آدولف آیشمٱن

د ڤیکیپدیا، دونسمنامٱ آزاد
پرش به ناوبری پرش به جستجو
آدولف آیشمٱن
Adolf Eichmann at Trial1961.jpg
آدولف آیشمٱن د سال 1942
ڤ دیر اومایٱ اوتو آدولف آیشمٱن
1906
سولینگن، آستوݩ راین، آلمان
د دۏنیا رٱتن 1962
رٱملی، اْسرائیلٛ
دلٛیلٛ د دۏنیا رٱتن
اٛدام بیاْ ڤا تناف دار
زایارٱڤٱندی آلمانی
نومیٛا هنی ریکاردو کلمنت
کسم SS-Obersturmbannführer Collar Rank.svg SS-سٱرگورد (سٱرگورد)
کارمٱن RSHA
سامونجا  شاتزتافل
پارتی سؽاسی
پارت زایارٱهایی سوسیالیست کارگری آلمان (NSDAP)
هومسریٛا ڤرونیکا لیبل (زن هاسن ۱۹۳۵)
بٱچٱیا
  • کلاڤس آیشمٱ»(ڤ دیر اومایٱ د 1936 د برلین)
  • ھورس آدولف آیشمٱن (ڤ دیر اومایٱ د 1940 د ڤیئن)
  • دیتر ھلمۊت آیشمٱن (ڤ دیر اومایٱ د 1942 د پراگ)
  • ریکاردو فرانسیسکو آیشمٱن» (ڤ دیر اومایٱ 1955 د بوئینس آیرس)
دا بوئٱ آدولف کارل آیشمٱن ۉ ماریا شفلرینگ
جائیزٱیا
اْمزا Adolf Eichmann (signature).svg

آدولف اوتو آیشمٱن سٱردیڤونکار «ساڤارجا اومۊر جیدؽا» د «نڤیسگٱ مؽنجاڤٱن ٱمنیٱت رایش» بی. ۉ یٱکؽ د ٱفسٱرؽا گیرینج دار پارت نازی بی، د گات جٱنڳ جهونی دۏئم، دٱستۊر کلٛ بیئن کٱسونؽا فراٛ د جیدؽا ناْ سی «کۊرٱیا آیم سۊزی» دٱ. آیشمٱن ڤرٱز شکس هٱردن آلمان نازی د جٱنڳ جهونی دۏم، ڤا خوش سرٱنجومی تونس ڤارد هونڤادٱش بٱجؽٱ ڤ ڤلات آرژانتین ، ڤلی ڤ دٱس آزؽا مۊساد جادؽار بی ۉ ڤ دٱس یاٛ دٱسٱ کوماندویی کاْ کوملۊسؽ د ٱفسرؽا نازار مۊساد ۉ شاباک بیئن، دۏزس، ڤنو آیشمٱن ناْ بوردن ڤ ڤلات اْسرائیلٛ. د دادگا اۊرشٱلٛیم ڤ ۱۵ تا جۏرم جۊر ڤا جۊر کاْ گٱفترین ڤنو«جنایٱت ڤ تیشک قۉم جید»، «جنایٱت ڤ ڤ تیشک بٱشٱریٱت» ۉ «جنایٱت جٱنڳی د گات آلمان نازی» بی، سزاڤار ۉ مٱئکۊم بی. د سال ۱۹۶۲ زارۊیی د اْسرائیلٛ «اٛدام» بی.


زهشت نومٱ[آلشتکاری]

آدولف آیشتمٱن د رۊز نیزٱئم مارس سال ۱۹۰۶ د شٱئر زۊلینگن آلمان اوما ڤ دیر. د سال ۱۹۱۴ ڤرٱز د دۏنیا رٱتن دا جهالش ڤارد هونڤادٱش مالکنوݩ کردن ڤ شٱئر لینز کاْ ها د ڤلات اوتریش . آیشمٱن سی ینٱ کاْ نٱتونس آمۊختارکاریش ناْ تموم بٱکٱ د دٱرد ناچاری رٱت ڤ تاٛ بوئٱش ڤ فٱلاٛیی. د مونڳ آڤریلٛ سال ۱۹۳۲ ڤ مؽن پارت نازی د ڤلات اوتریش بی ۉ د سال ۱۹۳۴ زارۊیی بی ڤ یٱکؽ د ٱندومؽا اْس اْس (آز ڤیژٱ پولیس نازی) ۉ اۊساْ د گرینجا سٱردٱسٱ د اوردۊگا کار اْجباری خدمٱت مؽکرد. یاٛ قرؽ ڤرٱزتر د ڤنٱ رٱت د سامونجا مالکنوݩ کاری جیدؽا ۉ خوش سرٱنجوم بیئنش د اؽ کار باعس بی کاْ ھایدریش ۉ هیملر سٱردیڤونکارؽا اْس اْس د ڤنٱ ڤا یاٛ جۊر ھنی ساٛلٛ بٱکٱن ۉ اۊساْ دش هاستن کاْ مٱسلٱ "راهٱلٛ نهایی مٱسلٱ جید" ناْ ڤارٱسی بٱکٱ ۉ سی ینٱ بی کاْ د سال ۱۹۳۷ زارۊیی رٱت ڤ ڤلات فلستین سی ینٱ کاْ اْمکان مالکنوݩ کاری جیدؽا ناْ د ڤلات آلمان ڤ مؽنجا ٱفتاوزنوݩ ڤارٱسی بٱکٱ. آیشمٱن گوت کاْ سی دلٛیلٛؽا اومۊری ری ڤ ری کاری رٱڤٱندؽاری یاٛ دۉلٱت جیدی ڤا مٱنشت نازی اؽ فگر ناخوش سرٱنجوم مۊئٱ.آیشمٱناْ د سال ۱۹۳۸ کلٛ کردن ڤ شٱئر ڤیئن ۉ سامونجا مؽنجاڤٱن مالکنوݩ کاری جیدؽا ناْ رٱڤٱندؽاری کرد. اؽ سامونجا سلا داٛئن تٱسیق د جیدؽایؽ کاْ مؽهاسن د ڤلات اوتریش مالکنوݩ کاری بٱکٱن ناْ داشت ۉ گرتن مال ڤنو سی گاتؽ کاْ مؽهاستن بیان ڤا دما ناْ داشت آیشمٱن د سال ۱۹۳۹ زارۊیی د نۊ اوما ڤ ڤلات آلمان.

جٱنڳ جهونی دۏم[آلشتکاری]

د گات شرۊ بیئن جٱنڳ جهونی دۏئم بی ڤ سٱرڤان اْس اْس ڤا کۊششؽا فراٛ کاْ د خوش د جٱریان ڤ دٱر کردناْ جیدؽا د ڤلاتگٱ رایش سئم نشو دٱ بی ڤ سٱرھٱنڳ. آیشمٱن ناْ د مالکنوݩ کاری داٛئن جیدؽا د سٱرتاسٱر ھوم پاٛڤٱن اورۊپا د اوردۊگایا مٱرگ ٱ. آیشمٱن د سال ۱۹۴۴ زارۊیی کلٛ بی ڤ ڤلات مٱجارسوݩ سی یٱ کاْ اؽ ڤلات د اۊساْ زؽر نٱخیز ڤلات آلمان بی ۉ موتهٱمٱ کاْ فرٱ د جیدؽاناْ کاْ مال د بار بینٱ ڤٱنٱ د اوتاقؽا گاز.

د گات تموم بیئن جٱنڳ جهونی دۏم یٱکؽ د خلٱبونؽا آلمانی ڤ دٱس ٱرتش اْمریکا دٱسگیر بی، ڤلی تونس د ٱڤٱلؽا سال ۱۹۴۶ زارۊیی فرار بٱکٱ ۉ سالؽا فراٛ ناْ د راساگٱیا جۊر ڤا جۊر ڤلات آلمان قایم با. د سال ۱۹۵۰ ڤا ھومیاری آزؽا زؽرزمیݩ کار اْس اْس ڤا نوم نیکولاس کولمنت رٱت ڤ ڤلات ایتالٛیا ۉ ڤرٱزش د اۊچاْ رٱت ڤ ڤلات آرژانتین ۉ تا سال ۱۹۶۰ ڤا اؽ نوم ڤارد زٱن ۉ بٱچؽاش د اۊچاْ بی. آیشمٱن د سال ۱۹۶۰ ڤ دٱس سرڤیس ٱمنیٱتی ڤلات اْسرائیلٛ ( مۊساد ) شناسیاری ۉ د ڤلات آرژانتین دۏزس ۉ کلٛ بی ڤ ڤلات اْسرائیلٛ. مٱئکۊم بیئنش د ۱۲ دسامر ۱۹۶۱ د تل آڤیڤ شرۊ بی. د دادگا اْتهامؽاشاْ ڤ ملٛ نٱگرت ۉ گوت ماْ بؽ گونائم، ڤلی دادگا گوت کاْ اۊ گوناکار ٱ ۉ بایٱد اٛدام بۊئٱ. آیشمٱن د شۉ سیاْ یٱکم مونڳ ماٛی سال ۱۹۶۲ د زندوݩ رٱملی اٛدام بی. بٱدش لٛٱشش د مؽن قایق پولیس د دٱریا مؽنجایی تٱش زٱن ۉ خاکسٱرش ڤٱنن د آو.




ڤیرگار گیرینج گرتنش د اْس اْس[آلشتکاری]

گیرینجؽا آیشمٱن د اْس اْس
ڤیرگار گرینج
1 آڤریلٛ 1932 اْس اْس -آنڤارتر (نومزٱد بیٱ)
9 نوڤامر1933 اْس اْس-مان (خوسۊسی)
24 دسامر 1933 اْس اْس-شارفوهرر (گورۊبان)
1 ماٛی 1934 اْس اْس-اوبر شارفوهرر (گورۊبان دٱسٱ)
1 جۊلای 1934 اْس اْس-شارفوهرر
1 سپتامر 1935 اْس اْس-اوبر شارفوھرر (گورۊبان دٱسٱ)
13 سپتامر 1936 اْس اْس-هاپت شارھوفرر (سٱرگورۊبان)
9 نوڤامر 1937 اْس اْس-اونترستورم هوفرر (سوتڤان دۏم)
جۊلای 1938 اْس اْس-اوبرستورم فوھرر (سوتڤان یٱکم)
30 ژانڤیٱ 1939 اْس اْس-هاپت اْستورم فوهرر (سٱرڤان)
1 آگوست 1940 اْس اْس-اْستورم بان فوھرر (سٱرڤان)
9 نوڤامر 1941 اْس اْس-اوبر اْستورم بان فوهرر (سٱرھٱنڳ)

سرچشمٱ[آلشتکاری]