آزادی حایا سوز

د ڤیکیپئدیا، دوٙنئسمأنامه آزاد
پئرئستئن د: ناڤجوٙری, پئی جوٙری

آزادی حایا سوز یه گل د دسه یا سیاسی سوز حائن که وه دم آزادی سیاسی د پایه محیط زئشت میئردن. ونو بیشتر چک چنه سیاسی خوشنه مینن ری چیا محیط زئشت و فره دباره ای چیا قسه می کن، پارتیا سیاسی سوز حا د ولاتیا آلمان، هلند، فرانسه و کانادا و د کل اوروپا افتونشین فره کنشتکارن و هر ساله د انتخاوات سرکومره ولاتی خوش سرانجوم بوئن. آنگلا مرکل و چن گله د نخس وزیریا ولات آلمان د پارتیا سوز حا بینه و ای پارتیا د ولاتیا پیشکرده فره کنشتکارن و خلک ای ولاتیا سی انتخاوات د ای پارتیا فره حامینداری میکن. آزادی د پایه جمشت سوز حایی د سالیا ایسنی د ولاتیا افتونشینی فره رواج گرته و پیشکرد داشته و ونو سی ورتیه گر بیین د مینجا خلک ای ولاتیا فره کوشایشت داشتنه و ای کنشتکاری سیشو فره خو بیه و چنی بیه که ونو جاگه یا و گرینجیا سیاسی و حکومتی نه سی خوشو گرتنه. نوم دیارتری پارتی سوز حا د هوم پیوند اوروپا پارتی یکاگری 90 سوزیا ولات آلمانه که د بیشری کنشتکاری خوشونه د سالیا نود زایشتی داشته نه

ره وندیاری پارتی سوز آلمان[ڤیرایئشت]

نشودیارکن پارتی سوزیا آلمان
هومیاری خلک آلمان د انتخاوات د پارتی سوز آلمان

ای پارتی د یکاگری دو گل پارتی کوچکتر ره وندیاری بیه:

  • سوزیا: د سال ۱۹۸۰ یه گل پارتی وا نوم "سوزیا" د ولات آلمان افتونشین اوسنی (د شهر کارلسروهه) ره وندیاری بی. که ای پارتی د یکاگری جمشتیا فره و جور واجوری چی: جمشت ضد آز اتومی، جمشتیا صلح حا و جمشتیا حامیندار حقوق زنیا د آلمان افتونشین دماتر ره وندیاری بی.
  • یکاگری ۹۰: د سال ۱۹۸۹ و ۱۹۹۰ دسه یا جور واجوری د ولات آلمان افتوزنون اوسنی لا یک جم بیین و "یکاگری ۹۰" نه ره وندیاری کردن.

د سال ۱۹۹۳ و نها د یکاگری دو گل آلمان، "یکاگری ۹۰" و "سوزیا" یکی بیین سی یه که "یکاگری ۹۰/سوزیا" ره وندیاری با.

آزادی حایا سوز بیشتر کنشکاریا سیاسی خوشونه مینن د پایه حامینداری د جمشتیار حامیندار محیط زئشت و کنشتکاریا خلکمن و خلک دیار و بیشتر صلح حان تا جئن حا و جنگرو بیین ولی د ولاتیا افتونشین د گات جئن ایران و عراق ای ولاتیا و خصوصند پارتی سوز آلمان فره د صدام حسین و رجیم بعثی وه هومیاری دئن و اوزاریا نظامی فره پیشکرده یی د صدام و عراق فروختن. هر چی می ریم وه نها محیط زئشت بیشتر مهم و پررئن بوئه و وا پیشکرد سازیاری و نهاسازی بیشتر د همه زمینه یا چک چنه ری زئشت و محیط زئشت و سوزحایی بیشتر و بیشتر بوئه.

د بیشتر آستونیا ولات آلمان پارتی سوز حایا فره کنشتکاره و د هر گات انتخاوات ونو بیشترین رائ میارن و یه نشو میه که خلک آلمان حامیندار و دفاکار محیط زئشت و سوز بیین محیط زئشت خوشونن. الوت موئه بوئی که ای پیشکرد کاریا نتیجه کوشایشت خلک هوم پیوند اوروپا و ولاتیا اوروپا افتونشینه و سی ونو چنی کاریا و هومیاریا فره نازاره که د نتیجه وارو رئتن رئزشت زنه یی ونونن که یه خوش واس سی ایما لوریا بوئه وه یه گل الگو و روشت زئشت بیتر سی یه که ایما لوریا هاییم د یه گل راساگه جا فره لر دار و او دار و حاصلخیز که می تونه سیمو فره درآمد داشتوئه.

پارلمان فدرال(بوندس تاگ)[ڤیرایئشت]

سال انتخاوات # قانون دیارکنی
رائیا
# نومگه پارتی
رائیا
 % نومگه پارتی
رائیا
# برنه بیین د همه آستونیا +/-
1980 569,589 1.5
۰ / ۴۹۷
1983 2,167,431 5.6 (#5)
۲۷ / ۴۹۸
Increase 27
1987 3,126,256 8.3 (#5)
۴۲ / ۴۹۷
Increase 15
1990 2,347,407 5.0 (#4)
۸ / ۶۶۲
نتیجه یا یکاگری '90/سوزیا (افتوزنون) و سوزیا (افتونشین)
1994 3,424,315 7.3 (#4)
۴۹ / ۶۷۲
Increase 41
1998 3,301,624 6.7 (#4)
۴۷ / ۶۶۹
Decrease 2
2002 4,108,314 8.6 (#4)
۵۵ / ۶۰۳
Increase 8
2005 2,538,913 3,838,326 8.1 (#5)
۵۱ / ۶۱۴
Decrease 4
2009 3,974,803 4,641,197 10.7 (#5)
۶۸ / ۶۲۲
Increase 17
2013 3,177,269 3,690,314 8.4 (#4)
۶۳ / ۶۳۰
Decrease 5

آزادیحایا سوز بیشتر د سده نوزدئم و بیستم زایشتی وه دی اومائنه و سی یه که صنعت و سازیاری د گات سده یا نوزدئم و بیستم و بیس و یکم فره پیشکرد داشته، چک چنه دباره محیط زئشت ئم فره زیات بیه، یه گل د دلیلیا فره نازار سی یه بیین گازیا گل خونه یی د کل جهونه، جوری که دونسمنیا موئن ای گاز لایه اوزون نه سیلا میکه سی یه بیه که هر سال د کل دنیا سرکومره یا و وزیریا جم بوئن د یه گل ساوارجا و دباره محیط زئشت چک چنه میکن تا شایت رایا خووی سی بیتر کردن و کم کردن گازیا گل خونه یی دیاری بکه و ای حال و بار ولات امریکا خوش بیشتر د نصم گازیا گل خونه ای نه دروس میکه.

سرچشمه[ڤیرایئشت]