آتلانتا

د ڤیکیپدیا، دونسمنامٱ آزاد
پرش به ناوبری پرش به جستجو
آتلانتا،جورجیا
شٱئر
شٱئر آتلانتا
Atlanta Montage 2.jpg
باٛرٱقآتلانتا،جورجیا
باٛرٱق
Official seal of آتلانتا،جورجیا
نشوݩ
شعار: ڤرؽسن د پا
Fulton County Georgia Incorporated and Unincorporated areas Atlanta Highlighted.svg
جاگٱ شٱئر آتلانتا د ڤلات اْمریکا
تیارگٱیا: 33°45′18″N 84°23′24″W / 33.75500°N 84.39000°W / 33.75500; -84.39000Coordinates: 33°45′18″N 84°23′24″W / 33.75500°N 84.39000°W / 33.75500; -84.39000
ڤلات ڤلاتچٱ یا یٱکاگیرکرداٛ اْمریکا
ڤلاتچٱ جورجیا
شٱئرستوݩ فولتون، دکالب
رٱڤٱندیاری 1837
سال شٱئر بیین 1843
شٱئر آتلانتا 29 دئسامر،1847
دۉلٱت
 • شٱئرڤادار قاسم رید
 • دیڤونکاری لیر هومفکری شٱئر آتلانتا
جاگٱپی
 • شٱئر
۱۳۲٫۴ sq mi (۳۴۳٫۰ km۲)
 • زمیݩ ۱۳۱٫۸ sq mi (۳۴۱٫۲ km۲)
 • آو ۰٫۶ sq mi (۱٫۸ km۲)
 • شٱئری ۱٬۹۶۳ sq mi (۵٬۰۸۰ km۲)
 • مترۉ ۸٬۳۷۶ sq mi (۲۱٬۶۹۰ km۲)
بلنڳی
۷۳۸ to ۱٬۰۵۰ ft (۲۲۵ to ۳۲۰ m)
نفۊس(۲۰۱۳)
 • شٱئر ۴۴۷٬۸۴۱
 • تٱپسن نفۊس
۳٬۳۸۲/sq mi (۱٬۳۰۵٫۷/km۲)
 • شٱئری ۴٬۹۷۵٬۳۰۰
 • مترۉ ۵٬۵۲۲٬۹۴۲(۹th)
 • تٱپساٛیی مترۉ ۶۳۰/sq mi (۲۴۳/km۲)
 • CSA ۶٬۱۶۲٬۱۹۵(۱۱th)
 •  Atlantan[۱]
راساگٱ گاتی EST (یۊ تی‌ سی -۵)
 • توئسوݩ (DST) EDT (یۊ تی‌ سی -۴)
ZIP code(s) 30060, 30301-30322, 30324-30334, 30336-30350, 30353
رازینٱ تلٛفوݩ 404/678/470
FIPS code 13-04000<ref name="GR2"
GNIS feature ID 0351615<ref name="GR3"
دؽارگٱ AtlantaGA.gov

آتلانتا گٱپتریݩ شٱئر ۉ پورنفۊس تریݩ ۉ مؽنجاڤٱن ڤلاتچٱ جورجیا ۉ یٱکؽ د شٱئرؽا ڤلات ڤلاتچٱیا یٱکاگرتٱ اْمریکا ئٱ کاْ اؽ شٱئر د سال 2013 نزیک ڤ 447841 کٱس نفۊس داشتٱ. شٱئر آتلانتا مؽنجاڤٱن راساگٱ شٱئری آتلانتا د اْمریکا ئٱ کاْ ڤا نوفۊس نزیک ڤ 5522942 کٱس نۏئمیݩ راساگٱ شٱئری اْمریکا د دیجا نفۊس ۉ جاگٱپی ئٱ. آتلانتا د سال 1837 زارۊیی مؽنجا دۏتا سچٱ قٱتار رٱڤٱندؽاری بیٱ ۉ اؽ شٱئر د کارگرایی جٱنڳ مؽنجا ڤلات اْمریکا ۉ سی اومۊریکاری رٱڤٱندؽاری بی. د گات جٱنڳ مؽنجا ڤلاتی اْمریکا اؽ شٱئر فرٱ پؽشکرد داشت ۉ آیمؽا فرٱ گٱپؽ د اؽ راساگٱ ڤرؽسان. آتلانتا د دیجا رٱتن ۉ اومایئن یاٛ سامونٱ فرٱ پؽشکردٱ د هارگٱ اْمریکا داشتٱ ۉ ایسنی د شٱئر سچٱ قٱتار ۉ فرۊدگا ۉ چیا رٱتنی ۉ اوماینی فراٛ هؽ ۉ د اؽ دیجا فرٱ پؽشکردٱ، جۊرؽ کاْ فرۊدگا هارتس فیلد جٱکسون آتلانتا د سال 1998 زارۊیی یٱکؽ د شلٛۊغتریݩ فرۊدگایا دۏنیا بی. اؽ شٱئر د دیجا اومۊری کاری ۉ سؽاسی فرٱ پؽشکردٱ ئا.

ڤیرگارچٱ[آلشتکاری]

دما رٱسسن ایسجایا اورۊپایی د جورجیا ڤارۏ سۏر پۊسؽا کریک ۉ چرۊکی ایسجا اؽ راساگٱ بیئن ۉ هونٱ یا رۊستایی کریکی د اؽ راساگٱ پابٱرجا بیئن ۉ بؽشتر نزیک گلال چاتاهۊچی ایسجا بیئن. جۊرؽ کاْ جاگٱ ایسجایی نزیکتریݩ جا ڤ شٱئر آتلانتا ایسنی بیٱ. د پایٱ مال د بار کردن ڤلات نشینؽا راساگٱ جورجیا ڤارۏ د سال 1802 تا 1825 زارۊیی ایسجایا کریک د سال 1821 زارۊیی د اؽ راساگٱ مال د بار بیئن ۉ ایسجایا اْسبؽ پۊس د سال نوئا اؽ سال اومان ڤ جاشو. د سال 1836 زارۊیی لیر هومفکری زایارٱ مٱن جورجیا رٱی دٱن ڤ رٱڤٱندؽاری سچٱ قٱتار ٱفتاونشیݩ ۉ آتلانتیک کاْ بٱندٱر ساڤانا ۉ مدڤست ناْ ڤٱسل مؽکرد ڤ یٱک. ٱڤلیݩ لٛاؽ کاْ سی اؽ دال رٱڤٱندؽاری بی لٛا هارگٱ چاتانۊگا ناْ ڤٱسل مؽکرد د لٛا ٱفتاوزنوݩ گلال چاتاهۊچی. د کولٛ مۊئٱ بۉیی کاْ اؽ راساگٱ د ٱڤٱل زهشتگٱ سۏر پۊسؽا بیٱ ۉ ڤرٱز اۊنو اْسبؽ پۊسؽا ڤا زۊر تفٱنڳ اومانٱ اوچاْ. د گات جٱنڳ مؽنجا ڤلات اْمریکا راساگٱ جورجیا ڤارۏ یٱکؽ د جایا نازار ۉ خۊ د اؽ جٱنڳ بیٱ ۉ د اؽ جٱنڳ کولٛٱن د باٛن رٱتٱ ۉ ڤرٱز اؽ جٱنڳ د سال 1865 زارۊیی د نۊ رٱڤٱندؽاری بیٱ. د سٱدٱ بیسم زارۊیی شٱئر آتلانتا یٱکؽ د جایا کسمدار ۉ اومۊری کوری نازار د اْمریکا ۉ دۏنیا بی ۉ د سال 1996 زایشتی بوزیا مؽن زایاراٛ یی اولٱمپیک توسونی د شٱئر آتلانتا بٱرگوزار بی. اؽ شٱئر مۊزٱیا ۉ تؽارتؽا فرٱ نازارؽ دارٱ کاْ هٱرسالٱ ڤلات گٱردؽا فراٛ د سٱرتاسٱر دۏنیا مؽارٱ تاٛ خوش.

ڤلات شناسی[آلشتکاری]

آتلانتا د ڤٱرگرتٱ نزیک ڤ 343 کیلٛۊمتر چاسیک ٱ کاْ 0.7 دٱرسٱد د جاگٱپی ڤنٱ آو گرتٱ. شٱئر آتلانتا ها مؽنجا رشتٱ کۏیا دمادار ۉ ها د بلنڳی 320 متری ری دٱریا ۉ اؽ شٱئر د ڤلات اْمریکا بؽشتریݩ گلالؽا ناْ د خوش دارٱ. گٱپتریݩ گلال شٱئر آتلانتا گلال نومدؽار می سی سی پیٱ. اؽ شٱئر ڤا بوریک آو مکزیک هوم تلا(مٱرز) ٱ.

آسۊدؽارکوݩ شٱئر
آسۊدیارکوݩ دمادیار

اومۊری[آلشتکاری]

ڤا درامٱد 304 تریلیارد دۏلٛار راساگٱ شٱئری آتلانتا هٱشتمیݩ راساگٱ گٱپ اومۊری د ڤلات اْمریکا ۉ هڤدٱئمیݩ راساگٱ گٱپ اومۊری د دۏنیا ئٱ. شرکٱتؽا چٱن زایاراٛیی گٱپتریݩ بٱئرجا اومۊری آتلانتا ناْ د ڤٱر گرتنٱ. اؽ شٱئر نڤیسگاٛ ٱسلی شرکٱتؽا کۊکاکۊلا، هوم دپات، دلتا آیرلاینز، ای تی ٱند تی موبیلیتی، یۊ پی اْس ۉ شرکٱتؽا فراٛ هٱنیٱ. اومۊری بیئن شٱئر آتلانتا د گات رٱڤٱندؽاری سچاٛ قٱتار د اؽ شٱئر شرۊ بیٱ. فرۊدگا مؽن زایاراٛیی هارتسفیلد جٱکسون آتلانتا موتور ٱسلی رۏشد اومۊری شٱئر آتلانتا بیٱ. اومۊری شٱئر آتلانتا سی دؽارکاری سچاٛ قٱتار بیٱ ۉ تا ایساْ پایٱ اومۊری آتلانتا ها د پایٱ رٱتن ۉ اومایئن، شرکٱت هٱڤایی دلتا آیر لاینز بؽشتریݩ آز کسم ۉ کار ناْ سی خوش د ڤٱر گرتٱ ۉ بٱئرجا مترۉ هٱم سی خوش سئمیݩ بٱرجا کسم ۉ کار د اومۊری شٱئر آتلانتا ئٱ ۉ چنی بیٱ کاْ شٱئر آتلانتا د دیجا کسم ۉ کار رٱتن ۉ اومایئن بؽشتریݩ نیرۊ ناْ سی خوش دارٱ. ڤارسگٱر هٱم د اومۊری شٱئر آتلانتا نٱشخ نازارؽ دارٱ، اؽ شٱئر یٱکؽ د جاگٱ یا ٱسلی تلٛیڤزونؽا کابلی ئٱ، شبٱکٱ ڤارسگٱری سی اْن اْن ڤ دٱس تد تٱرنر د اؽ شٱئر رٱڤٱندؽاری بیٱ.

آمۊختارکاری[آلشتکاری]

نزیک ڤ سی تا دونسمٱنگٱ ۉ دونسمٱنیجا هان د اؽ شٱئر، اؽ شٱئر ڤا داسوݩ یاٛ شٱئر آمۊختارکاری نومدؽار بیٱ. د مؽنجا دونسمٱنیجایا ۉ دونسمٱنگٱ یا شٱئر آتلانتا ٱنستیتو سازیاری جورجیا کاْ ها د شٱئرٱک مؽن جۊری ۉ دماگٱردی میدتٱڤن د دیجا بٱرنومٱ یا ٱنازٱیاری، ٱنجومیار کوری، دیڤونداری ۉ دونسمٱنیا فرٱ نومدؽار بیٱ جۊری کاْ د دیجا گیرینج دونسمٱنی ها د جاگٱ فرٱ بٱرزؽ. دونسمٱنیجا ڤلاتچاٛ جورجیا کاْ یٱکؽ د دونسمٱنیجایا شٱئر آتلانتا د گیرنجا دونسمٱنیجایا ڤلاتچٱ یا جورجیا ها د جاگٱ دۏئمی کاْ چنی گیرینجی د مؽنجا 35 تا دونسمٱنیجایا ڤلاتچٱ جورجیا فرٱ خۊئٱ.

رٱتن ۉ اومایئن[آلشتکاری]

د دیجا رٱتن ۉ اومایئن شٱئر آتلانتا فرٱ پؽشکردٱ ۉ سامونٱ رٱتن ۉ اومایئن اؽ شٱئر یاٛ سامونٱ پیچسٱ ئٱ کاْ د ڤٱر گرتٱ سچاٛ قٱتار، جٱدٱ یا ماشی رۉ، چٱن گلٛ اوتۊبان مؽن ڤلاتچاٛیی، شلٛۊغتریݩ فرۊدگا د دۏنیا ۉ بؽشتر د 75 کیلٛۊمتر رٱ دۏچٱرخٱ سوئاری ئٱ.

شٱئرؽا هوم هومال[آلشتکاری]

شٱئر آتلانتا ڤا هژدٱ گلٛ شٱئر هوم هومالٱ کاْ نومشو د هار اومایٱ:

  1. بئلجیک بورۊکسل مؽنجاڤٱن ڤلات بلژیک(سال 1983 زارۊیی)
  2. ئوتریش سالزبۊرگ، ڤلات اوتریش(سال 1967 زارۊیی)
  3. جامائیکا مونتگو بای، ڤلات جامایکا(1972 زارۊیی)
  4. بئرئزیل ریودو ژانیرو، ڤلات برزیلٛ(1972 زارۊیی)
  5. نیجئریە لاگوس، ڤلات نیجریٱ(1974 زارۊیی)
  6. تایڤان تایپٱ، ڤلات تایڤان(1974 زارۊیی)
  7. فأرانسە تولوز، ڤلات فرانسٱ(1974 زارۊیی)
  8. بریتانیا نیۊکاسل، ڤلات بریتانیا(1977 زارۊیی)
  9. کورە ھارگە داگو، ڤلات کورٱ هارگٱ(1981 زارۊیی)
  10. تئرینیداد و توباگو پورت آڤ اْسپین، ڤلات ترینیداد(1987 زارۊیی)
  11. گورجئستان (ڤولات) تفلیس، ڤلات گورجسوݩ(1988 زارۊیی)
  12. یوٙنان اولٱمپیا، ڤلات یۊنان(1994 زارۊیی)
  13. رومانی بوخارست، ڤلات رومانی(1994 زارۊیی)
  14. بئنین کوتونو، ڤلات بنین(1995 زارۊیی)
  15. کوٙمأرە ڤولات دوٙمینیکأن سالسیدو، ڤلات دومینیکٱن(1996 زارۊیی)
  16. آلمان نورنبرگ، ڤلات آلمان(1998 زارۊیی)
  17. ئسرائیلرانانا، ڤلات اْسرائیلٛ(2000 زارۊیی)
  18. جاپون فۊکوۊکا، ڤلات ژاپون(2005 زارۊیی)

سرچشمٱ[آلشتکاری]

  1. The term "Atlantans" is widely used by both local media and national media.