آزار شاھئدیا یأھڤە د آلمان نازی

د ڤیکیپدیا، دونسمنامٱ آزاد
پرش به ناوبری پرش به جستجو
ویردیار کمپ شوزن هاوزن د ولات آلمان

شاهدیا یهوه یه گل فرقه مصوی د دین جیدیته سی ای ائتقاتشو مینجا سالیا 1933 زایشتی تا 1944 زایشتی د رجیم آلمان نازی فره زج کشیین. ڤئنوٙ سی یه کئ بأچأیا شوٙنه کئل نئمی کئردن سی جأنیا هیتلر٬ سی أندوم نأبییئن د ساموٙنجایا نازی یا بأفادار نۉیئن د حوکوٙمأت هیتلر فره سأختی کأشیئن جوری که موئن د نزیک وه 10000 کس د شاهدیا یهوه که نصم بیشتر ای فرقه د ویر و باور شماره د ولات آلمان بیین، زنونی بیین و نزیک وه دوهزار کس د ونو کل بیین سی کمپیا. ئی فئرقه دینی سی یه کئ یئ گل قأرارداد مینجا خوشوٙ سی یه کئ أندوم پارتیا و دأسه جات نازی نۉئن ئمضا کئردن فره فره سأختی کأشیئن. ڤئنوٙ د خألاف جیدیا و لوٙطیا کئ سی لٛۊن خوشوٙ مال د بار بیین أڤألی دأسه مأصأڤی بیئن کئ دولأت نازی آلمان ئوسئنی فره آزارئشو ده. ئی دأسه د سال 1933 زایئشتی کئ دولأت نازی ئوما ری کار د رأتئن د مأدرئسه و رأتئن د کاریا دولأتی مأروٙم بیئن ڤا یه کئ د گات أڤأل دولأت نازی ڤا ڤئنوٙ خوٙ بی ڤألی د گات نئهاتر فره ڤوٙنوٙنه سأختی ده.

گات دما نازیا[آلشتکاری]

ئی فرقه د سال 1890 زایشتی کار تبلیغ خوشون شرو کردنه و نزیک وه 25000 کس د سال 1933 و سالیا اولاترش بینه وه پی گر ای فرقه و ای فرقه د ولاتیا یکاگرته امریکا فره کنشتیاری داشتن. ڤئنوٙ د گات نئها آلمانیا فره کونشتکار بیئن. ڤئنوٙ د شأر نیویورک فره کونشتکار بیئن. أندومیا فئرقه شاهئدیا یأهڤه کئ ڤا نوم آموختاریا أنجیل ئرنئست نوم دیار بیئن د آخئریا جأن جأهوٙنی دویوم جأذڤ جئپأ ضئد یأکاگئرته یا بیئن. ڤئنوٙ د گات آخئر جأن جأهوٙنی دویوم أندوم دأسه یا بئلشئڤیک٬ پارتی جیدیا کومونیست بیئن. د سال 1920 زایئشی نازیا شوروٙ کئردن ڤئ آزار دأسه شاهئدیا یأهڤه د آلمان. د سال 1922 آموختاریا آلمانی أنجیل سی یه که نیسموٙن کوموله یأکی بورج دیارکاری نه دأرتیچ می کئردن رأتئن زیر نأخیز بوختوٙم و د مینجا سالیا 1927 تا 1930 زایئشتی 5000 گل ئتئهام د ڤئنوٙ زأن. د سال 1931 دأخالأت دولأت د ئوموٙر فئرقه آموختاریا کئتاڤ موقأدأس بیشتر بی٬ د 28 مارس سال 1931 زایئشتی سأکوٙمأره رایئش سئیوم قانوٙن سأختی نه د ضئد ئی فئرقه تأصڤیب کئرد. و د کارگئرایی ئی قانوٙن فئشار ری آموختاریا أنجیل فره زیاتئر بی. د هئژده نوڤامر هأموٙ سال هأمه کئتاڤیا ئى فئرقه موصادئره بی و داشتئنئ کئتاڤیا ئى فئرقه د کول ڤولات آلمان نئها گری بی. د سال 1932 رایئش سئیوم د یئ گل دأستوٙر هأنی د کول ڤولاتچه یا آلمان ئى نئهاگری أنجوگئر بی تا آخئر هأمی سال 2300 ئتئهام هأنی د ئى فئرقه بأسه بی.

گأپ کئلوٙنکاری قانوٙنی[آلشتکاری]

آدولف هیتلر د سال 1933 زایشتی یه گل قانون نه ره وندیاری کرد و ای داسون که شاهدیا یهوه دسگر و زنونی بان. چئنی کاری بائث بی کئ أندومیا ئى فئرقه د دیجا سیاسی خوٙمثا بان٬ ڤئنوٙ قأسأم بأفأداری حأردن سی رئجیم نازی نه أنجوم نیأن. د کول شاهئدیا یأهڤه سی جأنیاریا آلمانی توفأن جأم نئمی کئردن٬ ڤئنوٙ أندوم پارتی کارئگریا آلمان ئوسئنی نۉیئن٬ ڤئنوٙ هأنی ئمکانات پارتی نازی نه ڤئ کار نئمی گرتن و هأمچئنی ڤئنوٙ د تأظاهورات پارتی نازی نئمی رأتئن سی یأ بی کئ گارد ضأرڤأت نازی چول کئرد د ڤئنوٙ و د نئهاش د هأمه پورسایشت زایاره آلمان رأی د ڤئ دأن کئ ڤئنوٙ د حاک آلمان مالکأنوٙن بأکأن و د هأمی سال بی کئ ڤئنوٙ د یئ گل تأظاهورات فره گأپ مأژبوٙر بیین که نئشوٙ بئیرأقیایی کئ ریشوٙ نیسأنه بی خائن ڤا خوشوٙ بورئن و د هأمی گات بی کئ خألک آلمان دشوٙ بأرد ڤأنئن چئنی کونشتکاری هأنی یأم د ئنتخاڤات ڤولاتچه یی سأرتاسأری د سال هأنی دوڤاره أنجوم بی. حوکوٙمأت یاریا نازی شاهئدیا یأهڤه نه سی یه کئ ڤا ئمریکا راڤئطه داشتئن و دباره جأن آرماگدون و د نۊ ئومائن عیسا د ری زئمین قئسه می کئردن فره سأرزأنئشتشوٙ می کئردن. کونشتکاریا ساڤار آموختاریا کئتاڤ موقأداس د سال 1933 د ما آڤریل د ڤولاتچه یا باڤئریا و مأکلئنبوٙرگ قأدئ قأ بی.

تأنبی[آلشتکاری]

د سال 1933 اندومیا شاهدیا یهوه د سامونجایا پست و سچه قطار کار می کردن و د کار د سامونجایا خو و نازار سی قانونی که هیتلر ره وندیاری کرده بی منع بیین. ونو د سال 1934 مژبور بیین که سی رئتن د سرکار قسم وفاداری وه هیلتر بحورن. د سال 1934 زایئشتی ڤئ نئها ڤئنوٙ سی یه کئ قأسأم بأفادار بیئن ڤئ هیتلئر نه نأحأردن و د هیتلئر گوٙش نمی گرتئن کاریا هأنیشوٙنه د دأس دأئن. د هأمی سال آموختارکاریا یئ گل قئسه دیارکو ئمضا کئردئن ڤا ئی داسوٙن کئ آموختاریاریا أندوم فئرقه شاهئدیا یأهڤه نه د مأدرئسه بأکأن ڤئ دأر. شاهئدیا یأهڤه د ئصرار پارتی نازی د کار کئردن د بأرجایا خوصوٙصی یأم نئها گری بیئن.

سرچشمه[آلشتکاری]