آستوݩ آرخانگلسک

د ڤیکیپدیا، دونسمنامٱ آزاد
پرش به ناوبری پرش به جستجو
آرخانگلسک اوبلاست
Архангельская область
Arkhangelsk Oblast
آستوݩ
باٛرٱقآرخانگلسک اوبلاست
باٛرٱق
Official seal of آرخانگلسک اوبلاست
نشوݩ
جاگٱ آرخانگلسک د ڤلات رۊسیٱ
جاگٱ آرخانگلسک د ڤلات رۊسیٱ
تیارگٱیا: 63°30′N 43°00′E / 63.500°N 43.000°E / 63.500; 43.000Coordinates: 63°30′N 43°00′E / 63.500°N 43.000°E / 63.500; 43.000
ڤلات  RUS
راساگٱ فدرالی شومال ٱفتونشیݩ
راساگٱ اومۊری شومال
مؽنجاون آرخانگلسک
دۉلت
 • فٱرموندار ایلیا میخالچوک
جاگٱپی
 • جاگٱپی کول
۵۸۷٬۴۰۰ km۲ (۲۲۶٬۸۰۰ sq mi)
 • تٱپسن نوفۊس
راساگٱ گاتی MSK (یۊ تی‌ سی ۳)
زڤونؽا جاڤٱنٱ رۊسی
دیارگٱ www.dvinaland.ru

آرخانگلسک یٱکؽ د آستونؽا فدارتیڤ رۊسیٱ ئا کاْ ها د شومال ٱفتاونشیݩ اؽ ڤلات ۉ مؽنجاونش شٱئر آرخانگلسک ئٱ. اؽ آستوݩ ها د راساگٱ شومال ٱفتاونشیݩ ڤلات رۊسیٱ ۉ اؽ آستوݩ د بوریک آو اْنگا تا چی مؽناوئٱ یوکرسکی نها دارٱ. اؽ آستوݩ د ڤٱر گرتٱ راساگٱ خودسلادار ننتس د ٱفتاوزنونش ۉ چٱن تا مؽناوئٱ چی مؽناوئٱ یا سالاڤتسکی، نوایازملیا ۉ ڤلات فرانتس یوزفٱ. تٱپٱ کٱم بلنڳی اؽ مؽناوئٱ کاْ نومشو یوخرفتیٱ ڤارد درٱ یا اؽ آستوݩ پۊشش گیویی توندرا دارٱن. ۉ د هارگٱ اؽ آستوݩ لٛریا تایگا ئٱن کاْ دارؽا کاج ۉ سنوبٱر بؽشتر دارؽا اؽ لٛرٱن ۉ آستوݩ آرخانگلسک د اؽ زمینٱ یاٛ آستوݩ ڤ دٱریار جۊر چیا لٛریاریٱ. مؽنجاون اؽ آستوݩ شٱئر آرخانگلسک د سال 2010 زایشتی 348 هزار کٱس نفۊس داشتٱ دۏئمیݩ شٱئر گٱپ اؽ آستوݩ ها نزیک بال آو سورودوینسک کاْ مؽنجاون زؽردٱریایی سوزی نیرۊ دٱریایی رۊسیٱ د اؽ راساگٱ ئا. شٱئرؽا هٱنی اؽ آستوݩ خولموگوری، کارگوپول ۉ سولویچیکدوسک نفۊسشو بؽشتر مٱسیهی اورتدوکسٱن ۉ چٱن تا سۊمعٱ ۉ کولٱ سؽ ها د اؽ شٱئرؽا کاْ یاٛ قرؽ دشو فرٱ دمادارٱن. ایسگا مۊشٱک ڤنوݩ پلستسک کاْ ها د اؽ آستوݩ ٱڤلیݩ جاگٱ مۊشٱک ڤنوݩ ڤارگٱ نڤٱردی د ڤلات رۊسیٱ ئا.


ڤیرگار[آلشتکاری]

راساگٱؽ کاْ آستوݩ آرخانگلسک ها د اۊچاْ ڤ دٱس زایاراٛ فینو-اوگریک رٱڤٱندیاری بیٱ. نوم جاگٱ یا فراٛ یی د آرخانگلسک د رٱزیشت فینو-اوگریک گرتٱ بیٱ. زایاراٛ فینو-اوگریک د گات کومرٱ ڤلات نووگورد د ایچاْ جٱم کاری بینٱ ۉ کارگوپول د ٱڤلیݩ گلٛ د آرنگیا دماتری د سال 1146 اومایٱ، اۊساْ نوم شنکورسک د سال 1315 زایشتی سی اؽ آستوݩ اومایٱ. ۉ نوم سولویچنگودسک د سٱداٛ 14 زایشتی سی ٱڤلیݩ گلٛ رٱڤٱندیاری بیٱ. د سٱداٛ سؽزٱ زایشتی تاجریا نووگوردی رٱسسن ڤ دٱریا اْسبؽ ۉ ایچاْ د دیدجا تجارٱت پۊس خز فرٱ سیشو ڤٱرتیٱ گیر بی. اۊساْ نووگوردیا د رٱیا آویی اۊچاْ نفۊز کردن ۉ د درٱ یا ۉ بال گلالؽا پور آو اۊچاْ ایسجا بیین. جاگٱ یا ڤیرگارمٱن ٱسلی د آستوݩ آرخانگلسک ڤنونٱن پونژیٱ کاْ ها د اونگا کاْ اونگا خوش ها د مؽناوئٱ ڤینالٱند د ڤینالٱند شومالی، پنیژیٱ کاْ ها د لٛا گلال پنیگا، ڤلات مزن کاْ ها د لٛا گول مزن ۉ ڤلات پوموریٱ کاْ پوموریٱ ها د بال آو دٱریا اْسبؽ. رٱ آویی ٱسلی کاْ تاجریا ڤٱناْ بؽشتر ڤ کار گرتن رٱ آویی گلال ڤلگا ۉ شکسنا کاْ ها د لٛا گلال اْساڤیانکا کاْ اؽ گلال مؽرؽزٱ د دٱریاچٱ نیکوسکویاٛ. نها د ڤاجگۊݩ بیین نووگورد د سال 1478 زایشتی اؽ آستوݩ ۉ راساگٱ بی ڤ یٱکؽ د زؽرنٱخیزیا دوک نشیݩ گٱپ موسکو تا سال 1703 زایشتی ڤینا شارا ٱسلی تجارٱت ۉ اومۊری د دوک نشیݩ گٱپ موسکو بی. تا سال 1708 کاْ پتر گٱپ اْمپراتۊر تزار رۊس اؽ ڤلات ناْ گرت ۉ اؽ اْمپراتۊر فٱرمونداری آرخانگلسک ناْ رٱڤٱندیاری کرد ۉ اۊساْ اؽ فٱرمونداری بی ڤ هٱفتمݩ فٱرمونداری گٱپ اْمپراتۊری رۊسیٱ. د سال 1708 زایشتی کاْ سٱن پترزبۊرگ رٱڤٱندیاری بی ۉ ڤرٱز ڤنٱ بٱندٱر مورمانسک کاْ بال آو بؽ یٱخؽ داشت رٱڤٱندیاری بی آرخانگلسک نٱشخ کلٛیلٛی خوشاْ د دٱس دٱ. ڤٱلٛی سی نهاجۊری ۉ مؽن جۊریا د قوتباْ شومال کاْ د سال 1830 زایشتی بؽشتر بی اؽ آستوݩ جاگٱ دمایی خوشاْ دوؤرٱ جۊری کرد. د سالؽا 1918 ۉ 1919 زایشتی فٱرمونداری آرخانگلسک نٱشخ کلٛیلٛی د جٱنڳ مؽنجا ڤلات رۊسیٱ داشت. د رۊز دۏئم آگوست سال 1918 نیرۊیا جٱنڳی بریتانیا ۉ اْمریکا آرخانگلسک ناْ گرتن ۉ اۊساْ بی کاْ اوبلاست شومالی د اۊچاْ رٱڤٱندیاری بی تا سال 1920 زایشتی کاْ ٱرتش سۏر د نۊ آستوݩ آرخانگلسک ناْ آزاد کرد ایچاْ زؽر نٱخیز نیرۊیا یٱکاگیر د جٱنڳ جهونی ٱڤٱل بی. د سال 1930 کاْ کومرٱ ڤلاتؽا یٱکاگیر شورٱڤی اۊسنی چٱن گلٛ ٱزمشتکاری سی اومۊر هومبٱری ناْ د اؽ ڤلات شرۊ کرد تا سال 1990 کاْ اؽ رجیم ڤاجگۊݩ بی د اؽ آستوݩ سامونٱ اومۊری هومبٱری بی. د گات سقۊت رجیم کمونیستی هومبٱری هال ۉ بار اومۊری آرخانگلسک فرٱ گٱن بی ٱلڤٱت د سالؽا ایسنی هال ۉ بار اومۊری آرخانگلسک بؽتر بیٱ.

ڤلاتشناسی[آلشتکاری]

آستوݩ آرخانگلسک کاْ د ڤٱر گرتٱ راساگٱ خودسلادار ننتسیائٱ ڤا آستونؽا کیروف، ڤلوگدا، کومرٱ ڤلات کارلیا ۉ کومرٱ ڤلات کومی هوم مٱرزٱ ۉ مؽرٱسٱ ڤ دٱریایا اْسبؽ، پچورا، دٱریایا بارنت ۉ کارا، ۉ سٱر نهاییش مؽرٱسٱ ڤ دماغٱ فلیگلی کاْ ها د مؽناوئٱ یا جوزف لٱند ۉ دماغٱ ژلانیا کاْ ها د مؽناوئٱ نڤایازملیا کاْ هٱر دۏ تا اؽ مؽناوئٱ یا جۏزڤاْ آستوݩ آرخانگلسکنٱ. آستوݩ آرخانگلسک ها د هوماریا شومال اورۊپا ٱفتاوزنوݩ. اؽ آستوݩ د شومالش لٛریا توندار ناْ دارٱ ۉ د هارگٱ خوش لٛریا تایگاناْ.اؽ آستوݩ ها د راساگٱ یا قوتبی شومال رۊسیٱ ۉ فرٱ سٱردٱ. گلالؽاؽ کاْ هان د کولٛاْ اؽ آستوݩ گلال اونگا ۉ گلال ڤینا شومالیٱن کاْ هٱر دۏ تاشو هان د لٛا ٱفتاوزنوݩ تا ٱفتاونشیݩ اؽ آستوݩ ٱلڤٱت اؽ آستوݩ گلالؽا هٱنی ڤ جۏز اؽ گلالؽا دارٱ گلالؽاؽ چی گلال ڤاگا، ڤیچگدا، کولوی، مزن ۉ پچورا کاْ بؽشتر زمینؽا اؽ آستوݩ ناْ گرتنٱ. ٱلڤٱت اؽ آستوݩ چٱن تا دٱریاچٱ هٱم دارٱ

بٱرکنوݩ دیڤونکاری[آلشتکاری]

آستوݩ آرخانگلسک 9 تا راساگٱ ۉ هٱفت تا زؽربٱرجا دارٱ.

زؽربٱرجا
نوم رۊسی نفۊس
آرخانگلسک Архангельск
سوورودوینسک Северодвинск 192.353
کوتلاس Котлас 60.562
نوودوینسک Новодвинск 40.615
کوریاشما Коряжма 39.641
میرنی Мирный 30.280
ڤلسک Вельск 23.885
نژاندوما Няндома 22.356
اونگا Онега 21.359

سرچشمٱ[آلشتکاری]

چوٙأ:بٱئرکنوݩ سؽوسی رۊسیٱ