آز ھٱستاٛ یی د اؽروݩ

د ڤیکیپدیا، دونسمنامٱ آزاد
پرش به ناوبری پرش به جستجو

چوٙأ:ڤیرگار کومرٱ ڤلات اْسلامی اؽروݩ بٱرنومٱ ھٱستاٛیی اؽروݩ کاْ د سال ۱۳۲۹ شرۊ بی د سال ۱۳۵۳ ڤا رٱڤٱندیاری سامونجا آز ٱتومی اؽروݩ ۉ اْمزا قرارداد رٱڤٱندیاری آزجاٱتومی بۊشاٛئرڤ شؽڤٱ تازاٛ دیاری کرد. اؽروݩ د سال ۱۹۵۸، بی ڤ یٱکؽ د ٱندومؽا آژانس مؽن زایاراٛ یی آز ٱتومی ۉ د سال ۱۹۶۸، پاٛموݩ دٱرتیچ نٱکردن ٱسلٱهٱ یا هٱستاٛیی (اْن‌ پی‌ تی) ناْ اْمزا کرد ۉ دۏ سال ڤرٱزتر د چنی کارؽ اؽ قونۊن ناْ د مجلؽس شۉرا زایاراٛ یی اۊساْ جاگیر کرد.د ڤیرگار ۹ فڤریٱ سال ۲۰۰۳ زایشتی مهٱمٱد خاتمی، سٱرکومرٱ اۊسنی اؽروݩ، هٱڤال راس بیین سۊخت هٱستاٛ یی ڤ دٱس کسمدارؽا اؽرونی ناْ سی آزگایا هٱستاٛ یی د اؽروناْ دٱ ۉ د ما آڤریلٛ سال ۲۰۰۶ مٱمۊد ٱمٱدی نژاد ،سٱرکومرٱ اۊسنی اؽروݩ گوت کاْ اؽروݩ ڤا خوش سرٱنجومی تونسٱ غٱنی کردن اورانیوم ناْ د ٱنازٱ ۳٫۵ دٱرسٱد رٱڤٱندیاری بٱکٱ. د ڤیرگار ۲۶ بٱمٱن ۱۳۹۰ (۱۵ فڤریٱ ۲۰۱۲) اؽروݩ راس کردن میلٛاٛ سۊخت هٱستاٛ یی ۲۰ دٱرسٱد غٱنی بیٱ ۉ سوار کردنش ڤ ری رٱکتور مؽن جۊری ۵ مگاڤاتی تؽروݩ دیاری کرد.[۱]


ڤیرگارچٱ[آلشتکاری]

ٱندوم بیین اؽروݩ د سامونجایا مؽن زایاراٛیی[آلشتکاری]

باٛرٱق آژانس مؽن زایاراٛ یی آز ٱتومی

اؽروݩ د سال ۱۹۵۸، ٱندوم آژانس مؽن زایاراٛ یی آز ٱتومی (I.A.E.A) بی ۉ د سال ۱۹۶۸، پاٛموݩ دارتیچ نٱکردن سلایا ٱتومی (N.P.T) ناْ اْمزا کرد ۉ د سال ۱۹۷۰، د مجلؽس شۉرا زایاراٛ یی تٱسڤیب کرد. ڤ کار گرتن آز ٱتومی د گات پاتشایی مهٱمٱد رزا شا پٱلٱڤی دیارکاری بی ۉ رٱڤٱندیاری سامونجا آز ٱتومی اؽروݩ سرچشمٱ رٱڤٱندیاری رٱکتور ٱتومی بۊشاٛئر ۉ هومیاری پیلٛی اؽروݩ د کشیاریا سازیاری سۊخت ٱتومی فرانسٱ بی.

بٱرنوماٛ اؽروݩ د سال ۱۹۷۴ یٱ بی کاْ د ٱرزاْ بیس سال٬ گٱردشتجا کامل سۊخت ناْ ڤلات نشینکاری کردٱ ۉ بیس ۉ ساْ هزار مگاڤات بٱرق ناْ د ۲۲ تا آزگا ٱتومی ڤ دٱس مؽارٱ.

رٱڤٱندیاری آزگا ٱتومی بۊشاٛئر[آلشتکاری]

قرارداد رٱڤٱندیاری آزگا ٱتومی بۊشاٛئر د سال ۱۳۵۳ (نوڤامر ۱۹۷۴) بٱستٱ بی ۉ کار راس کردن اؽ آزگا ڤ دٱس شرکٱت آلمانی کرافتورک یۊنیون (یٱکؽ د شرکٱتؽا زؽرنٱخیز شرکٱت زیمنس) شرۊ بی، جاگٱ راس کردنش د بهار سال ۱۳۵۴ د ۱۸ کیلٛۊمتری پاؽموݩ بٱندٱر بۊشاٛئر مؽنجا دۏ رۊستا هالیلٱ ۉ بٱندٱرگا بی، د توسوناْ سال ۱۳۵۴ (جۊییٱ ۱۹۷۵) کار ساختموݩ سوزیش شرۊ بی ۉ د ۱۴ تیر ۱۳۵۵ (۴ جۊییٱ ۱۹۷۶) قرارداد ماباٛن دۏ ڤلات اؽروݩ ۉ آلمان اْمزا بی.د سال ۱۳۵۷ ڤا ٱنجومگری ڤٱز آلیشت، کونشتکاری راس کردن اؽ آزگایا د لٛا ڤلاتؽا ٱفتاونشیݩ نهاگری بی ۉ هوکۊمٱت کومرٱ ڤلات اْسلامی اؽروݩ د ٱڤٱلؽا ڤٱز آلیشت ڤا راس کردن آزگا ۉ رٱڤٱندیاری پوروژٱ ٱتومی موخالف بی[۲][۳] هٱمچنیݩ د گات جٱنڳ اؽروݩ ۉ عراق ساختمونؽاؽ کاْ بیشو ڤ دٱس نیرۊ هٱڤویی عراق بامباروݩ بیین، کاْ د کارگرایی اؽ چۉل کاریا اؽ ساختمونؽا یاٛ قرؽ خراو بیین.د ڤیرگار ۱۸ داٛی ما سال ۱۳۷۳ قرارداد تٱکمیلٛ کردن ۉ رٱڤٱندیار کوری یکا ٱڤٱل آزگا ٱتومی بۊشاٛئر ڤ هال ۉ بار هومبٱری مؽنجا ڤلاتؽا اؽروݩ ۉ رۊسیٱ اْمزا بی ۉ د مورداد سال ۱۳۷۷ یاٛ گلٛ هٱنی اؽ قرارداد رٱت زؽر تؽخ ڤانیاری. رۊسیٱ د گات سٱرکومرٱ ڤلات بیین پۊتین سی یٱ کاْ مؽهاسڌ د اْمریکا خودسلادار بۊئٱ تلاش کرد کاْ آزگا ٱتومی بۊشاٛئر ناْ دۏرس بٱکٱ.

ٱڤٱلیݩ رٱکتور مؽن جۊری اؽروݩ[آلشتکاری]

اْمریکا د سال ۱۹۶۷، ٱڤٱلیݩ رٱکتور مؽن جۊری ۵ مگاڤاتی آو سۉئک ناْ فروخت ڤ اؽروݩ ۉ شرکٱت اْمریکایی ای‌ اْم‌ اْف اؽ رٱکتور ناْ د دونسمٱنیجا تؽروݩ نؽیا ڤ کار٬ ڤٱنش ڤ کار.[۴][۵]

سرچشمٱ[آلشتکاری]

  • Haidar, J.I., 2015."Sanctions and Exports Deflection: Evidence from Iran," Paris School of Economics, University of Paris 1 Pantheon Sorbonne, Mimeo
  • http://fa.wikipedia.org/w/index.php?title=پرونده:Niroogahe_hasteee-B.jpg&oldid=8554531
  • http://fa.wikipedia.org/w/index.php?title=%D9%BE%D8%B1%D9%88%D9%86%D8%AF%D9%87:Niroogahe_hasteee-A.jpg&oldid=8554518
  • The nuclear sphinx of tehran: Mahmoud Ahmadinejad and the State of Iran, Yossi Melman, Meir Javedanfar, 2008, p84.
  • Diversified Success, Time Magazine, 19 May 1961