آستوٙن آرخانگئلئسک

د ڤیکیپدیا، دونسمنامٱ آزاد
پرش به ناوبری پرش به جستجو
آرخانگئلئسک ئوبئلاست
Архангельская область
Arkhangelsk Oblast
آستوٙن
باٛرٱقآرخانگئلئسک ئوبئلاست
باٛرٱق
Official seal of آرخانگئلئسک ئوبئلاست
نشوݩ
جاگە آرخانگئلئسک د ڤولات روٙسیە
جاگە آرخانگئلئسک د ڤولات روٙسیە
تیارگٱیا: 63°30′N 43°00′E / 63.500°N 43.000°E / 63.500; 43.000Coordinates: 63°30′N 43°00′E / 63.500°N 43.000°E / 63.500; 43.000
ڤولات  RUS
راساگە فئدئرالی شومال أفتونئشین
راساگە ئموٙری شومال
مینجاون آرخانگلسک
دۉلت
 • فرماندار ایلیا میخالچوک
جاگٱپی
 • جاگٱپی کول
۵۸۷٬۴۰۰ km۲ (۲۲۶٬۸۰۰ sq mi)
 • تٱپسن نوفۊس
راساگٱ گاتی MSK (یۊ تی‌ سی ۳)
زونا جاونه روسی
دیارگٱ www.dvinaland.ru

آرخانگلسک یه گل د آستونیا فدارتیو روسیه ئه که ها د شمال افتونشین ای ولات و مینجاونش شهر آرخانگلسک ه. ای آستون ها د راساگه شمال افتونشین ولات روسیه و ای آستون د باریک او انگا تا چی میناوه یوکرسکی نها داره. ای آستون د ور گرته راساگه خودصلادار ننتس د افتوزنونش و چن گله میناوه چی میناوه یا سالاوتسکی، نوایازملیا و سرزمین فرانتس یوزفه. تپه کم بلنگی ای میناوه که نومشو یوخرفتیه واگرد دره یا ای آستون پوششت گیائی توندرا دارن. و د هارگه ای آستون لریا تایگا هیئن که داریا کاج و صممبر بیشتر داریا ای لرن و آستون آرخانگلسک د ای زمینه یه گل آستون وه دریار چو چیا لریاریه. مینجاون ای آستون یئنی شهر آرخانگلسک د سال 2010 زایشتی 348 هزار کس نفوس داشته دوئمین شهر گپ ای آستون ها نزیک بال او سورودوینسک که مینجاون زیردریایی سازی نیرو دریایی روسیه د ای راساگه ئه. شهریا هنی ای آستون یئنی خولموگوری، کارگوپول و سولویچیکدوسک نفوسشو بیشتر مسیئی ارتدوکسن و چن گله صومعه و کله سیا ها د ای شهریا که یه قریشو فره دمادارن. ایسگا موشک ونون پلستسک که ها د ای آستون اولی جاگه موشک ونون ورگه نوردی د ولات روسیه ئه.


ڤیرگار[آلشدکاری]

راساگه یی که آستون آرخانگلسک ها د اوچه وه دس خلک فینو-اوگریک ره وندیاری بیه. نوم جاگه یا فره یی د آرخانگلسک د رئزشت فینو-اوگریک گرته بیه. خلک فینو-اوگریک د گات کومره ولات نووگورد د ایچه جم کاری بینه و کارگوپول د اولین بار د آرنگیا دماتری د سال 1146 اومائه، اوسه نوم شنکورسک د سال 1315 زایشتی سی ای آستون اومائه. و نوم سولویچنگودسک د سده 14 زایشتی سی اولین بار ره وندیاری بیه. د سده سینزه زایشتی تاجریا نووگوردی رسسن وه دریا اسبئ و ایچه د دیدجا تجارت پوس خز فره سیشو ورتیه گر بی. اوسه نووگوردیا د رایا اویی اوچه نفوذ کردن و د دره یا و بال گلالیا پر او اوچه ایسجا بیین. جاگه یا ویرگارمن اصلی د آستون آرخانگلسک ونونن پونژیه که ها د اونگا که اونگا خوش ها د میناوه وینالند د وینالند شمالی، پنیژیه که ها د لا گلال پنیگا، سرزمین مزن که ها د لا گل مزن و سرزمین پوموریه که پوموریه ها د بال او دریا اسبئ. را اویی اصلی که تاجریا ونه بیشتر وه کار گرتن را اویی گلال ولگا و شکسنا که ها د لا گلال اساویانکا که ای گلال میریزه د دریاچه نیکوسکویه. نها د واجگو بیین نووگورد د سال 1478 زایشتی ای آستون و راساگه بی وه یه گل د زیرنخیزیا دوک نشین گپ مسکو تا سال 1703 زایشتی وینا شارا اصلی تجارت و اموری د دوک نشین گپ مسکو بی. تا سال 1708 که پتر گپ امپراطور تزار روس ای ولات نه گرت و ای امپراطور فرمانداری آرخانگلسک نه ره وندیاری کرد و اوسه ای فرمانداری بی وه هفتمی فرمانداری گپ امپراطوری روسیه. د سال 1708 زایشتی که سن پترزبورگ ره وندیاری بی و نها وه بندر مورمانسک که بال او بی یخی داشت ره وندیاری بی آرخانگلسک نشق کلیتی خوشه د دس ده. ولی سی نهاجوری و مئن جوریا د قطو شمال که د سال 1830 زایشتی بیشتر بی ای آستون جاگه دمایی خوشه دواره جوری کرد. د سالیا 1918 و 1919 زایشتی فرمانداری آرخانگلسک نشق کلیتی د جئن مینجاولاتی روسیه داشت. د روز دوئم آگوست سال 1918 نیرویا جئنی بریتانیا و امریکا آرخانگلسک نه گرتن و اوسه بی که اوبلاست شمالی د اوچه ره وندیاری بی تا سال 1920 زایشتی که ارتش سور د نو آستون آرخانگلسک نه آزاد کرد ایچه زیر نخیز نیرویا یکاگرته د جئن جهونی اول بی. د سال 1930 که کومره ولاتیا یکاگرته شوروی اوسنی چن گل ازمایشکاری سی اموری هومبهری نه د ای ولات شرو کرد تا سال 1990 که ای رجیم واجگو بی د ای آستون سامونه اموری هومبهری بی. دگات سقوط رجیم کمونیستی هومبهری حال و بار اموری آرخانگلسک فره گن بی الوت د سالیا ایسنی حال و بار اموری آرخانگلسک بیتر بیه.

ڤولاتشئناسی[آلشدکاری]

آستون آرخانگلسک که د ور گرته راساگه خودصلادار ننتسیائه وا آستونیا کیروف، ولوگدا، کومره ولات کارلیا و کومره ولات کومی هوم مرزه و میرسه وه دریایا اسبئ، پچورا، دریایا بارنت و کارا، و سر نهاییش می رسه د دماغه فلیگلی که ها د میناوه یا جوزف لند و دماغه ژلانیا که ها د میناوه نوایازملیا که هر دو گل ای میناوه یا جزو آستون آرخانگلسکن. آستون آرخانگلسک ها د هماریا شمال اوروپا افتوزنون. ای آستون د شمالش لریا توندار نه داره و د هارگه خوش لریا تایگانه. آستون ها د راساگه یا قطبی شمال روسیه و فره سرده. و گلالیایی که هان د کل ای آستون گلال اونگا و گلال وینا شمالین که هر دو گلشو هان د لا افتوزنون تا افتونشین ای آستون الوت ای آستون گلالیا هنی وه جز ای گلالیا داره گلالیایی چی گلال واگا، ویچگدا، کولوی، مزن و پچورا که بیشتر زمینا ای آستون نه گرتنه. الوت ای آستون چن گله دریاچه ئم داره

بأرکونوٙن دیڤوٙنکاری[آلشدکاری]

آستون آرخانگلسک 9 گل راساگه و هف گل زیربهرجا داره.

زیربهرجا
نوم روسی نفوس
آرخانگلسک Архангельск
سوورودوینسک Северодвинск 192.353
کوتلاس Котлас 60.562
نوودوینسک Новодвинск 40.615
کوریاشما Коряжма 39.641
میرنی Мирный 30.280
ولسک Вельск 23.885
نژاندوما Няндома 22.356
اونگا Онега 21.359

سأرچئشمە[آلشدکاری]

چوٙأ:بأرکونوٙن سیاسی روٙسیە