آستوٙن قارئص
| آستون قارص Kars ili چوٙأ:وه زون | |
|---|---|
| آستون | |
 آستون قارص ترکیه | |
 | |
| تیارگٱیا: 40°27′17″N 43°03′37″E / 40.45472°N 43.06028°ECoordinates: 40°27′17″N 43°03′37″E / 40.45472°N 43.06028°E | |
| ولات |
 TUR |
| راساگه | آناتولی افتوزنون |
| مینجاون | قارص |
| دۉلت | |
| • فرماندار | Ahmet Kara |
| جاگٱپی | |
| • جاگٱپی کول |
۹٬۵۸۷ km۲ (۳٬۷۰۲ sq mi) |
| نوفۊس(۲۰۱۰) | |
| • نوفۊس کول | ۳۰۱٬۷۶۶ |
| • تٱپسن نوفۊس |
۳۱/km۲ (۸۲/sq mi) |
| رازینٱ تیلیفوݩ | ۰۴۷۴ |
| دیارگٱ | www.kars.gov.tr |
قارص نوم یه گل د آستونیا ولات ترکیه ئه که مینجاونش شهر قارص ه. ای آستون ها د شمالتری جاگه د ولات ترکیه و وا ولات ارمنستان هوم مرزه آستونیا اردهان و ایغدیر تا سال 1990 زایشتی جزو ای آستون بیین که د ای سال د ای آستون جگا بیین ای آستون فره کوهستانیه.
ویرگار[آلشدکاری]
د گات دماتری آستون قارص یه گل د بهرجایا آستون آرارات د پاتشایی ارمنستان بی. اولی ایسجایا ای آستون مریدیا ونداد بینه سی یه قارص فره قلا داشته. د سال 928 زایشتی قارص بی وه پاتخت ولات ارمنستان اوسنی، اوسه د سال 968 پاتخت ارمنستان د آنی جا وه جاکاری بی وا ای حال و بال قارص هنی پاتخت راساگه فئودالی ونداد من. د مینجا سده یا 9 زایشتی تا 13 زایشتی د گات چل کاری مغولیا قارص فره خو پئشکرد داشت و قلا فره نوم دیار ای آستون که آرانیک بی تمومن دروس بی. قارص چی جایا هنی ولات ارمنستان د او گات سی خوش قلا داشته و اوسه ویرگار نیسیا ارمنی د ای قلایا می گوتن برد کاروتس که هومبراور لوریش بوئه ساختمون قلادار تا سده 13 زایشتی چار قر ای شهر قلا بی د نهاتر د گات حکومت ایرانیا و امپراتوری عثمانی قارص چی یه گل قلا نازار و مئکم د افتونشین تری جاگه مینجا مرز ای دو گل ولات بی. د نتیجه جئن مینجا روسیه و عثمانی د سالیا 1877 تا 1878 زایشتی قارص بی وه یه گل د جاگه یا ولات امپراطوری روسیه اوسنی و روسیا وش می گوتن قارص اوبلاست یا آستون قارص که حکم یه گل قلا مئکم و نازار نه د او گات سی امپراتوری روسیه داشت د سالیا نهاتر د ای سال تا سال 1919 دسه یا مسیئی چی یونانیا قفقازی، گرجیا و روسیا اومائن د ای آستون و الوت یه اقلیت ارتدوکس د ای آستون بیین.
بهرکنون سیاسی آستون قارص[آلشدکاری]
آستون قارص هشت گل بهرجا داره د زون ترکی استامبولی وشو موئن ایلچی که ونونن و هرکوم سی خوش چند گل راساگه و محدوده کوچکتر دارن که بیشتر یه جور بهرکنون ولاتیه. نزیک وه 313 گل ده ها د آستون قارص.
طبیعت و اموری قارص[آلشدکاری]
قارص یه گل زئشت جونوریا و زئشتجا بی نظیر داره که وه دس پروجه کومله یکی کوزی دوغا دیوونکاری بوئه. ای پروجه د 468 گل بالنه ترکیه یی، 323 تاشونه د آستون قارص دیارکاری کرده، که کمترونه د 223 گل د ای سیصد و بیس و سه بالنه هان د دریاچه کویوچوک، که ای دریاچه یه گل جاگه زئشتدار د ای راساگه و آستون قارصه. د لریا ای آستون گرگ، گوزن قهوه یی و جونوریا هنی زئشت دارن و د گلال ارس بالنه یا مال د بار فره یی میان د ای آستون که د ریشو فره پی جوری و مین جوری کاری انجوم بوئه. اموری قارص بیشتر ها د پایه کشاورزی و لرداری بیشتر نفوس قارص یئنی نزیک وه 85 درصد د ونو کشاورزن که نزیک وه 65 درصد درآمد ای آستون د کشاورزی، ولاتگردی و صنعته. او و هوا د ای راساگه فره نازاره د ای راساگه پمبه، چنه ر قن و باقلا رشت می کن الوت جو و گنم د ای آستون فره خو بار میا. صنعت چوداری د آستون فره جاافتائه و حدود 4 درصد ای آستون پره د داریا توسکا و جوریا جور واجور دار کاج چی کاج اسکاتلندی و جوریا هنی. د لحاظ معدن داری ای آستون فره خوئه و معدنیا نازاری و خوئی هان د ای آستون.
