آز ٱفتاویی

د ڤیکیپدیا، دونسمنامٱ آزاد
پرش به ناوبری پرش به جستجو
چٱن تا د نمۊنٱ سلۊلؽا ٱفتاویی

آز ٱفتاویی چوٙأ:ڤ اْنڳلٛیسی مۊئٱ ڤ گٱرما ۉ نیر کاْ د ھۊر ماٛیرٱن.

آز د ھۊر[آلشدکاری]

ھۊر د گازؽایؽ چی ھیدرورٛن (۷۳٫۴۶دٱرسٱد) ھلیوم(۲۴٫۸۵ دٱرسٱد) ۉ چیا ھنی چی اوکسیژن، کٱربون، نون ۉ نیتروژن دۏرس بیٱ. آز آسارٱ ھۊر یٱکؽ د سرچشمٱیا قڤین آز د سٱریٱک جا ٱفتاویی یٱ. د پایٱ آخری نوئابینی یا جاڤٱنٱ دؽارکاری بیٱ عومر اؽ سرچشمٱ آز بؽشتر د ۱۴ ملٛیارد سالٱ. د ھٱر سانیٱ نزیک ڤ ۲/۴ ملٛوݩ تون د گونجایش دیار ھۊر مۊئٱ ڤ آز. ڤا ساٛلٛ کار د گونجایش دیار ھۊر کاْ نزیک ڤ ۳۳۳ ھزار براڤٱر گونجایش دیار زمینٱ. مۊئٱ بۉیی کاْ اؽ کورٱ نیردار تا ۵ ملٛیارد سال هنی یاٛ سرچشمٱ فرٱ گٱپ سی آزٱ. ٱندازٱ گٱرما سٱرما د مؽنجاڤٱن ھۊر نزیک ڤ ۱۰ تا ۱۴ ملٛیوݩ گیرینج سانتیگئراد کاْ د ریتراز ڤٱ ڤا گٱرمایؽ نزیک ڤ ۵۶۰۰ گیرینج ۉ ڤ هال ۉ بال مۉجؽا اْلکترومغناتیسی د ڤٱرگٱ دٱرتیچ کاری بۊئٱ. زمیݩ ھا د فاسلٱ ۱۵۰ ملٛیوݩ کیلٛۊمتری ھۊر ۉ ۸ داٛیقٱ ۉ ۱۸ سانیٱ گات مورٱ تا نیر ھۊر بٱرسٱ د زمیݩ؛ سی یٱ نؽ کاْ بٱئر زمیݩ د گرتن نیر ھۊر فرٱ کٱمٱ. سرچشمٱ ھٱمٱ جوۊر آزؽا دؽار بیٱ تا ایساْ کاْ د ڤٱرگرتٱ (سوختیا بٱردڤٱنٱ د زمیݩ، آزؽا بایی، تاف نمایا، مۉجؽا دٱریایا ۉ...) ھیسن ۉ ھان د کورٱ زمیݩ د ھۊر گرتٱ بۊئٱ.

آز ٱفتاویی[آلشدکاری]

آز ٱفتاویی نازارتری سرچشمٱ آز ڤرگٱشتنی د کولٛ عالٱمٱ ۉ سرچشمٱ ٱسلی ھٱمٱ آزیایٱ کاْ ھان د ری زمیݩ. آز ٱفتاویی ڤ شیڤٱ موستٱقیم ۉ ناموستٱقیم مؽ تونٱ بۊئٱ ڤ آزؽا ھنی. کولٛٱن آز برچسٱ د ھۊر نزیک ڤ ۳٫۸ د ۱۰۲۳ کیلٛۊ ڤات د سانیٱ آ.

سرچشمٱ[آلشدکاری]