ئولئ ئیڤار لوٙڤاس

د ڤیکیپدیا، دونسمنامٱ آزاد
پرش به ناوبری پرش به جستجو

چوٙأ:جأڤە دوٙنئسمأنیا آئم

ئولئ ئیڤار لوٙڤاس دوگدور ئولئ ئیڤار لوٙڤاس (ڤئ دی ئوماە د 8 مئی 1927 زایئشتی – د دونیا رأتە د 2 آگوست 2010 زایئشتی) [۱][۲] یئ گئل د ڤیرشئناسیا نوم دیار نورڤئجی ئمریکایی د دوٙنئسمأنیجا کالیفورنیا بی. ڤئ یئ گئل د رأڤأندیاریا زیربأرجا ڤارئسی کاری ڤئ کار گئرتئنی رأفتاری بی.

رأڤئشت لوٙڤاس[آلشتکاری]

د پایە مین جوٙریا و دیارکاریا خودصئلادار کئ أنجوم بینە خوٙییا رأڤئشت لوٙڤاس نە دیاری می کأن، د آموختارکاریای کئ د آخئریا سال 1950 زایئشتی أنجوم گئرئت ڤئ رأڤئشتیایی چی شوک بأرقی نە ڤئ کار گئرئت کئ ئی رأڤئشتیا ری پأنجا دأرصأد آئمیایی کئ خوشوٙنە عیڤدار می کئردئن فئرە کارگرایی خوٙ داشتە ڤئ رأڤئشتیا هأنی یی سی کأسوٙنایی کئ خوشوٙنە عیڤدار می کئردئن ڤئ کار گئرئت کئ چی رأڤئشتیا أڤألی نأبییئن.

کونشتیاری ری بأچە یایی کە چأن جئنسیتە تی بییئن ڤاگئرد دوگدور جورج رئکئرز[آلشتکاری]

ئضاف ڤئ یە کئ ڤئ ری بأچە یایی کئ ئوتیسم داشتئن مین جوٙری می کئرد د سال 1970 زایئشتی چار گئل گوتار ڤا هومیاری دوگدور جورج آلان رئکئرز دئبارە بأچە یایی کئ کئردار نامیزوٙ داشئن نیسأن. داسوٙن أڤئلی دأسە د ئی آموختارکاریا یئ گئل دوختأر کوچئک چار سالە دۊ جئنسی بییە کئ خودکوشی کئرد و حونئڤادە ڤئ رأفتار ڤئنە چی یئ گئل آئم گأپ سال دوٙنستئن ڤا یە لوٙڤاس و جورج رئکئرز ئی داسوٙن نە نیائن ڤأر تیە خوشوٙ چئ جوٙری یئ گئل آئم می توٙنە نئشوٙنە یا دۊ جئنسی بییئن خوشە قام بأکە. د سالیا نئهاتئر ئو بأچە دۊجئنسی گوت کئ بوٙأش سی یە کئ ڤئ دۊجئنسی بییئن شە دیار نأکە ڤئنە فئرە می زە.

زئشت شأصقی[آلشتکاری]

لوٙڤاس د لییئر نورڤئج ئوٙما ڤئ دی و ڤئ د گات زیر نأخیز بییئن نورڤئج ڤئ دأس نازیا د سال 1940 زایئشتی یئ گئل کارئگأر سادە کارخوٙنە بییە، نئها د جأن لوٙڤاس یئ گئل بوٙرس آموختارکاری موٙسیقار د دوٙنئسمأنگە لوٙتر د ڤولاتچە آیوٙڤا ئمریکا گئرئت. ڤئ د ئی دوٙنئسمأنگە آموختاریار بی و دوگدورا خوشە د ڤیرشئناسی د دوٙنئسمأنیجا ڤاشینگتون گئرئت. ڤئ دۊ گئل زأن هاست و چار گئل بأچە د زأن هاستئن أڤئلیش داشت .

زئشت نوٙمە[آلشتکاری]

  • Teaching Developmentally Disabled Children: The Me Book, 1981
  • Teaching Individuals With Developmental Delays: Basic Intervention Techniques, 2000

سأرچئشمە[آلشتکاری]

  1. Autism Support Network.
  2. Campbell, Victoria. Pioneer in autism treatment dies,