آرتوٙری ئیلماری ڤیرتانئن

د ڤیکیپدیا، دونسمنامٱ آزاد
پرش به ناوبری پرش به جستجو
آرتوٙری ئیلماری ڤیرتانئن
Virtanen.jpg
ڤ دی اۊمائٱ د ۱۸۹۵
هئلسینکی، فأنلاند
د دونیا رٱتٱ د ۱۹۷۳
هئلسینکی، فأنلاند
زایارٱڤٱندی فأنلاند
راٛشنٱ کیمیا دوٙنئسمأنی
سامۊنگٱیا

هألسینکی

دوٙنئسمأنیجا هئلسینکی
جانشین دوٙنئسمأنیجا هئلسینکی
نوم دیار بیٱ سی AIV fodder
جاییزٱیا جاییزە نوبئل (۱۹۴۵)

آرتوٙری ئیلماری ڤیرتانئن(۱۸۹۵ - ۱۹۷۳) کیمیا دوٙنئسمأن فأنلاندیە کئ د سال ۱۹۴۵ سی آموختارکاری و نئھاسازیاش د زئمینە کئشاڤأرزی و مأڤات حأردئنی خوصوٙصأند د رڤأشتیا ڤاداشتکاری عألأفیا ڤا خوش سأرأنجومی توٙنئس جاییزە نوٙبئل کیمیا دوٙنئسمأنی نە بئیرە. ڤئ د شأر ھئلسینکی کئ ھا د ڤولات فأنلاند ئوٙما ڤئ دی. ڤئ گات آموختارجایی رأدیارکونی خوشە د آموختارجا رأدیارکونی ڤیپوٙری ڤا خوش سأرنجومی خئلاص کئرد، ئوٙسئ بی ڤئ لیلیجا موٙیسیوٙ نە د سال 1920 زایئشتی گئرئت و دۊ گئل کور د ڤئ داشت. ڤئ د سال 1933 زایئشتی یئ گئل مأزار نئزیک شأر ھئلسینکی سأن و د ئوٙچئ چأن گئل ئزماشت دئبارە کیمیا دوٙنئسمأنی أنجوم دە. ڤئ زئشت سادە نە دوٙس داشت و ھیچ گاتی ماشی سی خوش نأگئرئت. ھیچ گاتی سیغار نأکأشی و ھیچ گاتی ألکولی جات نأحأرد.


د دوٙنئسمأنیجا[آلشتکاری]

ایلماری ویرتانن آموختاکاریاشه د رشنه کیمیا دونسمنی د سال 1913 شرو کرد و د سال 1918 زایشتی گرینج استادی نه د ای رشنه گرت و اوسه دگدارشه د همی سال د رشنه کیمیا دونسمنی ارگانیک گرت. وه کار خوشه د سال 1919 د ازمایشت جا والیو شرو کرد و نها یه دسه ازمایشت کاریایی که وه دباره لبنی جات انجوم ده د سال 1920 زایشتی بی وه دیووندار ازمایشت جا که. نها وه بی که وه د دونسمنجایا مانستر و استکهلم، کیمیا سریشت دونسمنی، کیمیا دونسمنی چیا جامد و حیرد زئشت دونسمنی نه درس ده. د سال 1923 وه واگرد هانس فون اولیور شلیپن کار می کرد، هانس شلیپن د سال 1929 زایشتی جاییزه نوبل کیمیا دونسمنی نه گرت. نها ای جریان وه د سال 1924 اوما وه ولات فنلاند و د دونسمنیجا هلسینکی بی وه استادیار و سی گوته کاریاش د کیمیا دونسمنی زئشت دار فره نوم دیار بی و اوسه وه د ازمایشت جا کره سازی شرو وه کار کرد. د سال 1930 انستیتو کیمیا دونسمنی زئشت دار ره وندیاری بی و اوسه وه د اوچه تا سال 1973 زایشتی که گات د دنیا رئتنش بی موندگار بی. اوسه وه د سال 1931 زایشتی وه بی د پرفسور زئشت کیمیا دونسمنی د دونسمنیجا سازیاری هلسینکی و اوسه هنی پرفسوری خوشه د سال 1939 زایشتی د دونسمنیجا هلسینکی گرت.

کاریا[آلشتکاری]

پی جوریا و مئن جوریا وه د سال 1924 زایشتی د رشنه یا فسفرگری و هگزوز کاری شرو بی. وه سی اولین بار تونست دیارکاری بکه که فسفرگری باعث یه دسه کنشتکاری فره زیاتی وه جز خوش بوئه، که د کارگرایی ای کنشتکاریا پایه ازمایشتکاریا قن دیاری ره وندیاری بی. وه د سال 1925 زایشتی ویرکاریش نیا ری ازمایشت دروسیاری کردن باکتری نیتروجن د گیا باقلا که باعث بی که واداشت کره فره بیشتر با.د نازارتی کاریا وه ره وندیاری یه گل روشت خاص سی واداشتن گیایائه که سی یه بی که وه وا خوش سرانجومی تونست جاییزه نوبل شیمی نه بیئره. دکتر ویرتانن یه روشتی نه نهاسازی کرد که د وه وا هومیاری هیدروکلریکا یا اسید سولفوریک واداشتکاری گیایا د ری وه ری فاست بین بیشتر با و ای کار باعث بی که وا واداشت ارزایشت غذایی گیایا، گات واداشتن ونو فره زیاتر با. ویرتانن سی اولین بار ای روشت نه د سال ۱۹۲۹ معرفی کرد و د سال ۱۹۳۲ ونه وه نوم خوش ثبت کرد. د سال ۱۹۴۵ بنیاد نوبل سی یا کار نازار وه جاییزه نوبل نه ده وش.

سأرچئشمە[آلشتکاری]