آستوݩ سٱقاریٱ

د ڤیکیپدیا، دونسمنامٱ آزاد
پرش به ناوبری پرش به جستجو
Sakarya
Metropolitan Municipality
Sakarya Metropolitan Municipality
Location of Sakarya on Turkey map
Location of Sakarya on Turkey map
Country Turkey
Region Marmara
Province Sakarya
دۉلٱت
 • Mayor Zeki Toçoğlu (AKP)
نفۊس(۲۰۱۳[۱])
 • نفۊس کول ۹۱۷٬۳۷۳
 • تٱپسن نفۊس
راساگٱ گاتی EET (یۊ تی‌ سی +۲)
 • توئسوݩ (DST) EEST (یۊ تی‌ سی +۳)
Postal code 54000
رازینٱ تلٛفوݩ (+90) 264

سٱقاریٱ چوٙأ:ڤ تۏرکی نوم یٱکؽ د آستونؽا ڤلات تۏرکیٱ ئا کاْ پاتٱختش شٱئر آداپازاری ئٱ. سٱقاریٱ ها د تاٛ شٱئرؽا اْستامبول - آنکارا ۉ ساٛچٱ قتار دش رٱد مۊئٱ ۉ دٱسرسی د سٱقاریٱ د تٱریق فرگاٛرگٱ مؽن زایاراٛیی سٱبیهٱ گۊکچن اْستامبول ٱنجوم مۊئٱ. نفۊس آستوݩ سٱقاریٱ ۸۷۲ هزار کٱسٱ. اؽ آستوݩ ها د بال دریا سؽ ۉ گلال سٱقاریٱ ها د اؽ آستوݩ، سٱقاریٱ ها د راساگٱ مٱرمٱرٱ ۉ آستوݩ خۊجالی ها د ٱفتاونشیݩ اؽ آستوݩ ۉ آستوݩ بیلاٛجیک ها د هارگٱ آستوݩ سٱقاریٱ، آستوݩ بولۊ ها د هارگٱ ٱفتاوزٱنوݩ اؽ آستوݩ ۉ دٱس آخر آستوݩ دۊزجاْ ها د ٱفتاوزٱنوݩ آستوݩ سٱقاریٱ.آستوݩ سٱقاریٱ ها د لا شٱئرؽا اْستامبول-آنکارا. شٱئرڤادار اسنی سٱقاریٱ زٱکی توک اوغلوئٱ کاْ یٱکؽ د ٱندومؽا پارتی عدالت ۉ گٱپ کلونکاری تۏرکیٱ ئا. نفۊس سٱقاریٱ د سال 2013 نزیک 918 هزار کٱس بیٱ. پاتٱخت آستوݩ سٱقاریٱ یٱکؽ د شٱئرؽا نوم دؽار ۉ پؽشکردٱ د ڤلات تۏرکیٱ ئا کاْ فرٱ گٱپ کلونکاری بیٱ ۉ روشد گٱپ کلون کاریش فرٱ زؽاد بیٱ. اؽ آستوݩ بال آویا نازار، گلالؽا قٱشٱنڳ ۉ دریاچٱیا فرٱ خۊئی دارٱ . اؽ آستوݩ د سٱدٱ 13 زارۊیی بی ڤ یٱکؽ د راساگٱیا زؽر ناٛخیز تۏرکیٱ عوسمانی. د سٱدٱ 18 زارۊیی د راساگٱیا بالکان ۉ قفقاز آئمؽا فرٱیی اوماین د اؽ آستوݩ ۉ راساگٱیاش

دماتری[آلشتکاری]

دماتری ڤیرگارمٱنی سٱقاریٱ مؽ رسٱ ڤ ۳۷۸ سال دماتر د زارۊ. مال دبارؽا دماتری د ڤٱرگرتٱ فریگیٱ‌یا، بیتینیایی یا، کیمری‌یا، لیدیا، ۉ اؽرونؽا هٱخامنشی د راساگٱ سٱقاریٱ ایسجا بیئن ڤٱلی اؽ ساموݩ هوڤیٱت خوشاْ د رۊمیا ۉ بیزانسیا گرتٱ. یٱکؽ د نازارتری ڤ جا مٱنٱیا ڤیرگارمن د اؽ راساگٱ پول جوستینٱین (تۏرکی: Beş Köprü) ٱ کاْ د سال ۵۳۳ دما زارۊ ڤ دٱس جوستینٱین یٱکم، اْمپراتۊر بیزانسی رٱڤٱندؽاری بیٱ.

دٱسرسی[آلشتکاری]

سٱقاریٱ ها د جاگٱیی کاْ چارقرش اوتۊبان ۉ شاهرا ۉ ساٛچٱ قتارٱ ۉ رایا دٱسرسی د اؽ آستوݩ فرٱ زیادٱ. یاٛ اوتۊبان پٱنج باندٱ فرٱ نازار کاْ د اؽ آستوݩ مؽ گوڤارٱ ۉ د درآمد سازی سی آستوݩ فرٱ کاگرایی دارٱ ۉ سرچشمٱ اؽ اوتۊبان ها د آستوݩ بیلاٛجیک. اؽ اوتۊبان یاٛ اوتۊبان مؽن زایاراٛیی ۉ نوم دؽارٱ. د اؽ آستوݩ هٱفت تا اؽسگا ساٛچٱ قتارٱ ۉ یاٛ ساٛچٱ قتار 65 کیلۊمتری ها د اؽ آستوݩ کاْ اؽ ساٛچٱ قتار اْستامبول ناْ ڤٱسل مؽ کٱ د آنکارا. فاسلٱ آنکارا ۉ اْستامبول ڤا ساٛچٱ قتار سٱقاریٱ مۊئٱ ڤ 141 کیلۊمتر کاْ فرٱ ڤ یٱک نزیک بینٱ. نوم آداپازی کاْ مؽنجا اؽ آستونٱ د نوم یاٛ داٛ کاْ نومش آدا بیٱ ۉ د سال 1573 زارۊیی رٱڤٱندؽاری بیٱ گرتٱ بیٱ. اؽ داٛ د سالؽا جۊر ڤا جۊر بیٱ ٱندوم یٱکؽ د راساگٱیا آستوݩ سٱقاریٱ ئا.

شٱئرسونؽا[آلشتکاری]

ڤنو شٱئرسونؽا آستوݩ سٱقاریٱ ئان:

عسگدونی[آلشتکاری]

یاٛ عٱسگ د شیڤات کولی د شٱئر سٱقاریٱ
یاٛ عٱسگ د مؽنجا سٱقاریٱ(شٱئر سٱقاریٱ)
قلٛا هارمان تٱپٱ
آزگا گولو
پول گۊنشلر د سٱقاریٱ
Seyifler Kalesi.JPG

سرچشمٱ[آلشتکاری]

  1. Turkish Statistical Institute, spreadsheet document – Population of province/district centers and towns/villages and population growth rate by provinces