽا، جۏمٱ رۊز شۊمی سی شرۊ یا اْدامٱ سٱفٱرسٱفٱر هؽ. ڤ ٱساس ٱفسانٱ یا، یاٛ ناڤ سٱلتٱنٱتی مٱرۊف ڤ HMS Friday د رۊزؽا جۏمٱ، ڤ دٱریا ڤٱنٱ مۊئٱ کاْ ناخوداش ڤنٱ هٱم، ناخودا فرایداٛی ئٱ.

د مٱزهٱبؽا[آلشتکاری]

  • رۊز تٱتیلٛ یهۊدی یا، د ٱفتاونشیݩ رۊز آدینٱ شرۊ مۊئٱ ۉ د شۉ شٱمٱ ڤ پایان مؽرٱسٱ.
  • د دین مٱسیهیٱت، آدینٱ نیک، آخری آدینٱ نوئا عاٛد پاک هساو مۊئٱ، ڤنو د اؽ رۊز ڤ موناسبٱت عرۊج عیسا، جٱشن ماٛیرٱن.
  • مٱسیهی یا کاتولٛیک، موتعٱهد هؽسن کاْ د آدینٱ د هٱردن گۊشت، ڤ غاٛر گۊشت مایی خوداری بٱکٱن.
  • موسٱلمونؽا، د رۊز جۏمٱ مٱراسم نماز جۏمٱ ۉ رسۊم خاس ڤٱ ناْ بٱرگوزار مؽکٱن. «شیعٱیا» اؽ رۊز ناْ مٱنسۊب ڤ اٛمام زموݩ(=مونجی موعۊد) دونٱن ۉ سی زهۊرش دوعایایؽ جۊر دوعا «نودبٱ» مونٱن ۉ اْتقاد دارٱن کاْ د اؽ رۊز زهۊر مؽکٱ.
  • جۏمٱ، هٱمچنی رۊز تٱتیلٛ، د آیین بهاییٱت هساو مۊئٱ.
  • مٱسیهیا اورتودوکس هٱم، د اؽ رۊز جۊر چارشٱمٱ، رۊزاٛیؽ خاس ماٛیرٱن.
  • د تایلٛٱند، هٱم رۊز جۏمٱ ڤا رٱنڳ آویی هٱمنشیݩ ئٱ.

نومؽا نوم دؽار جۏمٱ[آلشتکاری]

  • جۏمٱ نیک: آخریݩ جۏمٱ نۊئا عاٛد پاک.
  • جۏمٱ سؽ: ڤ ٱساس قراردادؽ نانڤشتٱ تاریخی، ڤ هٱر جۏماٛیؽ کاْ د ڤٱ موسیبٱتؽ بۊئٱ، مۉئٱن.
  • د اْمریکا، جۏمٱ سؽ ڤ رۊز دما رۊز شۏکر گوزاری هٱم مۉئٱن. ٱڤلیݩ رۊز رٱسمی ڤازکردن فرۊشگایا سی فٱسلاْ فرۊش ڤیژٱ جٱشن کریسمٱس، دۉرٱ زمونؽ کاْ بؽشتر شۏغلؽا ڤ سۊد خوشو فرٱ اْزافٱ مؽکٱن تا زرٱر ۉ کٱم فرۊشی خوشوݩ ناْ جۏبران بٱکٱن.
  • جۏمٱ غاٛر جدی: یا جۏمٱ خوداهافزی، ڤ راهٱتی د پوشیئن پرتال فورم د بٱزؽ د اْدارٱیا د رۊز جۏمٱ مۉئٱن.
  • جۏمٱ خینی: د اؽروݩ، ڤ یادڤارٱ ۱۷ شٱئریڤٱر، رۊز کوشتار مٱردم ۉ دانش آمۊزؽا د ماٛدوݩ ژالٱ ڤ دٱس نیرۊیا نزامی رژیم سٱلتنٱتی اؽروݩ د رۊزؽا اْنقلاب سال ۱۳۵۷ مۉئٱن.

سرچشمٱ[آلشتکاری]