ئستیڤ وزنیاک

د ڤیکیپئدیا، دوٙنئسمأنامه آزاد
پئرئستئن د: ناڤجوٙری, پئی جوٙری
ئستیڤ ڤوزنیاک
Steve Wozniak.jpg
ڤوزنیاک د جوأن سال 2005
ڤئ دی ئوٙماە ئستئفان گأری ڤوزنیاک
1950
سان خوزئ، کالیفورنیا، ڤئلٛاتچه یا یأکاگئرئتە
زایارە ڤأندی ئمریکایی
نوما ھأنی
  • Berkeley Blue
  • Stephen Wozniak
  • Woz
آلما ماتئر
کئسم
نوم دیار بییە سی هومیاری سی رأڤأندیاری شئرکأت أپئل
ھومسأریا
  • آلیس رابئرتسون
  • کاندیک کئلارک
  • سوٙزان موٙلکئرن
  • جانئت هیل
بأچە یا 3
ئرتئڤاطیا موخاڤئراتی ex-WA6BND (ex-WV6VLY)
دیارگە
www.woz.org

ئستئفان گأری ڤوزنیاک یا ئستئفان گأری ڤوزنیاک (ڤئ ئینگیلیسی: Stephan Gary Wozniak) نومدیار ڤئ ئستیڤ ڤوزنیاک یئ گئلٛه أنازە یار أنجومیار، نئهاساز و دوٙنئسمأن ئمریکایە کئ د ۲۶ سالئ یی ڤاردئ روٙلأند ڤئین و ئستیڤ جابز کومپانی أپئل نئ د سال ۱۹۷۶ رأڤاندیاری کئرد. ڤوزنیاک و ئستیڤ جابز سی رأڤأندیاری أنجومیاری ڤئ نومئ أپئل I کئ ڤا وزنیاک دورئس کئرده بی، ئی یئ گئلٛ شئرکأت رأڤأندیاری کئردئن .أپئل I و أپئل II دو أنجومیارئ شأخصی بییئن کئ ڤوزنیاک د سالئ ۱۹۷۶ و ۱۹۷۷ راس کئردئن. أپئل I دئمایی تئرین أنجومیارئ شأخصی بی کئ تونایئ دیسئسئ ڤئ یئ مانیتورئ ڤیدئویی نئ داشت، و أپئل II دئمایی تئرین أنجومیارئ شأخصی بی کئ تونایئ نئشو دأیئنئ رأنگ و بأرنومه‌ نیسی بیه دئ زئڤون بئیسیکئ نئ داشت.دئماتئر د خوش سأرنجوم بییئنئ أپئل I و أپئل II، شئرکأتئ أپئل تأصمیم رأڤأندیاری نوسقە تازە تئر د دۊ مأحصولئ نئهایی خوشو گئرئتئن. دئ سالئ ۱۹۸۰ ڤئنو أپئل III نئ ریگوشوٙ کئردئن، ڤألی سی یە کئ قئری دئ چیا، أپئل III ڤئ بأره نأرأسئس و د سال ۱۹۸۴ گأپ کئلوٙنکاری ڤئنه ئیسا. یە سال دئما د ریگوشوٙن أپئل III، یئ گئلٛ بئلٛا گأن هأڤاپئمایی سی وزنیاک پیش وما و یە د حال و بالی بی کئ خوش خألأبان ئو هأڤاپئما بی. ڤا هیرداریا پئزئشکی، یئگئلٛ هأنی سئلامأتئش ڤئرگأشت. د سال ۱۹۷۸، ئستیڤ جابز بونئکویی نە ڤئ نومئ «لێسا» سی دورئس کئردئنئ أنجومیارئ نوٙیی ڤئ هأمو نوم بئناکئرد؛ دئ سالئ ۱۹۸۲، ئستیڤ جابز دئ بونئکوٙ لێسا بی ڤئ دأر، و دئ سالٛئ ۱۹۸۳ أنجومیار لێسا ڤئ بازار أرضه بی. ئستیڤ ڤوزنیاک دئ کأسونی بی کئ دئ دۊ پوروژه أپئل III و لێسا نئ شئرکأت کئرد.ڤئنأ دئ پوروژه مأکینتاش کئ ڤئ سأاردأسئیی ئستیڤ جابز بی شئرکأت کئرد. پوروژه دوروس کئردئنئ نهاتئرین مأکینتاش دئ سالئ ۱۹۷۹ شوروٙ بی و دئ سالئ ۱۹۸۴ خئلٛاص بی و ڤئ بازار أرضه بی. دأسگاه موس ڤاردئ ساموٙنە أمئلئ مأکینتاش (کئ یئ موحیطئ گئرافیکی بیه) هأم مأحصولئ شئرکأتئ زیراکس بیه. دئ سالئ ۱۹۸۵، ڤوزنیاک شئرکأتی ڤئ نوم سی ئل ۹ نە رأڤأندیاری کئرد. ئی کومپانی دئ سالئ ۱۹۸۷ نئهاتئرین دأسگا کونترول دئ ره دیر وموٙمی کئ تونایئ بأرنومه‌ریزی بیئنئ داشتئ ئشناختئنا. دئ هأمو سال،ڤئنه دئ شئرکأتئ أپئل رأت، و طئبقئ گوتأیاش، دألیلئش سی رأتئ دئ شئرکأت،دأس آوئردئنئ تأجروبه دئ دورئس کئردئنئ مأحصوٙلیا نوٙتئر و کوشکأتئر بی. دئ سالئ ۱۹۸۸، کومپانی سی ئل ۹هأم تأطیل بی، و دئ سالئ ۲۰۰۱، ڤئنأ شئرکأتئ چأرخیا زئوٙسئ نئ سی دورئس کئردئنئ سازیاریا جی‌پی‌ئس و بی‌سیم دورئس کئرد. دئ سالئ ۲۰۰۶، کومپانی چأرخیا زئوٙس أم تأطیل بی، و وزنیاک ڤاردئ دۊ تا دئ دأرس هأنیا أپئل ڤئ نومیا آلئن هئنکاک و گیلٛ آمئلیو، شئرکأتئ سازیاری ئکویی کورئ نئ ڤئ داسونئ یئ شئرکأت مأرکأزی ڤا تأمارزی شأریک بیئ دئ سأهومئ شئرکأتیا هأنی دئ جا گأپ کئردئنئ ڤئنو بئنا کئرد. دئماتئر ئی شئرکأتیا ڤئ سازیاری جاز آلئشت نوم ده، أما دئ سالئ ۲۰۰۸ ئی شئرکأتأم سی دألیلیایی تأطیل بی. دئ سالیا ۱۹۸۹ تا ۲۰۱۳، او ڤئ چأن تأصیق دۊکتورا شانازی دئ دانئشگایا جوٙرڤاجوٙر دئ گئردئ دۊنیا دأس پیا کئرد. ڤئنأ ئیسئ بیشتئرئ وأختئ خوشئ نئ سی سوخأنرانیا دئ جاکه یا، دانشئگایا و مأراسئمیا مئنیه. دئما دئ رأتئنئش دئ أپئل دئ سالیا ۱۹۸۷ تائیسئ ڤئنه پیلی ڤئ قیمأتئ ۱۲۰٬۰۰۰ دۊلار ڤئ داسونئ دأسموز دئ أپئل ڤئ طۉرئ مونگونه مئیره. ڤئنأ قئرئ زیادی دئ پیلٛیاشئ خأرجئ بأرنومأیا خئیرونه میکه،او تۊچئسه ڤئ ئسأیئنئ گئردئ گأجئتیا دۊنیا چی گوٙشیا هوٙشمأندأم هی.

نوم[ڤیرایئشت]

نومئش د سئجئل ئستئفان گأری ڤوزنیاک یا ئستئفان گأری ڤازنیاک هی، اما داش دوٙس داشت کئ ڤئنأنئ ئستیفئن هئنا بأکه. دئماتئر، ڤأنئ ڤاز هئنا میزه. ڤاز کول بیه نومئ هونأنڤادئیی ڤئنیه، او ڤاز کول بیه نومئ شئرکأتیه کئ ڤئنه بئناش کئرده بی ڤئ نومئ چأرخیا زئوٙس أم هی. ڤئنیأم ئیسئ ڤئ جادوٙگأرئ بئلٛاجئ نومدیاره.دئ أڤألیا دأهه ۱۹۷۰ میلادیأم ڤئنه ڤئ کئو بئرکئلئی "نومچأنومه" دئ أنوجمأنئ فون فئریک نومدیار بی.

أڤألیا زئنئیی و کئسم[ڤیرایئشت]

ئستیڤ ڤوزنیاک، کورئ مارگارئت ئلاین (دا) و جئیکوٙب فئرانسیس ڤوزنیاک (بوٙأ)، د شأر سأن خوزە، کئ ها د کالیفورنیا ئوٙما ڤئ دی.بوٙأ ڤئنه لأهئستانی-آلمانی ڤار و دا ڤه د نئژادئ آلمان، ئیرلأند و ئینگیلیس ی ه. د هئچایئیی کئ د سالئ ۲۰۰۷ ای‌بی‌سی نیوٙز ڤاردئش کئرد، ڤوزنیاک د آشنابیئنئش ڤا ئستیڤ جابز گڤت؛ دئو هئچایه، ڤوزنیاک گوت:

ئیما گئلٛئ أڤأل د سالئ ۱۹۷۱ ڤأختی کئ مئ دورونئ دﺍنئشگاهئمئ میگذأرئنام و جابز هأنوٙ ڤئ دونئسمئنیجا می‌رأت ڤاردئ یأک ﺁشنا بیمو. یئ دوٙس ڤئ مئ گوته بی کئ خوٙأ ڤا ئستیڤ جابز شئناخت بوٙییم سی یه کئ ڤئنیأم د ئلئکتورونیک خوشئش میا و ڤئنه گوذأشته تیتالٛأم هی.

د سالئ ۱۹۷۳، د شأرئ لاس گاتوس مینئ اوستونئ کالیفورنیا، ئستیڤ جابز ڤئ داسونئ یئ کارمأند مأشغول ڤئ کار د کومپانی بازی سازی آتاری بی. زأمأتئ ساختئسئنئ یئ صحه مئدﺍر سی ساختئ بازی ڤیدئویی ڤئ نومئ ئشکئسئنوفتا مئلٛئش. ڤئ طئبقئ گوتأیا بونیان‌گوذارئ کومپانی آتاری، نولان باشنئل، ئی شئرکأت ڤئ ئزﺍ هأر تئراشأیی کئ دئ ری دأسگا حأذف بیا ، ۱۰۰ دولار ڤئ داسونئ دأسموز میأن. ئستیڤ جابز کئ دونئسمئنی کأمی دئ طأرﺍحی و ساختئ صأفه مئدﺍر دﺍشت، مامئله ڤا ئستیڤ ڤوزنیاک کئرد؛ مامئله ایجوٙ بی کئ أر ڤوزنیاک بأتونه شومارئ تئراشه‌یا نئ ڤئ کأمتئرین حأد بأرأسئنأ، دأسموزدئ ئی کارئ ڤئ طۉرئ هومبا مینئ یأک قئس میکأن. ڤوزنیاک تونئس شومارئ تئراشه‌یانئ ڤا ئستئفاده د حافئظه دأسرئسی تأصأدوفی ڤئ پأنجا گئلٛه بأرأسئنه. دئماخئر، پیلئ دیاری بیه سی حأذفئ هأر تئراشه دئ ری صأفه مئدﺍر، د لٛا کومپانی آتاری ڤئ ئستیڤ جابز دأن. جابز ڤئ ڤوزنیاک گوت کئ ڤئنو ۷۰۰ دﻻر ڤئش دأنه؛بأرئ ڤوزنیاک ۳۵۰ دوﻻر بی. أما ینه وأختی بی کئ مأبلأغی کئ د اصلٛ ڤئ ئستیڤ جابز دأیه بیئن، ۵۰۰۰ دوﻻر بی. بئنا ڤئ یه بأرئ ئستیڤ ڤوزنیاک بوٙأد ۲۵۰۰ دﻻر موٙیی. (گوتئنیه کئ ۵۰۰۰ دولار ئو زئمو هومبا ۱۰۰۰۰ دلوار ئیسئنئ ئمریکا هی).

دوٙ زئمون، ڤوزنیاک چی فئرئیی دئبارأ کئسم و کار ناونئس و د سأختیا ڤئنأ بی خأڤأر بی.تا دئماتئر دئ ده سال تونئس ده کئسم و کار موڤأفأق بوه. أما ڤأ گوت کئ أر ئستیڤ جابز حأقیقأتئ دئباره پیلئ دأیه بیئ ڤئش میگوت٬و می‌گوت کئ هأڤأجه ڤئ پیل داره، ڤوزنیاک ئو پیلئ ڤئش میده.


أنجومیارئ أپئل[ڤیرایئشت]

ڤئ دی ئوٙمائن أپئل[ڤیرایئشت]

دئ سالئ ۱۹۷۱، دوسئ ئستیڤ ڤوزنیاک کئ نومئش بیل فئرناندئز بی، ئستیڤ جابزئ نئ ڤئ ڤوزنیاک ئشناختئنا.دوٙ زئمون جابز و فئرناندئز د یئ دونئسمئنیجا مألی دأرس میهأنئن. جابز و ڤوزنیاک زئمونی ڤا یأکدیئری دوٙس بیئن کئ جابز د تاڤئسو سی کومپانی ئچ‌پی کار می‌کئرد، جایی کئ ڤوزنیاکأم کارمأندئ ئوچئ بی و ری پوروژه ساختئ یئ أنجومیارئ گأپ کار میکئرد.هئی دئ ئو سال، یأنی ۱۹۷۱، ڤوزنیاک دئ ئدومه دأرس هأنئ دئ دﺍنشگاه بئرکئلئی کالیفورنیا یئ سال دئماتئر دئ نوم نوٙیسیش د ئوچئ مونصأرئف بی.

د سالئ ۱۹۷۶، ڤوزنیاک أنجومیاری ساخت کئ باعئثئ نومدیار بیئنئش بی.ڤأ ڤئ تأنیایی تۊنئس سأخت‌أفزار، صأفه مئدﺍر و سیستم آمئل اپل I دورئس بأکه. سالئ نئهایی، دئ ۲۹ جوأن، ڤئنأ أڤألین نئموٙنه أپئل Iی نئ ئمتئحان کئرد، کئ نأتیجأش نئشو دأیئنئ قئری حأرفیا و ئجرﺍ بیئنئ چأن نئموٙنه بأرنومه أنجومیاری بی. سی أڤألین گئلٛ دئ ڤیرگار بی کئ یئ کاراکتئر تأڤأسوطئ یئ أنجومیارئ حونئیی ری مانیتورئ تئلئڤیزیوٙن ڤئ سیلٛ دئرومایه بی.ڤا أپئل I، ڤوزنیاک و جابز ڤئ فئرگئ تأثیر قئرﺍر دأیئنئ أنجومأنی ڤئ نومئ هوم بئرو مئنئ شأرئ پالٛو آلتو کئ دۊرئس بیه دئ أفرﺍدئ ألاقأمأن ڤئ ئلکئتورونیک و أنجومیار بینئ دﺍشتئن. هأر کوم د نأفأریا ئی أنجومأن، دأسگا یا دأسگایا ئلئکتورونیکی و أنجومیاری کئ خوش ڤئ تأنیایی یا ڤئ طۉرئ بونئکویی میساختئ نئ ڤئ وضڤیا هأنی ئی أنجومأن نئشون میده. ئو أنجومأن یأکی د چأن مأرکأزیا کئلیلی سی نئشون دأیئنئ خألاقیأت‌یا و فئرگ‌یا و ساختأیا شأخصی یا بونئکویی نأفأریا، د صأنأتئ ئلئکتورونیک و أنجومیار، و هأڤأجه ڤئ گوستأرئشئ صأنأت مایکرو أنجومیاریا سی دأهأیا ﺁیئنده بی. بأرأسگئ طأراحیا وضڤیا هأنی أنجومأن، اپل I تونا دیسئسئ ڤئ یئ مانیتورئ ڤیدئویی نئ داشت کئ تأڤأجو جیناتئ حاضئر دئ ئوچئنئ جألب کئرد.

جابز فئرگی سی فوروختئنئ أپئل I ڤئ داسونئ یئ صأفه مئدﺍرئ چاپی که گئردئش مونتاژ بی دﺍشت.ڤوزنیاک کئ أقیدئیی ڤئ ئی کار ناشت،دئماخئر جابز راضیش کئرد کئ حأتا د صوٙرأتئ أدأمئ موڤأفأقیأتئشو،دأسئ کأم میتونأن ڤئ بأچأزایاشو بوٙأن کئ ئیما هوونئ یئ کومپانی بیمه. ڤایک قئری د چیا خوشو چی ماشین حأسو ئلمی ڤوزنیاک و ماشینئ جابز ڤئ نومئ ڤولکس ڤاگون ڤأن نئ سأرئ یأک ۱۳۰۰ دوﻻر فوروختئن و شوٙروٙ ڤئ ساختئن و مونتاژئ صأفه مئدﺍریا د وتاق خاوئ جابز کئردئن، ڤألی ڤأختی کئ ڤئ موشکئلئ نوٙیئنئ جا بأرهأردئن، ئدومه کارئ نئ د گارﺍژئ ئستیڤ جابز أنجوم دأن. قئلٛا ڤوزنیاک کئ د شأرئ سأن خوزه بی،چوکئلٛ بیئی دئ مانیتوریا، ڤأسایئلئ ئلکئتورونیکی و قئری بازی أنجومیاری کئ ڤأ ساخته بی.

د یأکئ مونگئ آڤریلئ سال ۱۹۷۶، جابز و ڤوزنیاک أنجومیارئ أپئلئ نئ دۊرئس کئردئن. ڤوزنیاک د کئسمئ خوش دئ شئرکأتئ ئچ پی دئروما و پوستئ مواڤئنی أرشأدئ بأخشئ توسئه و پئژوهئشئ أپئلئ نی سی خوش گئرئت. طأرﺍحی ساختئ أپئل I ڤئ آلتیرئ ۸۸۰۰ کئ نئهاتئرین مایکرو أنجومیاریا تئجاری بی شئباهأت داشت، ڤألی د أپئل I دئماکاری سی کارتیا توسئه داخئلی نأدیه بیئن، یأنی تئلیشی سی دیسئنیئنئ کارتیا توسئه ری صأفه مئدﺍر ساختئسه نوٙیه بی. د کارتیا توسئه داخلئی ئیسئنی موٙه د کارتئ گئرافیک، کارتئ صیا، کارتئ ڤیرگارمئنی، کارتئ یو ئس بی و کارتئ تی ڤی نوم بورد.

د خوٙیا تونا پوشتیبانی د کارتئ توسئه موٙه ڤئ ئستئفاده آلتیر ۸۸۰۰ دئش سی دیسئسئ ڤئ یئ تئرمینالئ أنجومیاری سی بأرنومه نوٙیسی کئردئ د زونئ بئیسیک نوم بورد.

د فرخیاشو بوئد گوت کئ أپئل I یئ أنجومیارئ قاپوٙرئیی بی کئ یئ ریز پأردﺍزأنده ۲۵ دۊﻻری ڤئ نومئ ئم و ئس ۶۵۰۲، ڤیرگارمئنی تأنیا هأنئنی دۊیست و پأنجا و شأش بایتی، ڤیرگارمئنی دأسرأسی تأصأدوفی چار یا هأشت کیلوبایتی و کونترولٛئرئ مانیتورئ ۴۰ د ۲۴ کارﺍکتئر رئ یئ صأفه مئدﺍر سادا موٙیی.

نئهاتئرین أنجومیارئ أپئل فاقئدئ جأڤه، دأسگا مأنبه تأغذیه بأرق،کیبورد و مانیتور بی. د اصلٛ کاربأر خوش مأجبوٙر ڤئ دۊرئس کئردئنئ ڤئنو بی . أپئل I ڤئ قیمأتئ $۶۶۶٫۶۶ دلۊار ڤئ فئروٙش رأت.ئستیڤ ڤوزنیاک گوته:مأنظوٙرئ خاصی د ئنتئخاو ئی قیمەت ناشته.

جوٙری کئ خوش گوته: ئی قیمأتئ نئ ئنتئخاو کئردئم سی یه کئ د دوٙاره ومایئنئ أدأدیا د تئی یأک خوشئم میا.

جابز و ڤوزنیاک، ۵۰ گئلٛه أپئل I ڤی یأکی ڤی نومئ پاولٛ تئرئل کأسی کئ د هیروڤیرئ ره ڤأنئنئ فئروشگا کوتیا أنجومیاری نوٙ خوش ڤئ نومئ بایت شاپ د مانتاین ڤیوئ ئیالأتئ کالیفورنیا بی فئروختئن.دئما د پیروٙزی أپئل I، ئستیڤ ڤوزنیاک ڤا هیاری دوٙسیاش تونئس أپئل II نئ دۊرئس کئردئن. أڤألین أنجومیارئ شأخصی کئ تونا نئشو دأیئنئ رأنگ و بأرنومه نوٙیسی بیئ د زونئ بئیسیکئ نئ دﺍشت.

د مأرحأله ساختئ أپئل II، ئستیڤ جابز گوت کئ أپئل II بوأد دۊ تئلٛیش سی کارتیا توسئه دﺍشتوٙه٬نأظأرئ ئستیڤ ڤوزنیاک تئکیه ڤئ شأش تئلٛیشه بی.خولاصه،د موناظئرئیی،رأی ڤئ یئنه بی کئ هأشت تئلٛیش مینئ أپئل II بوٙه.

أپئل II تونئس یأکی د بیتئرین أنجومیاریا شأخصی ئو زئمو بوٙه، کئ ڤئ تۉلیدئ فئره رأسئسه بی.

کئسم د شئرکأتئ أپئل[ڤیرایئشت]

ئستیڤ ڤوزنیاک د سالئ ۱۹۸۳ ڤوزنیاک د أنازه یاری کئیف میبورد، نه د مودیریأت، و هئی طور کئ موهأندئسیا هأنی ڤئ کومپانی ری ڤئ روشتئ أپئل رأتئن،ڤه فئرگ میکئرد کئ د هأڤأجئیی ڤئ مأنئنئش د أپئل نی.

د مونگئ مئی ۱۹۸۲ و ۱۹۸۳، ڤوزنیاک ڤئ داسونئ حامی د جأشنڤاره ڤئلٛاتچه یا یئکاگئرئته ئمریکا سی جأشن گئرئتنئ تئکنولوژیا ری ڤئ نئهارأتئن شئرکأت کئرد. ڤئنو جأشنڤاره نئ ڤا نئشو دأیئنئ چیای د تئکنولوژی کئ شامئلئ أنجومیاریا و تئلئڤیزیون موٙیی نی ڤاردئ مأردئم ڤا ارئنگ خئلٛاص کئرد .

د سالئ ۱۹۸۳، ڤئنه ڤئ بأخشئ توسئه مأحصوٙلیا أپئل ڤئرگأشت. مئیلی ڤئ الاشتئ نأقشئ خوش ڤئ داسونئ یئ أنازه یاری د ئوچئ ناشت.

د سالئ ۱۹۸۶،دوختئرئ ڤئ نومئ کأندیس کئلٛارک نئ هاست، او ڤا نومئ رﺍکی کئلٛارک(رﺍکی راکون نومئ سئی ڤأ و کئلٛارک نومئ هونأڤادئیی زینه ش بی) ڤئ دﺍنئشگاه بئرکئلئی کالیفورنیا سی گئرئتئنئ مأدرأکئ لیسانٛس رئشته أنجومیاری ئلئکتورونیک و ولوٙمئ أنجومیار ڤئرگأشت.

د فئبریه سالئ ۱۹۸۷، دوٙﺍزه سال دئما د ره ڤأنئنئأپئل، ڤئنأ د کومپانی رأت.ألڤأته ڤوزنیاک کارمأندئ أپئل مأن و هأر سال دأسموزدی نئزیکئ ۱۲۰ هئزﺍر دۊلار ڤئش میدأن. ڤئنا ئیسئ یأکی د سأهام دﺍریا کومپانی أپئل أ. د زئمونی کئ ڤأ دئ شئرکأتئ أپئل رأت تا زئمونئ د دۊنیا رأتئنئ ئستیڤ جابز کئ وکتوبرئ سالئ ۲۰۱۱ بی، ڤئنأ دوٙسیشئ ڤا جابز د می نوئرده بی.

ڤا یه کئ ڤئنأ د بئنا کئردئنئ شئرکأتئ أپئل کارئش گئرئت، ڤوزنیاک حئسئ خوٙیی نئسڤأت ڤئ ره یی کئ شئرکأت میرأت و نأتیجه تأصمیمیا و مودیریأتئ ئستیڤ جابز بی ناشت.

د أنجومنومه کئ یأکی د لادئراریاش ڤئش کئلٛ کئرده بی، کئ د دیارگه ڤوزنیاک أم موٙه سیلٛئش کئرد، ئشاره ڤئ رأتئنئ ڤوزنیاک د أپئل بیه، کئ ڤوزنیاک د جوٙاو ڤئ ئو أنجومنومه گوت: مئ د شئرکأتئ أپئل ئنصئراف نأدأم. ئئنە تأنیا یئ فئرگئ غئلٛأطیه ڤال ئستریت ژوٙرنال بی کئ فئرگ میکئردئن مئ د شئرکأتئ أپئل سی چیونی کئ دوٙس ناشتئم رأتئم، یا یه کئ بأتونئم حوقوٙقئ بازنئشأسئی مئ ڤئ داسونئ یئ بأفادار هأر مونگ بیرئم. یئنو گئرد غئلٛأطأن. مئ تأنیا میهاستئم دأس سئلٛانئ بیشتئری د ساخت و طأراحی چیا کوشکه داشتوم. چی: یئ دأسگا کونترول د ره دیرئ وموٙمی.

یأکی د هاستأیا ئستیڤ ڤوزنیاک، یای دأیئن ڤئ دونئس ﺁموزیا نئهاتئری سی خاطئرئ موهئم بیئنئ نأقشئ موألئم ڤئ زئنئیی و آیئنده دونئس ﺁموزیا بی. دئماخئر ڤأ تونئس ڤئ دونئس ﺁموزیا سالئ پأنجئم تا سالئ نۊهئم و موألئمیا چی یای بیه.

د هئچایئیی ڤاش د سالئ ۲۰۱۳، ڤئنأ گوت کئ مأکینتاش سی خاطئرئ مودیریأتئ گأنئ ئستیڤ جابز توٙزئس، ڤألی ئی توٙزئسئ تا گایی بی کئ ئستیڤ جابز رئیس بی. بئنا ڤئ یه ڤا رأتئنئ جابز مأکینتاش روشت کئرد.

جوٙری کئ ڤوزنیاک گوت:

جابز ڤئ بونئکو لٛێسا، بونئکویی کئ جابزئ نئ ڤأنئن دأر، میگوت «شێت» سی خاطئرئ گئرو کئردئنئ فئره قیمأتئ أنجومیارئ لٛێسا، کئ ۱۰۰۰۰دۊلار بی. سی هومالی ڤا بونئکو لٛێسا، جابز و بونئکوئ نوٙئش، یئ أنجومیارئ ناتأڤون ساختئن کئ أرزوتئر د أنجومیارئ لٛێسا بی ساختئن، جوٙری کئ هأنئ أم قیمأتئش بیشتئر بی. مئثئلأن، حأجمئ ڤیرگارمئنی دأسرأسی بأختأکی أنجومیارئ نئ کأم کئردئن. 

ڤئنأ دألیلئ موڤأفأقیأتئ مأکینتاشئ نئ کأسونی چی جان اسکالی دونئسه، جوٙری کئ خوش دئباره جان ئسکالی گوت: کأسی کئ ڤئ فئرگئ بئنا کئردئنئ فوروٙشگا مأکینتاش بی ڤأختی دورونئ ئستئفاده أپئل II د خئلٛاص بیه بی.

سالیا دئماتئرئ رأتئ د أپئل[ڤیرایئشت]

د سالئ ۱۹۸۵ ڤوزنیاک تأصمیم ڤئ بئناکئردئنئ کومپانی سی ئل ۹ گئرئت. دۊ سال دئماتئر، سی ئل ۹ أڤألین دأسگا کونترول د ره دیرئ وموٙمی کئ تونا بأرنومه ریزی بیئنئ داشتئ نئ ئشناختئنا. ئستیو ڤوزنیاک هأمچئنو ڤئ دونئس آموٙزیا سالئ پأنجئمی أم آموٙزئش میده.

د سالئ ۲۰۰۱ ڤوزنیاک شئرکأت چأرخیا زئوٙسئ نئ ڤا تأمارزی ساختئ تئکنولوژی جی پی ئس بی‌سیم بئناکئرد. جوٙری کئ خوش گوت: ڤئ تأمارزی مأهتئ روٙزونه ڤئ مأردئم سی فئتئراقئ آسوتئرئ چیون.

د سالئ ۲۰۰۲ ئستیڤ ڤوزنیاک وضڤئ هئیأت مودیره کومپانی ریپکورد نئتورکز، و دیأر بئناکئرده کومپانی چأرخیا زئوٙس ڤئ نومئ ألئکس فێلدینگ، (گئردئ فارئغ‌وتأصیلیا شئرکأتئ أپئل)، سی ساختئ دأسگایا ئرتئڤاط د ره دیرئ نوٙ بی. دئما د ڤأ، هئی د ئو سال،ڤئنأ وضڤئ هئیأت مودیره شئرکأتئ دئنجئر، سازئنده تئلئفونئ هوٙشمأندئ هیپ تاپ بی.

د سالئ ۲۰۰۶ دئیرا کومپانی چأرخیا زئوٙس أم بأسه بی و ڤوزنیاک ڤاردئ دۊگئلٛه د دأرس هأنه یا أپئل ڤئ نومئ آلئن هئنکاک و گیلٛ آمئلیو، شئرکأتئ فأناڤأری ئکویی کورئ نئ ڤئ داسونئ یئ شئرکأتئ مأرکأزی ڤا تأمارزی شئریک بیئ د سأهامئ کومپانیا هأنی د جا توسئه دأیئنئ ڤئنو بئنا کئرد.

د سالئ ۲۰۰۶ ڤأ کئتاو زئنئیی نومه خوشئ ڤئ نومئ آی ڤاز: چئجوٙر تونئسئم یئ أنجومیارئ شأخصی ئختئرا بأکئم، کومپانی أپئلئ نئ بئنا بأکئم، و د ئی کار کئیف بورئم ئ نئ کئ نوٙیسأنده نومدیاری ڤئ نومئ جینا ئسمیت نوٙیسأنئگی کئرده بی نئ دأرتیچ کئرد.

د سالئ ۲۰۰۶ ڤوزنیاک د یئ موسابئقه مئلی د شأرئ آتلانتا ڤئ پوشتیبانی شئرکأتئ فئرست سی نئشو دأیئنئ روباتیا کومپانی لوگو شئرکأت کئرد.

د سالئ ۲۰۰۷ ڤوزنیاک ڤئ داسونئ مشاڤئر ڤئ موشاڤئریا کومپانی ئسکاتئڤئست ئضافه بی.

د سالئ ۲۰۰۹ ڤوزنیاک ڤئ داسونئ دونئسمأنئ أرشأد ڤئ کومپانی که ڤئ فیوٙژئن-ایو سئرڤیس میده کئ د شأرئ سالٛت لیک وستانئ یوٙتا کئشڤأرئ ڤئلٛاتیا یئکاگئرئته ئمریکا هی ئضافه بی.

د سالئ ۲۰۱۰ و ۲۰۱۲ ڤوزنیاک د دۊ مأراسئمئ هأنیئ کومپانی فئرست کئ یأکی د سالونئ گأپئ ئیالأتی آریزونا د شأرئ مأرکأزی فینیکس و دیأری د شأرئ لٛاس ڤئگاس د وستانئ نوادا ریگوشو بی ڤئ داسونئ داڤأر شئرکأت کئرد.

د هئژدأهئمئ مونگئ نوڤامبرئ سالئ ۲۰۱۰ د شأرئ هأگ کئشڤأرئ هولٛأندئ هارگه د أفتونئشین قاره ئوروٙپا، ڤوزنیاک سی سوخأنرانی د دئنئ ئلم و تئکنولوژی، د مأرکأزئ أنجومأنئ کونڤاسیونئ جأهونی سأرئ جاگه رأت، کئ د مینئ سوخأنرانی، ئو د نئهازأیئنئ بازﺍرئ أندروید د بازارئ آیفون ڤألی مأنئنئ آیفون د لئحاظئ کئیفیأتی نئ حأدس زأیه بی.

د نۊهئمئ جوأنئ سالئ ۲۰۱۱ ڤوزنیاک ڤئ بونئکو مودیریأتی شئرکأتئ فیوٙژئن-ایو سی جأشن گئرئتئنئ أڤألین روٙزئ تئجارأتئ کومپانی د بوٙرسئ وراقئ بأهادﺍر ئن ڤای ئس ئی، ڤا درومایئنئ دأنگئ زأنگئ ئفتئتا ئضافه بی. د بیسئمئ مونگئ اوکتوبرئ سال ۲۰۱۱ ڤوزنیاک د یأک کئ دئ مأرکأزئ نئمایشگا ئیرلز د شأرئ لأندأن ریگوشو بیه بی، کألومئش ڤا داسونئ "رۉیایئ ئیمروزئ ئلم، راسئ سو ڤأ" ڤئ گوٙشئ جیناتی کئ د ئوچئ بیئن رأسئنا. د چاردأهئمئ مونگئ نوڤامبرئ سالئ ۲۰۱۱ دئ «روٙزئ کار دورئسکئردئنی» دانئشگاه راتگئرز مینه شأرئ نیوٙ برانشویک ئیالأتئ نیوٙ جئرسی، ئستیڤ ڤوزنیاک ڤئ هوٙا سوخأنرانی سی دانئشجوٙیا ڤئ ئوچئ رأت.

دئ شوٙنزأهئمئ مونگئ مئی سالئ ۲۰۱۲ ڤوزنیاک د مأراسئمئ ڤاز لیو کئ د نئمایشگا مئلبورن و مأرکأزئ کونڤانسیونئ مینئ کئشڤأرئ وستورالیا ریگوشونی بی حأرف زه.

د بیسئمئ مونگئ وکتوبرئ سالئ ۲۰۱۲ ڤوزنیاک دئ مأراسئمئ ئبتئکارئ تیخوانا د مأرکأزئ فأرهأنگی تیخوانا مینئ شأرئ تیخوانا د کئشڤأرئ مئکزیک أم حأرف زه.

کاریا خئیر[ڤیرایئشت]

د زئمونی کئ ڤئنه د شئرکأتئ أپئل رأت، گئنئ فئره د پیلیاشئ ئضافه ڤئ پوشتیبانی فأنی فئره خوٙیی د خأرجئ بأرنومه‌یا هینئ فأناڤأری سی دونئسمئنیجا مألی خوش کئرد. ئستیڤ ڤوزنیاک، سازمانی ڤئ نومئ "ایمانئ هوم دأنگ بأک" سی پوشتیبانی د پوروژه‌یا آموٙزئشی و خئیرونأش دۊرئس کئرد.

د سالئ ۱۹۸۶ ڤوزنیاک موستأجأمه خوشئ ڤئ نومئ رأسئسئ ڤئ جایزأیا ڤوزنیاک (کئ بیشتئر ڤئ جایزه ڤازی نومدیاره) نئ ڤئ شأش گئلٛه د دانئش آموٙزیا دأبیرئسونی و دانئشجوٙیا کالئجئ راساگه گأناو سانفئرانسیسکو سی خاطئرئ ئستئفاده نوٙوئردأشو د أنجومیاریا د زئمینه کئسم، نأسأق و آرئنگ پیشکأش کئرد.

د سالئ ۲۰۰۹ یأکی د دانئشجوٙیا، ڤا مأهتئ دوٙسئ ڤوزنیاک ڤئ نومئ جو پاتان، ڤا پوشتیبانی بونیاد کأمپئ رؤیایا، فیلٛمی ڤئ نومئ کأمپئ ڤاز: سأرسامئ تأحسین بأرأنگیز د ایئم دوٙسی دئباره ئستیڤ ڤوزنیاک ساخت.

ئفتئخاریا و جایزأیا[ڤیرایئشت]

د سالئ ۱۹۷۹ ڤئش جایزه گئرئیس موٙرای هاپئری نئ دأن.

در سالئ ۱۹۸۵ ڤئ خوش و ئستی. جابز، دئ لا رأیس جومهوٙرئ ڤئلاتچه یا یئکاگئرئته ئمریکا ڤئ نومئ رونالدریگان، مدالٛئ مئلی تئکنولوژی پیشکأش بی.

د مونگئ دئسامبرئ سالئ ۱۹۸۹ د طئرأفئ دانئشگا کولورادو د بوٙلدئر، جایی کئ ڤئنأ اخئریا دأهه ۶۰ میلادی دئش دأرس هأنه بی، ڤئش مأدرأکئ ئفئتخاری دوٙکتورایی موهأندئسی أنجومیار ی پیشکأش بی.دئماتئر د ڤأ، ڤئنأ سأرمایه یایی سی ساختئ آزمایئشگایی د هأمو دانئشگا ڤئ نومئ "آزمایشگا ڤاز" ڤئ ئو دانئشگا پیشکأش کئرد.

د سالئ ۱۹۹۷ نومئش د موٙزه ڤیرگاری أنجومیار ثأبت بی.

ئستیڤ ڤوزنیاک عومده تئرین حامی پیلی موٙزه جوستئنیا نئنیتکه یا سأن خوزه هیسا. ڤئ ئفتئخارئ ڤئنه، خیاڤونی ری ڤئ ری ئی موٙزه ڤاز نوم گئرئت.

د سالئ ۲۰۰۰ ڤوزنیاک ڤئ تالارئ گأپئ موختره یا مئلی ئمریکا مئکێس بی.

د سالئ ۲۰۰۱ هأفتئمی جایزه هأرسالئ جایزه هئنز سی خاطئرئ نأقش ڤئرومایه د فأناڤأری و ئقتئصاد ڤئش رأسئس.

در مونگئ دئسامبر سالئ ۲۰۰۵ ڤئنأ مأدرأک دۊکتورای موهأندئسی أنجومیار د دانئشگا کئتئرینگ ڤئ داسونئ جایزه گئرئت.

ڤئنه د لا دانئشگا ئیالأتی کارولینایئ شومالی و دانئشگا نوڤا دۊ مأدرأک دۊکتورایئ ئفتئخاری هأنی گئرئت، ڤئ ئلاڤه گئرئتئنه جایزه تئکنولوژی د جأشنئ Telluride Tech.

د مونگئ مئی سالئ ۲۰۱۱ مأدرأکئ ئفتئخاری دۊکتورایئ موهأندئسی أنجومیار د لا دانئشگا ئیالأتی میشیگان ڤئش پیشکأش بی.

د سالئ ۲۰۱۱ أنجومأنئ آیئمیأتئ ئمریکایی ڤئش جایزه آیزاک آسیموفئ پیشکأش کئرد.

د سالئ ۲۰۱۱ ڤئش [[[جایزه گئردئلی فأناڤأری]] ڤئ دأسئ رئیس جومهوٙر ڤئلٛاتئ أرمأنئسو سی خاطئرئ سأمئ ڤئرومایه أش د فأناڤأری ئطئلاعات پیشکأش بی.

د مونگئ جوأنئ سالئ ۲۰۱۲ ئستیڤ ڤوزنیاک مأدرأکئ دۊکتورایئ موهأندئسی أنجومیار د دانئشگا سانتا کئلارا گئرئت.

د مونگئ فئبریه سالئ ۲۰۱۴ د شأرئ لوس آنجئلئس، ئستیڤ ڤوزنیاک شأصت و شئشئمی مئدالئ هوٙڤئرئ نئ د دأسئ رئیس موأسئسه موهأندئسیا بأرق و ئلئکتورونیک و کئکا روبئرتو دی مارکا گئرئت.


تأصیق دۊکتورای شانازی[ڤیرایئشت]

سی خاطئرئ بأرئ فئره ڤئنه د فأناڤأری، ئستیڤ ڤوزنیاک شانازی گئرئتئنئ قئری تأصیق دۊکتورا أنازە یاری أنجومیار د دوٙنئسمأنیجا‌یا جوٙرڤاجوٙرئ نئ داشته، کئ د زیر ومانه:

پأتئنت‌یا (ئختئرایا ثأبت بیه)[ڤیرایئشت]

لیستی د ئخترایا ئستیڤ ڤوزنیاک کئ ڤئ نومئش ثأبت بینه:


فیلم[ڤیرایئشت]

تئلئڤیزیون[ڤیرایئشت]

دئما د سئیلٛ کئردئنئ نأقش بازی کئردئنئ یئ بازیگأرئ کومئدیأن زین ڤئ نومئ کأتی گئریفین د شأرئ ساراتوگا، کالیفورنیا، ڤوزنیاک تأصمیم ڤئ شئناخت ڤا ئو بازیگأر گئرئت.

هأردۊکئشو جایزه ئمینئ گئرئتئن.

ڤوزنیاک د سئکانسیا فئری د فأصلئ چارئمئ سئریالٛئ کأتی گئریفین: زئنئیی مئ مینئ لیستئ دی ڤاردئ کأتی گئریفین بازی کئرد.

ڤوزنیاک د شادینه پیشکأشئ جایزأیا أانجومأنئ تۉلید کونأندیا ئمریکا ڤاردئ کأتی گئریفین شئرکأت کئرد. هأرچأن د بأرنومه هاڤارد ئستئرن د نوٙزأهئمئ مونگئ جوأنئ سالئ ۲۰۰۸ کأتی گئریفین گوت کئ خوش و ئستیڤ ڤوزنیاک د رابئطه نئزیکی ڤا یأک نارأن و تأصمیم گئرئتئن کئ تأنیا دوٙسئ یأکدیئری بوٙأن.

مأمینأیا بأرنومه نوٙیس یئ سئریالٛئ کارتونیه کئ د تیکه أڤألئ ڤئنه شأخصیأتئ ئستیڤ ڤوزنیاک هیسا، کئ ڤوزنیاک زأمأتئ دوٙبله نأقشئ کارتونی خوشئ دوٙ سئریالٛ کأشیه.

دئماتئر، شأخصیأتئ کارتونی ڤوزنیاک دئ تیکه بیسئمئ سئریالٛئ مأمینأیا بأرنومه نوٙیس پیا بی. ایجوٙ کئ ڤئنه یأکی د کأسونئ لامأردوٙنئ سالیانه بازیا ڤیدئویی کئ د شأرئ لٛاس ڤئگاس ریگوشنی موٙه، کئ د ئوچئ دئیڤ و جئری یأکئنئ موٙینأن.

شأخصیأتئ کارتونی ڤئنه ئیسئنأم د ئشناختئنئ ڤیدئویی «مأکینتاش بأسونید» کئ د تیکه اخئری فأصلئ دۊئمئ سئریالٛئ مأمینأیا بأرنومه نوٙیس پأخش بی پیا بی .

ڤوزنیاک ڤا خأڤأرگوذاری بی‌بی‌سی سی فیلمئ موستأنأدئ هأکئریا تأحتئ تأقیب دۊرئس بیه سالئ ۲۰۰۹ کئ دئش بازی کئرده بی هئچایه یی أنجوم ده.

ڤوزنیاک د فأصلئ هأشتئمئ بأرنومه تئلئڤیزیونی دأس گئرئتئ ڤا آساره یا پیا بی و خوشئ نئشو ده. جایی کئ ڤئنه ڤاردئ کارینا ئسمیرنوف نیز دأس گئرئت.

ڤا یه کئ ڤوزنیاک و ئسمیرنوف د ۳۰ ئمتیاز کولأن ۱۰ ئمتیاز د داڤأریا گئرئتئن، ئی ئمتیاز کأمتئرین ئمتیاز بی؛ سی یه ڤئنه مأندیرئ دأس گئرئتئنئ هأنی مأن.

أڤئلی داڤأر ڤوزنیاکئ نئ سی جومئسئنیا زۉنی کئ مینئ باختئ ری زئمی أنجوم دأیه بی بئروٙهی گوت، ڤألی هأمچئنی نئشونی ڤئ خوٙ نوٙیئنئش د تیکه یا هأنی باختئ داشت. ئی داڤأر ۴ ئمتیاز ڤئش پیشکأش کئرد.

دۊئمی داڤأر ڤئ باختئنئ ڤوزنیاک چی لیڤه یا رأی ده. ئی داڤأر چی داڤأرئ أڤئلی ۴ ئمتیاز ڤئ ڤوزنیاک پیشکأش کئرد.

سئمی داڤأر ڤا گوتئنئ یه کئ ڤوزنیاک تازه‌ ومایه ڤئ دوٙنیا باختئ ، ئمتیازئ بیشتئری نئسڤأتئ دۊ داڤأرئ نئهایی ڤئش پیشکأش کئرد . ئی داڤأر چوٙاشه دۊ داڤأرئ نئهایی٬ ۵ ئمتیاز ڤئش پیشکأش کئرد.

ڤوزنیاک د یئ دیارگه شأڤأکه کوٙمئلٛه یأکی، پوستی کئلٛ کئرد، کئ دئش ڤئ دۊرئس نوٙیئنئ رأی‌ داڤأریا ئشاره کئرده بی، و گوت کئ داڤأریا سی خاطئرئ نیه داشتئنئش د بأرنومه مأجبوٙر ڤئ دئروٙ گوتئ دئباره ئمتیازش بینه. دئماتئر دئ فأمئسئنئ جوٙرئ داڤأری، ڤئنه سی حأرفیایی کئ دوٙ دیارگه زیه بی وذر هاست.

ڤا بیئنئ دأرد کأشئسئیی د أضوله یا دئما رونئش، و ئشکئسئ د پا، ڤوزنیاک همچئنو ڤئ دالئ باختئ ئدومه ده، ڤألی د سی و یأکئ مونگئ مارس، ڤا ئمتیازئ ۱۲ د ۳۰ سی باختئنئ تانگو آرژانتینی کئ أنجوم دأیه بی د دال حأذف بی. د سی ئمئ مونگئ سئپتامبرئ سالئ ۲۰۱۰ ڤوزنیاک د فأصلئ چارئمئ سئریالٛئ تئوری بیگ بأنگ پیاش بی. ئیجوٙ کئ لئۉنارد، هاڤارد و راجئش د غئذاهأری کئیکئ پأنیری کئ پئنی دئش کار میکه داشت غئذا میهأرد و شئلدون ڤا دأسگاه پیشرأفته کئ د ره یئ مانیتور ڤیدئویی دیسئسئ ڤئش ری ڤئنه نئ نئشو میده و ئسپیکئریایی کئ دأنگئ ڤأنئ پأخش می‌کئردئن (د حالی کئ خوش د حونه نیشئسه بی) د جأم بیئش، کئ ڤئ یئ گئلٛ د بیئنئ ئستیڤ ڤوزنیاک و زینه ش جانئت هیلٛ د یئ میز کئ داشتئن نو میهأردئن خأڤأردار بی، و سی هئچایه ڤا ڤوزنیاک تئی ڤئنه (ڤا دأسگا پیشرأفته) رأت.

د سی ئمئ مونگئ سئپتامبرئ سالئ ۲۰۱۳ ڤوزنیاک ڤاردئ دۊ گئلٛه د ومدأتئرین کأسو د دۊرئس بیئنئ کومپانی أپئل ڤئ نومئ دأنیئل کوتئک و أندی هئرتزفئلٛد د یئ بأرنومه تئلئڤیزیونی ڤئ نومئ جان جوٙاو میها سی حأرف زأیئ دئباره فیلم ئ جابز (فیلمی دئباره زئنئیی ئستیو جابز کئ دئ سالئ ۲۰۱۳ ریگوشونی بی) شئرکأت کئرد.

زئنئیی شأخصی[ڤیرایئشت]

جاگه زئنئیی[ڤیرایئشت]

ڤوزنیاک د لوس گاتوس ڤئلٛاتچه کالیفورنیا زئنئیی میکه.

هونأڤاده[ڤیرایئشت]

ڤوزنیاک د سالئ ۱۹۸۱ تا سالئ ۱۹۸۷ ڤا زینه نئهاییش ڤئ نومئ کأندیس کئلارک زئنئیی می‌کئرد. ڤئنو سئ بأچه د خوشو ڤئ جا نیان کئ جئڤوتئرینئ ڤئنو زئمونی کئ کاریا جئگا بیئ ڤئ اخئریاش رأسئسه بی ڤئ دی وما.دئما د خئلاص بیئنئ راڤئطأش ڤا بازیگأرئ کومئدیأن زینی ڤئ نومئ کأتی گئریفین، ڤئنه .ا زینی ڤئ نومئ جانئت هیلٛ کئ زینه ئیسئنیشه ئزدئڤاج کئرد.

هوٙکاره یا[ڤیرایئشت]

  • دوٙ زئمو کئ أپئل هأنوٙ بئنا نوٙیه بی و گأجئت‌یا قئشأنٛی چی گأجئت‌یا ئیسئنی مینئ بازار نیمایه بی، رادیو یأکی د بیتئرین قاپوٙره یا ڤه بی.

ئیسئ ڤئنه بیشتئرئ گأجئت‌یا چی تئلئفون‌ یا هوٙشمأن، تأبلئت‌یا و فأبلئت‌یا نئ میسونه، و ڤئ داسونئ بئنا کونئنده شئرکأتئ أپئل، سیش فأرخی ناره کئ د چئ مارکی ڤاردئ چئ سیستئم آمئلی ئستئفاده بأکه، سی یه کئ ڤه هاشوقئ گئردئ ڤئنونه. دوٙ سیستئم آمئل‌یا (یا ڤئ داسونی هأنی پئلأتفورم‌یا) موٙه ڤئ أندروید، آی و ئس و ڤأندیکئ فون، کئ د مارکیایی چی ئچ تی سی، نوکیا، سامسونگ و أپئل ڤئ کار مونأن ئشاره کئرد.

  • یأکی د بازی‌ یا موردئ ألاقه ڤئنه تئتریس (هونه سازی) ه. د دأهه نأڤأد، ڤئنه قئرئ فئره یی ئمتیازئ-ڤارو کئ دوٙ بازی گئرئته بی نئ ڤئ ناینتئندو پاڤئر کئلٛ کئرد. ڤألی ڤئنو د ئمتیازیاشئ نئشو نئمیدأن.ئیطۉر بی کئ شوروٙ ڤئ کئلٛ کئردئنئ ئمتیازیاش د زیرئ نوٙئشته یی کئ چوٙاشه نومئ خوش بی کئرد:

ڤأستئنئ هوٙﺍپئیما[ڤیرایئشت]

د هأفتئمئ مونگئ فئبریه سالئ ۱۹۸۱، هوٙاپئیمایی کئ ڤوزنیاک خألٛأبان ئ ڤه بی، دئما د هیز گئرئتئن د فوروٙدگا سانتا کوروٙز ئسکای پارک د شأرئ ئسکات ڤالی ئ ڤئلٛاتچه کالیفورنیا ڤأست.

جأریۉن دوٙچئ هیز گئرئت کئ هوٙاپئیما د حالئ ڤالا رأتئ بی کئ ڤئ یئ گئلٛ د کار میفته، ڤئ لا باندئ فوروٙدگا ڤئرمیگأرده، و ڤئ لا یئ کوٙپه خاک سوقوٙط میکه. ڤوزنیاک و سئ گئلٛه د موسافئریاش کئ شامئلئ دأسگیرونئش ڤئ نومئ کأندیس کئلٛارک، بئرارئش و دوٙس دوختئرئ بئرﺍرئش موٙیی زأخمی بیئن. سأر و ری ڤوزنیاک فئره زأخمی بیه بی کئ یأکی د دئنونیاشئ د دأس دیه بی، و سی پأنج هأفته د یئ جوٙر دئژه فئراموٙشی ڤئ نومئ ئنتروگئرید ئمئنیزیا زأجر می‌کأشی. د دئژه هونه، چی د ڤأستئنئ هوٙﺍپیئما ڤیرئش نئمیما، و حأتی نومئ خوشأم د ڤیرئش رأته بی، ودئما د یه کئ د دئژه هونه تأرخیص بی، کاریایی نئ کئ أنجوم دأیه بی ڤئ ڤیرئش نئمیما.

ساڤار زایارە یی ئیمئنی کئلٛبار دألیلئ حادئثه نئ هیز گئرئتئنئ یئگئلٛی هوٙﺍپئیما و خام بیئنئ خألأبان دأرتیچ کئرد.

جوستئنیا مأرڤوٙط[ڤیرایئشت]

  1. أپئل III
  2. أپئل لێسا
  3. مأکینتاش
  4. ئی بی ئم
  5. مایکروسافت
  6. بیل گیتس
  7. پول آلئن
  8. ئستیڤ بالمئر

سأرچأشمە[ڤیرایئشت]

دیسئسئ ڤئ دأر[ڤیرایئشت]

ڤیدئویا[ڤیرایئشت]

  1. باختئ ڤا آساره یا (ئستیڤ ڤوزنیاک ڤاردئ کارینا ئسمیرنوف - باختئنئ چاچا)
  2. باختئ ڤا آساره یا (ئستیڤ ڤوزنیاک ڤاردئ کارینا ئسمیرنوف - باختئنئ سریع)
  3. باختئ ڤا آساره یا (ئستیڤ ڤوزنیاک ڤاردئ کارینا ئسمیرنوف - باختئنئ سامبا)
  4. باختئ ڤا آساره یا (ئستیڤ ڤوزنیاک ڤاردئ کارینا ئسمیرنوف - باختئنئ آرژانتینی)
  5. صأنه بازی ئستیڤ ڤوزنیاک د سئریالٛئ کومئدی تئۉری بیگ بأنگ
  6. ئستیڤ ڤوزنیاک ڤاردئ دأنیل کوتئک و أندی هئرتزفئلٛد د بأرنومه تئلئڤیزیونی جان جوٙاو میها
  7. صأنه بازی ئستیڤ ڤوزنیاک د فأصلئ چارئمئ سئریالئ کومئدی-راسأکی کأتی گئریفین: زئنئیی مئ مینئ لیستئ دی
  8. صأنه بازی ئستیڤ ڤوزنیاک د سئریالٛئ کومئدی-کارتونئ مأمینه یا بأرنومه نوٙیس