اونوراْ دو بالزاک

د ڤیکیپدیا، دونسمنامٱ آزاد
پرش به ناوبری پرش به جستجو
Honoré de Balzac
Honoré de Balzac (1842) Detail.jpg
Daguerreotype taken in 1842
ڤ دیر اومایٱ د Honoré Balzac[۱]
۲۰ ماٛی 1799 (1799-05-20)
Tours, Indre-et-Loire, France
د دۏنیا رٱتٱ د 18 August 1850 (عومر 51 سال)
Paris, France
جاگٱ ایسجا بیئن Père Lachaise Cemetery, Paris
کسم Writer, critic, journalist, printer
زایارٱڤٱنی French
هٱمٱچیا University of Paris
ژانر Novel, dramaturgy, essay
جۏنبش نیسمونی Realism
آرنڳیٛا جادیٛار
جائؽزٱیا Legion Honneur Chevalier ribbon.svgLégion d'honneur
سالیٛا کنشکاری 1829–1850
هومسریٛا Ewelina Hańska (زن هاسن ۱۸۵۰)
(née Contessa Rzewuska)

اْمزا

اونوراْ دو بالزاک (۲۰ ماٛی ۱۷۹۹ - ۱۸ اۊت ۱۸۵۰) نڤیسیار نوم دؽار فرانساٛیی ٱ کاْ ڤٱ ناْ را رٱ دیاروند مٱکتو رئالیسم اْجتمایی د نیسموݩ دونٱن.

«کومدی اْنسانی» نومیٱ کاْ بالزاک سی کوملۊس آرنڳؽا خوش کاْ 90 تا گٱپ مٱتٱل ۉ مٱتٱل هؽسن اْنتخاو کردٱ. سی یٱ کاْ ڤٱ د مٱتٱلؽا ۉ گٱپ مٱتٱلؽاش فرٱ دٱبارٱ آیم ۉ رۉهیاتش قسٱ کردٱ ۉ خوش دٱبارٱ آیم گوتٱ مؽنجا نڤیسیارؽا اؽ قٱرن فرٱ نوم دؽارٱ ۉ گرینج جا فرٱ بٱرزی دارٱ.

سٱرگوئارد[آلشتکاری]

بالزاک د یاٛ هونڤادٱ مؽنجا مالدار د شٱئر تۊر، فرانسٱ اوما ڤ دیر. د هٱش سالاٛیی رٱت ڤ یاٛ مٱدرسٱ شبانٱ رۊزی، ڤلی ڤٱ د سال ۱۸۱۳ د مٱدرسٱ اوما ڤ دٱر ۉ سال نها ڤا گرد هونڤادٱش مالکنون کردن سی پاریس . د سال ۱۸۱۹ د رشتٱ هوقۊق گرینج گر بی، ڤلی ڤا یٱ کاْ هونڤادٱ ش مؽهاسن ڤٱ هاٛ او رشتٱ هوقۊق ناْ نهاگری بٱکٱ ڤلی ڤٱ رٱت ڤ رشتٱ نیسموݩ.

د ٱڤٱل رٱ سی یٱ کاْ زؽر نخیز کارگرایی ڤالتر اْسکات بی شرۊ کرد ڤ نیسٱنن گٱپ مٱتٱلؽا ڤیرگارمٱن؛ گٱپ مٱتٱلؽایی کاْ خوش د نهاتر د ڤنو گوت «موزٱخرٱفؽا نیسمونی». د اؽ گات گٱن ڤٱ ڤا یاٛ زٱن ڤ نوم لور دو برنی آشنا بی. ای زٱن بؽشتر د بیس سال د ڤٱ گٱپتر بی، د زئشت بالزاک نٱشق دا ۉ هنی مٱعشۊقٱ ناْ بازی کرد. ڤٱ هامینداری پیلٛیۉ ڤیرمنی فراٛیؽ د بالزاک مؽکرد ۉ ماٛئری ناْ کاْ بالزاک د بٱچاٛیی دش بٱرخوردار ناٛی سیش مؽکرد.

کشیاری د کونتس ٱڤلی هانسکا آرنڳ هولز فون سوگن ۱۸۲۵

ٱڤلی آرنڳ ڤٱر تیٱ گیر بالزاک ڤیرشناسی زٱن هاسٱ د سال ۱۸۲۹ پلا بی. نها د نیسٱنن چٱن تا گٱپ مٱتٱل خلک پسٱند ۉ تٱنز ۉ تٱفرٱ سی ڤ دٱس آوئردن درآمد د عٱرسٱ پلاگری ۉ درتیچ کاری فرۉ بدهکار بی، پلا بیئن گٱپ مٱتٱل چرم ساغری د سال ۱۸۳۱ زایشتی ڤ بؽشتر د دماتر نوم دؽار کرد.

بالزاک نها د اؽ روخ ڤٱن شبانٱ رۊز مؽنیسٱن ۉ ڤا ساٛلٛ ڤ یٱ کاْ آرنڳؽا ڤٱ فرٱ خوش سرٱنجوم بیئن، خوش لٛڤاسیۉ خوش گوتن ڤٱ ماٛموݩ خوش اوماؽئت گوتن ڤٱ د سالونؽا پاریس چی سالوݩ دوشس دابرانتس بی. ڤٱ گٱپ مٱتٱل زناٛییا ڤلٛ بیٱ دٱ ڤ اؽ زٱن.

بالزاک د زئشت خوش ڤا زنؽا فراٛیؽ دۊس بی . تٱقریبٱن

قۉر بالزاک د قۉرسوݩ پرلاشز د پاریس

همٱ اؽ زنؽا جادؽارکن شٱخسؽٱتؽا ما د گٱپ مٱتٱلؽا بالزاک ٱن. د مینجا ڤنو مۊئٱ د لور دو برنی (مادام دو مورسوف د زٱنبٱق درٱ)، دوشس دو کستری (دوشس دولانجٱ د آرنڳؽ ڤ همؽ نوم)، کارولین مربوتی (دینا دو بودرٱ د گٱپ مٱتٱلاْلاهٱ راسگٱ)، ۉ کنتس جیدوبونی ڤیسکونتی (لیدی دادلی د گٱپ مٱتٱل زٱنبٱق درٱ) هشارٱ دٱ. بالزاک د رابتٱش ڤا مری دو فرنٱ سهاو یاٛ دوختر ڤا نوم مری کارولین بی ۉ د مؽنجا زنؽایؽ کاْ ڤٱ دل رٱتٱ شو بی، ڤا کونتس ٱڤلی هانسکا زؽنٱ یاٛ ٱشراف زادٱ لهستانی کاْ ٱملاک فراٛیؽ د رۊسیٱ داش، رابتٱ ٱفلاتۊنی ۉ نوماٛی ۱۷ سالٱ ڤرقرار کرد. اؽ نومٱیا ڤا داسون نومٱ ڤ بؽگانٱ پلا بیٱ. هٱرچٱن کنتس هانسکا دما د دۏنیا رٱتن ماٛرٱش د سال ۱۸۴۱ داٛ شی نٱکرد، ڤلی د سال ۱۸۵۰ د گاتؽ کاْ بالزاک فرٱ مریز بی داٛ ڤٱ شی کرد. چٱن ما نهاتر بالزاک د شٱئر پاریس د دۏنیا رٱت ۉ د قۉرسوݩ پرلاشز نؽانش د خاک.

رٱڤش نیسنٱن[آلشتکاری]

آرنڳؽا بالزاک آیناٛیؽ د جامعٱ فرانسٱ د رۊزگار خوشٱ. ڤٱ آیمیایی د هٱر دٱسٱ اْجتمایی، د ٱشراف نوم دؽار گرتٱ تا کشاڤٱرزؽا خلکی ناْ د کومدی اْنسانی جا دؽاری کردٱ ۉ خوسۊسیات جۊر ڤ جۊری شٱخسؽٱتی ڤنوناْ نمایش ماٛیٱ. بٱئرٱ گرتن ڤٱ د فٱن دۏرس کردن پاٛڤٱن مؽنجا آیمؽا ۉ تکرار کردن بیئن ڤنو د مٱٱلؽا جۊر ڤا جۊر باعس بیٱ کاْ ڤٱ د گٱپ کلون کردن ڤیرشناسی شٱخسؽٱتؽا تٱک تٱکی خوش سرٱنجوم با.

رئالیسم لٛۏخت ۉ بٱدبینی بالزاک د زات آیمؽ کاْ ها د آرنڳؽا ڤٱ، ڤٱ ناْ د زمینٱ سازیاری د رٱ ڤٱندؽاری کردن سی جۏنبش ناتورالیسم د نیسموݩ فرانسٱ فرٱ نوم دؽار کردٱ. کارگرایی ڤٱ د خاٛلٛؽ د نڤیسیارؽا ناتورالیست چی امیل زولا کاملٱن دؽارٱ. چیا فراٛیؽ د بٱدبینی ڤٱ کارگرایی داشتنٱ، چی گات بٱچاٛییۉ اۉزا اْجتمایی د گات زئشت ڤٱ.

آرنڳؽا[آلشتکاری]

بالزاک یٱکؽ د پورکار تری نڤیسیارؽا دۏنیا ٱ. ڤٱ د تۊل عۏمر کۊتا خوش بؽشتر د سٱد گوتار، گٱپ مٱتٱل ۉ نمایش نومٱ نیسٱنٱ. یاٛ پاراٛیؽ د مٱتٱلؽا ڤٱ ڤ زڤوݩ فارسی ڤالٛرشتٱ بینٱ، چی:

  • شوئانیا (۱۸۲۹) ڤالٛریار شٱئرام زرندار، پلاگٱ فکر رۊز، موستٱفا موفیدی
  • گوبسک رباهٱر (۱۸۳۰) ڤالٛریار موهٱمٱد جٱعفٱر پۊیٱندٱ، پلاگٱ فٱردا
  • چرم ساغری (۱۸۳۱) ڤالٛریار م. ا. باٛآزین، پلاگٱ ناهید
  • شاکار نادؽار (۱۸۳۱) ڤالٛریار عٱبداللا تٱڤۉکول د کتاو سٱرهٱنڳ شابر (کوملوس مٱتٱل)، پلاگٱ قٱترٱ
  • سٱرهٱنڳ شابر (۱۸۳۲) ڤالٛریار عٱبداللا تٱڤٱکول د کتاو سٱرهٱنڳ شابر (کوملوس مٱتٱل)
  • اورژنی گراندٱ (۱۸۳۳) ڤالٛریار عٱبداللا تٱڤٱکول، پلاگٱ ناهید
  • دل رٱتاٛیی کیمیاگٱر (پاٛجۊری د موتلٱق) (۱۸۳۴) ڤالٛریار موهٱمٱد مٱهدی پۊرکٱریم، پلاگٱ تیسفۊن
  • مادام دولاشانتری (۱۸۳۴) ڤالٛریار هوجبر سنجرخانی، پلاگٱ نگا
  • دوختر تیٱ تلایی (۱۸۳۵) ڤالٛریار عنایٱت‌ اللا شٱکیباپۊر، پلاگٱ غٱزالی
  • بوئٱ گوریو (۱۸۳۵) ڤالٛریار اْدڤارد جوزف، پلاگٱ دونسمنی ۉ رئزشتی ۉ قوقنۊس
  • زٱنٱبق درٱ (۱۸۳۶) ڤالٛریار م. ا. باٛآزین، پلاگٱ فردوس
  • پیر دوختر (۱۸۳۶) ڤالٛریار موهٱمٱد جٱعفٱر پۊیٱندٱ، پلاگٱ چشمٱ
  • سزار بیروتو (۱۸۳۷) ڤالٛریار ٱردشؽر نیک پۊر، بونگا ڤالٛریاری ۉ درتیچ کاری کتاو ، سال ۱۳۴۳
  • ڤیردؽارؽا یاٛ کشیش داٛئکٱدٱ (۱۸۳۹) ڤالٛریار هۊشیار رٱزم آزما، پلاگٱ جامی
  • اورسولا میرو (۱۸۴۱) ڤالٛریار روشٱن آغاخانی ڤا داسوݩاورسولا، پلاگٱ اْکباتان
  • گوسند ساْ (۱۸۴۲) ڤالٛریار سیرۊس نٱڤیدان ڤا داسون دل اْشکسٱ، پلاگٱ کۊشش
  • زٱن سی سالٱ (۱۸۴۲) ڤالٛریار اْدڤارد جوزف، پلاگٱ جامی
  • تمارزیا د دٱس رٱتٱ (۱۸۳۷-۱۸۴۳) ڤالٛریار سٱعید نٱفیسی، پلاگٱ ٱمیرکٱبیر؛ موهٱمٱد جٱعفٱر پۊیٱندٱ، پلاگٱ نی؛ سیرۊس نٱڤیدان، پلاگٱ درنا
  • تاتٱ زا بت (۱۸۴۶) ڤالٛریار م. ا. باٛآزین، پلاگٱ آسیا
  • عامۊزا پونس (۱۸۴۷) ڤالٛریار سیرۊس نٱڤیدان، پلاگٱ کۊشش
  • بالا بلنڳی زئشت آیمؽا گٱن کار (۱۸۴۷)، ڤالٛریار پٱرڤیز شٱهدی، پلاگٱ قوقنۊس

سرچشمٱ[آلشتکاری]

  1. Jean-Louis Dega, La vie prodigieuse de Bernard-François Balssa, père d'Honoré de Balzac : Aux sources historiques de La Comédie humaine, Rodez, Subervie, 1998, 665 p.