ئرنئست ھئمینگڤئی
| ئرنئست ھئمینگڤئی | |
|---|---|
 ھئمینگڤئی د سال ۱۹۳۹ زایئشتی | |
| ڤ دی اۊمائٱ د |
ئرنئست میلئر ھئمینگڤئی ۱۸۹۹ ئوٙک پارک، ئیلینوی |
| د دونیا رٱتٱ د | کأچام، آیداهو |
| کئسم | نئڤیسیار، روزنامە نیس |
| زایارٱڤٱندی | ئمریکایی |
| جانر | مأتأل؛ گأپ مأتأل |
| آرنگیا جادیار | ریش ئسبی ڤا دأریا، خودافئظی ڤا تئفأن، تۉسوٙ خأطأردار، ڤالئریار غولامئ مورادی |
| جاییزٱیا |
جاییزە نوبئل نئسموٙن (۱۹۵۴) جاییزە پوٙلیتزئر سی مأتأل(۱۹۵۳) |
| هومسٱریا |
هئدلی ریچاردسون (۱۹۲۷-۱۹۲۱) پائولین فایفئر (۱۹۴۰-۱۹۲۷) مارتا گئلهورن (۱۹۴۵-۱۹۴۰) مئری ڤئلش (۱۹۶۱-۱۹۴۶) |
|
| |
| امضا |
 |
ئرنئست میلئر ھئمینگڤئی د نئڤیسیاریا گأپ ئمریکا و جاییزە گئر نوبئل نیسموٙن ه. ڤئ د رأڤأندیاریا یئ گئل د کارگئراتئری جوٙریا نیسموٙنی ڤا نوم فئرە نوم دیار بییە «روخ ڤأن تاشی نیسموٙن» ە.
ارنست همینگوی بیشتر عمرش و دم ماجرا گردی بی. د زخمی بین د ایتالیاد اثر حردن ۲۰۰ پرزه ترکش‌گلوله نیرویا اتریشی د مینجا جئن جهونی اول تا رئتن د خط نهایی جپه‌یا جنگ مینجاون اسپانیا یا سفریا دنیاگردی افرقا وه تا مائیگری و اشکار جونوریا درنه و زنئی دا کوبا د آخرزنئی ئم یه رو تفنگشه ورداش و وه مزگش تیر ون.
د گپترین گپ متلیا و کتاو ریش اسبئ وا دریا ئه. وه د ای کتاو وه راساگه زنئی ریش اسبیئ چنگ می وونه که یه رو راساون دریا د محدودگه نیروش بی و لال بهگیا خوش لرز دریا بیوه یایی بینه درمونه د تال و پی تورش و ایسه زنئی و به رسسه وه آخرش، د تمارزی گپترین گرتن مائی دل نه میزنه وه دریا و گپترین مائی گرتنشه وه دس میاره. ولی نتونه که ونه تا بال دریا باره و چی جز سخو د بال دریا نمیاره. همینگوی در ریش اسبئ وا دریا شکوه راساگه دریا نه وا هار و وه رو رئتن زنئی دراز یه مائیگر وه یک می شیونه ای وه یک شیوسن زنئی نومه ای پر د انوه سی مائیگری د پا افتائه دوروس میکه. پاره ای د نقدکننه یا گوتنه ای کتاو وا موبی دیک آرنگ هرمان ملویل همبائیه.
مؽنونٱیا
زنئی[آلشدکاری]
ارنست همینگوی د ۲۱ جوئیه ۱۸۹۹ د اوک پارک (Oak Park) آستون ایلینویز زمار بی. بوئه ش کلارنس دکتر و داش گریس معلّم پیانو و دنگ بی. ارنست تووسنیا نه وگرد حونوادش د شمال میشیگان زنئی می کرد و د هموچه بی که وه فهمست که وه مائیگری فره علاقه داره.
وه نها تموم بین دورهٔ دبیرستان، د سال ۱۹۱۷ سی زمونی دکانزاس‌سیتی وه عنوان گزارشت کننه گانومه آساره مشغول وه کار بی. د جئن جهونی اول وه داوطلو خدمت د ارتش بی امّا کم سوئی تیه ش وه نه نه د ای کار منع کرد د عوض وه عنوان راننه آمبولانس صلیب سور دی نزیکی جپه ایتالیا وه خدمت گرته بی. د ۸ جوئیه ۱۹۱۸ زخمی بی و مایا د بیمارستان بستری بی.
د ورئشتنش وه ولاتیا یک گرته خلک شهر و محلّه‌ش د اوک پارک د وه چی قهرمانیا استقبال کردن. ارنست کار خورنگاری نه د سر گرت و د سال ۱۹۲۱ وا هدلی ریچاردسن مال سن لوییز آشنا و عاشقش بی. وه نو وایک عاروسی کردن و بنا وه توصیه شروود اندرسن سی شرو زنئی، پاریسنه انتخاو کن. د اوچه ارنست سی تورنتو استار مشغول وه کار بی. وه نو همچنو سی گواردن زنئی د بهر ارث بوئه هدلی نه وه کار می گرتن و ارنست وه کار متل نیسی مشغول بی. د همی دورون یعنی مینجا سالیا ۱۹۲۱ تا ۱۹۲۶ بی که وه د جاگه یک نیسنه نوم دیار بی .
روشت ویجه وه د نیسنن وه نه نیسنه‌ای بی‌هومتا و فره اثرمن کرده بی. د سال ۱۹۲۵ اولین رشته متلیا کؤچکش، د زمانهٔ ایما، منتشر بی که وه خوئی هناگو روشت خاص وه بی. ویرنوشته یاش د دوران که نها مرگ وه د سال ۱۹۶۴ وا عنوان «عید متغیر» منتشر بی، ای کتا برداشت شسخی و بی‌نظیر د نیسنیا، هنرمنا، رهزیشت وروشت زنئی د پاریس دئه ۱۹۲۰ هئ.
ارنست و هدلی د اکتور ۱۹۲۳ صاحاو یه کر بی ین و نوم وه نه جان هیشتن (وا نوم دورویی بامبی). ای حونواده جوؤ وه جایا فره یی د اروپا خصوصند اروپای مینجایی می رئتن و د زمسونیا می رئتن اسکی.د توسونیا سی شرکت دشادینه سن فرمین دپامپلونا وه اسپانیا می رئتن که اولین سفرشو د تووسون ۱۹۲۳ بی. د سال ۱۹۲۶ اولین گپ متل وه وه پایه تجربیا وه دس اومائش د اسپانیا وه نوم «افتو همچنو می بلیزه» پلا بی.
د سال ۱۹۲۶ ارنست همینگوی وا پائولین فایفر پیلدار نه دی و ای دیئن زئن حاسن اول وه نه وه جیایی کشس. ارنست و پائولین د سال ۱۹۲۷ وایک عاروسی کردن و صاحاو دو گل کر بین. پاتریک د سال ۱۹۲۸ و گرگوری د سال ۱۹۳۱ زمار بی. وه د همو دوران زنئی ش وا پائولین حونه ای دکی وست فلوریدا گرت.
د آخریا دههٔ ۱۹۳۰ همینگوی عاشق زئنه ای روزنامه‌نگار و نیسنه وه نوم مارتا گلهورن بی و د سال ۱۹۴۰واش عاروسی کرد. ارنست، "فینکا ویخی‌یا" (Finca Vigía) نه د کوبا گرت. د سال ۱۹۴۴ وا مری ولش نه دیئ و و اوسه دلباخته وه بی، د مارتا د سال ۱۹۴۵جدا بی و در ۱۹۴۶ وا مری عاروسی که.
ساونیایی د زنئی ارنست همینگوی[آلشدکاری]
ارنست همینگوی نها ورئشتن د افرقا ر سال ۱۹۳۴ زایشتی، وه بروکلین د شر نیویورک رئت و سی خوش قایقی گرت و نومشه نیا «پیلار».
ارنست همینگوی وه انازه یازده سال پیشو وه نوم «تاته ویلی» داشت. وه د ویرگار ۲۲ فوریه ۱۹۵۳ د نومه‌ای هشاره کن وه یه گل د دوسیاش وه نوم جیانفرانکو ایوانچیک، موئه که پیشوش دوتا د پایاش سی تصادف وا یه گل سواری اشکسه. یه نفر وش موئه که کار پیشونه تموم بکه، اما همینگوی قوول نمی که: «نتونسم ریسک بکم سی یه که ویل متوجه بوئه که یکی میها ونه بکشه...» سرانجوم وه د ناچاری تفنگشه گرت ری وه تاته ویلی و د حونه وش شیلک میکه. نومه یایی د همینگوی؛ 'نه براری دارم، نه یه هوم پاله خس'
مردن[آلشدکاری]
ارنست همینگوی د تاریخ ۲ جوئیه ۱۹۶۱ زایشتی وا یکی د تفنگیا نازارش، دولول ساچمه‌زنی باس اند کو، خوشه کشت؛ هرچن هومسر وه، ماری ولش، مدعی بی که ارنست داشت تفنگشته تمیس می کرد که تیری دش د رئته و باعث بیه وه بمیره.
نوشتیا ارنست همینگوی[آلشدکاری]
| سال | داسوٙن لۊری | داسوٙن ئینگیلیسی |
|---|---|---|
| ۱۹۲۳ | سه متل و ده شئر | Three Stories and Ten Poems |
| ۱۹۲۴ | د زمان ایما | In Our Time |
| ۱۹۲۷ | پیایا بی زئنیا | Men Without Women |
| ۱۹۳۳ | برنه هیژ نمیبره | The Winner Take Nothing |
| ۱۹۲۶ | افتو همچنو سر ورمیاره | The Sun Also Rises |
| ۱۹۲۹ | دل کنن د اسلیه | A Farewell to Arms |
| ۱۹۳۲ | مردن د ایواره | Death in the Afternoon |
| ۱۹۳۵ | تلیا سوز افرقا | Green Hills of Africa |
| ۱۹۳۷ | داشتن وناشتن | To have and Have Not |
| ۱۹۳۸ | ستین پنجم و چهل و نه متل کؤچک | The Fifth Column and Forty-nine short stories |
| ۱۹۴۰ | زنگیا سی کی دنگ می کن | For Whom the Bell Tolls |
| ۱۹۴۲ | بیترین متلیا جنگ سی همه گاتا | The Best War Stories of All Time |
| ۱۹۵۰ | د گلال رو سی داریا | Across the River and into the Trees |
| ۱۹۵۲ | ریش اسبئ وا دریا | The Old Man and the Sea |
| ۱۹۶۰ | مجومه شئر | Collected Poems |
نوشتیایی که نها مردن همینگوی پلا بیه[آلشدکاری]
| سال | داسوٙن لۊری | داسوٙن ئینگیلیسی |
|---|---|---|
| ۱۹۶۴ | "پاریس جشن بیکران" (والریا: فرهاد غبرایی)، "عیش گران" (والریا: سیروس طاهباز، لرسه ناقص)، "مهمونی سیار" | A Moveable Feast |
| ۱۹۶۷ | وه نوم ارنست همینگوی (یادداشت‌یا همینگوی د سالیا اولیه منن د پاریس) | Byline: Ernest Hemingway |
| ۱۹۷۰ | متلیا کانزاس سیتی استار | Stories Cub Reporter: Kansas City Star |
| ۱۹۷۰ | جزیریا مئن تیفون | Islands in the Stream |
| ۱۹۷۰ | باخ عدن (گپ متل تموم نبیه) | The Garden of Eden |
| ۱۹۹۹ | راستی د اولین بلیزشت | True at the First Light |
| ۱۹۶۱ | تووسو خطرناک (والریار: غلام مرادی، نشر کتاو سرانه، ۱۳۸۸) | Dangerous Summer |
ارثیه[آلشدکاری]
جاییزه قلم همینگوی، نوم یه گل جاییزه بااعتوار نیسمونیه که وه «اولین کتاو یه متل نیسه» اهدا بوئه.
کتاوگه و موزه جان اف. کندی، د تاریخ ۱ آوریل ۲۰۱۲ زایشتی، وا انتشار ۱۵ نومه چاپ نبیه د ارنست همینگوی، سیک یایی د زنئی وه نه آشگار کرد. ای نومیا خطوؤ د جیانفرانکو ایوانچیک ایتالیایی نوشته بینه، د تاریخ ۱۹۵۳تا 1960 زایشتی ادامه داشته بینه. کتاوگه و موزه جان اف. کندی، ای پومزه نامه نه اخر سال ۲۰۱۱ زایشتی، د جیانفرانکو ایوانچیک خرئی نومه یایی د همینگوی؛ نه براری دارم، نه یه هوم پاله خو
کتاویا حننی دباره ارنست همینگوی[آلشدکاری]
- «سالیا کوبایی همینگوی» وا سرتالی وه قلم گابریل گارسیا مارکز و وه قلم نوربرتو فوئنتس
- «ریش اسبئ و قایقش» یه زنئی نومه تازه ای د ارنست همینگوی، وه قلم پل هندریکسن.
