آزادی هایا سۉز

د ڤیکیپدیا، دونسمنامٱ آزاد
پرش به ناوبری پرش به جستجو

آزادی هایا سۉز یٱکؽ دٱسٱیا سؽاسی سۉز هائٱن کاْ ڤ دۏم آزادی سؽاسی د پایٱ موهیت زئشت مؽگٱردٱن. ڤنو بؽشتر چٱک چنٱ سؽوسی خوشوناْ مؽنٱن ری چیا موهیت زئشت ۉ فرٱ دٱبارٱ اؽ چیا قسٱ مؽ کٱن، پارتؽا سؽوسی سۉز ها د ڤلاتؽا آلمان، هولٱند، فرانسٱ ۉ کانادا ۉ د کولٛ اورۊپا ٱفتاونشیݩ فرٱ کنشتکارٱن ۉ هٱر سالٱ د اْنتخابات سٱرکومرٱ ڤلاتی خوش سٱرانجوم مۊئٱن. آنگلا مرکل ۉ چٱن تا د نوخوست ڤٱزیرؽا ڤلات آلمان د پارتؽا سۉزؽیا بینٱ ۉ اؽ پارتؽا د ڤلاتؽا پیشکردٱ فرٱ کنشتکارٱن ۉ خٱلک اؽ ڤلاتؽا سی اْنتخابات د ؽ پارتؽا فرٱ هامینداری مؽکٱن. آزادی د پایٱ جۏنبش سۉز هایی د سالؽا ایسنی د ڤلاتؽا ٱفتاونشینی فرٱ رڤاج گرتٱ ۉ پیشکرد داشتٱ ۉ ڤنو سی ڤٱرتیٱ گر بیین د مؽنجا خٱلک اؽ ڤلاتؽا فرٱ تٱفرٱ داشتنٱ ۉ اؽ کنشتکاری سیشو فرٱ خۊ بیٱ ۉ چنی بیٱ کاْ ڤنو جاگٱیا ۉ گرینجؽا سؽوسی ۉ هوکۊمٱتی ناْ سی خوشو گرتنٱ. نوم دؽارتری پارتی سۏز ها د هوم پاٛڤٱن اورۊپا پارتی یٱکاگری 90 سۉزؽیا ڤلات آلمانٱ کاْ د بؽشتری کنشتکاری خوشوناْ د سالؽا نٱڤٱد زایشتی داشتاْ نٱ.

رٱ ڤٱندیاری پارتی سۉز آلمان[آلشتکاری]

نشودؽارکن پارتی سۉزؽا آلمان
هومیاری خٱلک آلمان د اْنتخابات د پارتی سۉز آلمان

اؽ پارتی د یٱکاگری دۏ تا پارتی کوچکتر رٱ ڤٱندؽاری بیٱ:

  • سۉزؽیا: د سال ۱۹۸۰ یاٛ پارتی ڤا نوم "سۉزؽیا" د ڤلات آلمان ٱفتاونشیݩ اۊسنی (د شٱئر کارلسرۊهٱ) رٱ ڤٱندؽاری بی. کاْ اؽ پارتی د یٱکاگری جۏنبشؽا فرٱ ۉ جۊرڤاجۊرؽ چی: جۏنبش زد آز ٱتومی، جۏنبشؽا سول ها ۉ جۏنبشؽا هامیندار هوقۊق زنؽا د آلمان ٱفتاونشیݩ دماتر رٱ ڤٱندؽاری بی.
  • یٱکاگری ۹۰: د سال ۱۹۸۹ ۉ ۱۹۹۰ دٱسٱیا جۊرڤاجۊری د ڤلات آلمان ٱفتاوزنوݩ اوسنی تاٛ یٱک جٱم بیین ۉ "یٱکاگری ۹۰" ناْ رٱ ڤٱندؽاری کردن.

د سال ۱۹۹۳ ۉ دما یٱکاگری دۏ آلمان، "یٱکاگری ۹۰" ۉ "سۉزؽیا" یٱکؽ بیین سی یٱ کاْ "یٱکاگری ۹۰/سۉزؽیا" رٱ ڤٱندؽاری با.

آزادی هایا سۉز بؽشتر کنشکاریا سؽوسی خوشوناْ مؽنٱن د پایٱ هامینداری د جۏنبشیار هامیندار موهیت زئشت ۉ کنشتکاریا خلکمن ۉ خٱلک دؽار ۉ بؽشتر سول هائٱن تا جٱنڳ ها ۉ جٱنڳرو بیین ڤٱلٛی د ڤلاتؽا ٱفتاونشیݩ د گات جٱنڳ اؽروݩ ۉ عراق اؽ ڤلاتیا ۉ خوسۊسٱن پارتی سۉز آلمان فرٱ د سٱدام هوساٛینۉ رجیم بٱعسی ڤٱ هومیاری دٱن ۉ ٱبزارؽا نزامی فرٱ پیشکرداٛیی د سٱدام ۉ عراق فروختن. هٱر چی ماٛرؽم ڤ نوئا موهیت زئشت بؽشتر موهم ۉ پور رٱنڳ مۊئٱ ۉ ڤا پیشکرد سازیاری ۉ نوئاسازی بؽشتر د هٱمٱ زمینٱیا چٱک چنٱ ری زئشت ۉ موهیت زئشت ۉ سۉزهایی بؽشتر ۉ بیشتر مۊئٱ.

د بؽشتر آستونؽا ڤلات آلمان پارتی سۉز هایا فرٱ کنشتکارٱ ۉ د هٱر گات اْنتخابات ڤنو بؽشترین رٱی میارٱن ۉ یٱ نشو ماٛیٱ کاْ خٱلک آلمان هامیندار ۉ دفاکار موهیت زئشت ۉ سۉز بیین موهیت زئشت خوشونٱن. ٱلڤٱت مۊئٱ بۉیی کاْ اؽ پیشکرد کارؽا نٱتیجٱ تٱفرٱ خٱلک هوم پاٛڤٱن اورۊپا ۉ ڤلاتؽا اورۊپا ٱفتاونشینٱ ۉ سی ڤنو چنی کارؽا ۉ هومیاریا فرٱ نازارٱ کاْ د نٱتیجٱ ڤارۉ رٱتن رئزشت زناٛیی ڤنونٱن کاْ یٱ خوش بایٱد سی اؽما لٛۏؽا مۊئٱ ڤ یاٛ اولگۊ ۉ رٱڤش زئشت بؽتر سی یٱ کاْ اؽما لٛۏرؽا مؽ هایم د یاٛ راساگٱ جا فرٱ لٛۏر دار ۉ آو دار ۉ هاسلخیز کاْ مؽ تونٱ سیمو فرٱ درآمد داشتۊئٱ.

پارلمان فدرال(بوندس تاگ)[آلشتکاری]

سال اْنتخابات # قانۊن دؽارکنی
رائیا
# نومگٱ پارتی
رائیا
% نومگٱ پارتی
رائیا
# برنٱ بیین د هٱمٱ آستونؽا +/-
1980 569,589 1.5
۰ / ۴۹۷
1983 2,167,431 5.6 (#5)
۲۷ / ۴۹۸
Increase 27
1987 3,126,256 8.3 (#5)
۴۲ / ۴۹۷
Increase 15
1990 2,347,407 5.0 (#4)
۸ / ۶۶۲
نٱتیجٱیا یٱکاگری '90/سۉزؽا (ٱفتاوزنوݩ) ۉ سۉزؽا (ٱفتاونشیݩ)
1994 3,424,315 7.3 (#4)
۴۹ / ۶۷۲
Increase 41
1998 3,301,624 6.7 (#4)
۴۷ / ۶۶۹
Decrease 2
2002 4,108,314 8.6 (#4)
۵۵ / ۶۰۳
Increase 8
2005 2,538,913 3,838,326 8.1 (#5)
۵۱ / ۶۱۴
Decrease 4
2009 3,974,803 4,641,197 10.7 (#5)
۶۸ / ۶۲۲
Increase 17
2013 3,177,269 3,690,314 8.4 (#4)
۶۳ / ۶۳۰
Decrease 5

آزادی هایا سۉز بؽشتر د سدٱ نیزٱئم ۉ بیسم زایشتی ڤ دیر اومانٱ ۉ سی یٱ کاْ سٱنعٱت ۉ سازیاری د گات سدٱیا نیزٱئم ۉ بیسم ۉ بیس ۉ یٱکم فرٱ پیشکرد داشتٱ، چٱک چنٱ دٱربارٱ موهیت زئشت هٱم فرٱ زؽاد بیٱ، یٱکؽ د دٱلٛیلٛؽا فرٱ نازار سی یٱ بیین گازؽا گول هوناٛیی د کول جهونٱ، جۊرؽ کاْ دونسمٱنیا مۉئٱ اؽ گاز لٛایٱ اوزونسیلٛا مؽ کٱ سی یٱ بیٱ کاْ هٱر سال د کول دۏنیا سٱرکومرٱیا ۉ ڤٱزیرؽا جٱم مۊئٱ د یاٛ ساڤارجا ۉ دٱبارٱ موهیت زئشت چٱک چنٱ مؽکٱن تا شایٱد رایا خۊیی سی بؽتر کردن ۉ کٱم کردن گازؽا گول هوناٛیی دؽاری بٱکٱ ۉ اؽ هال و بار ڤلات اْمریکاخوش بؽشتر د نسم گازؽا گول هوناٛیی ناْ دۏرس مؽکٱ.

سرچشمٱ[آلشتکاری]