آئین هندۊ

د ڤیکیپدیا، دونسمنامٱ آزاد
پرش به ناوبری پرش به جستجو

هندۊیسم یا هندۊتوا یاٛ دین ۉ مٱسٱبٱ کاْ جاگٱ ڤ دی اوماینش ڤلات هند بیٱ اؽ دین سئمیݩ دین نها دین مٱسییٱت ۉ اْسلامٱ کاْ کٱسونؽا فراٛ هان د اؽ دین، اؽ دین د نوم گلال سند گرتٱ بیٱ اؽرونیا دماتر ڤ ڤلاتؽا لٛا گلال سند مؽگوتنٱ هند ۉ اؽ راساگٱ جاگٱ ڤ دی اوماین شٱئرآڤیشتٱیا گٱپؽ چی موهنجودارو ۉ هاراپا بیٱ کاْ د گات خوشو اْمپراتۊرؽا ۉ شایا فرٱ گٱپؽ بینٱ، ٱڤلیݩ گلٛ اْسکیلاکس کاْ رٱتٱ بی تلکستن ۉ ٱنازٱ دیاری کردن اؽ گلال کلٱمٱ هندوس ناْ سی اؽ گلال ڤ کار گرتٱ. د او گات ڤ نها ۉ د گات اْسلامی، نوم هندۊ د اؽ راساگٱ ۉ کولٛ ڤلات هند ۉ دین زایاراٛ هند ڤ کار گرتٱ بیٱ ۉ خود ایسجایا ڤلات هندۊستوݩ ڤ خوشو مؽگوتنٱ هندۊ، هٱشتاد دٱرسٱد د نفۊس ڤلات هند دین هندۊ دارٱن ۉ نزیک ڤ سی مئلٛوݩ کٱس کاْ دینشو هندۊ ئٱ هان ڤ دٱر د ڤلات هند. قرؽ د دین شناسؽا مۉئٱن کاْ کلٱمٱ هندۊیسم ڤا کلٱمٱ دٱرتیچ کاری سی دین هندۊ فرٱ فرٱخ دارٱ. هندۊیسم یا هندۊتوا یاٛ کلٱماٛ کاْ د ڤٱر گرتٱ کولٛ رٱسم ۉ رسۊمات زیشت هندۊیائٱ کاْ ڤا اؽ هومبراوؤٱری سوزی اؽ کلٱمٱ د ڤٱر گرتٱ دین هندۊ هٱم هؽ. خوداْ هندۊیا د چٱن تا خودا ،خودا یٱکونٱ ناْ باڤٱر دارٱن ڤٱلٛی د گاتی کاْ کلٱمٱ هندۊیسم ڤ کار گرتٱ مۊئٱ یٱکؽ د مانؽاش چٱن خودایی ۉ چٱن رٱبی بیینٱ، یٱنؽ چنی مۊئٱ بۉیی کاْ هندۊیسم بؽشتر ها د پایٱ کردار تا باڤٱر. هندۊیسم سی یٱ کاْ یاٛ کتاو موقٱدٱس ۉ خۊ نارٱ، نمؽتونٱ ماباٛن دیندارۉ بؽ دین فٱرخ بٱنؽٱ. ڤا اؽ هومبراوؤٱری سوزی مۊئٱ بۉیی کاْ هندۊیسم بؽشتر یاٛ رٱڤش زیشتٱ تا یاٛ دین ۉ مٱسۉ خاس، اؽ دین د باڤٱرؽا هندۊیا فرٱ آزادی راس کردٱ چنی کاْ خوشونٱم سی دیارکاری رٱ دۏرس هان د شئک، اؽ دین ریشٱ د آیین ڤدایی هند دمادار دارٱ.

باڤٱرؽا[آلشتکاری]

اوسۊل دین هندۊ ٱتقات ۉ هۏرمٱت نیایݩ ڤ کتاویا دمادار ۉ سۏنٱتؽا دینی براٛهمٱنیا ۉ پرٱستش خودایاؽ کاْ هندۊیا د دیارجایی ڤنو د گات دماتری ٱتقات دارٱن. اؽ دین ڤ بؽشت ۉ جٱنم ٱتقات نارٱ د اؽ لٛاز مۊئٱ بۉیی کاْ دٱقیقٱن ها د ری ڤ ری دینؽا ٱبروهیمی چی اْسلام ۉ جیدیٱت، ٱتقات د تناسوخ(چٱن کرت زایشتی) نها د دۏنیا رٱتن چٱن تا د باڤٱرؽا نازار ۉ ٱسلی اؽ دینٱن، ڤ ڤیر آوردن دٱسٱ یا کوملٱ یٱکؽ د زٱن هاستن ۉ هۏرمٱت نیاین ڤ هٱر چؽ کاْ زیشت دارٱ ۉ مٱسخۊسٱن کاْ د اؽ دین نشودیارکن هاسلخیزی زمینٱ د لٛا هندۊیا فرٱ نازارٱن. کلٱمٱ هٱم د زڤون سانسکریت کاْ هومبراوؤٱر لٛۏریش هاٛ او آمینٱ یاٛ کلٱمٱ موقٱدٱس د اؽ دینٱ ۉ مۊئٱ بۉیی کاْ ڤا کلٱمٱ یٱهوڤٱ د دین جید یٱکؽٱ. ڤا یٱ کاْ دین هندۊ فرٱ لٛٱشکۉ بار دارٱ ڤٱلٛی د مؽنجا اؽ لٛٱشکؽا چٱن تا چی یٱکونان:کارما، دارما، تٱناسوخ ۉ رٱستگاری کاْ ینو مٱفۊمؽا ٱسلی د زیشت هندۊیان. د باڤٱر هندۊیا یاٛ رۊه یٱکا مؽنجا دۏنیایی هؽ کاْ مؽنجا هندۊیا ڤا نوم برهمٱن نوم دیارٱ ۉ هٱر آیم زمینی یاٛ رۊه خودایی(آتمان) دارٱ کاْ ریشٱ گرتٱ د برهمٱنٱ ۉ ڤٱ یٱکؽٱ. د دین هندۊ برهمٱن دۏ شؽڤٱ دارٱ:نیرگونا برهمٱن ۉ سگونا برهمٱن، نیرگونا برهمٱن ٱسلی ناْ دیارکاری مؽکٱ ۉ مۉئٱ کاْ برهمٱن ٱسلی ڤارۏتر د هساْ آیمیائٱ ۉ نیرگونا برهمٱن ناْ ڤا دیدجا آیم دیارکاری مؽکٱ. دین برهمایی ساْ تا خودا پؽا ۉ ساْ تا خودا زٱن دارٱ، کاْ خودایا نٱرینٱ ینونٱن:برهما، ڤیشنو ۉ شیڤا اۊساْ خودایا زٱن ینونٱن: پارڤاتی، دوی ۉ لاکشمی.

خودایا[آلشتکاری]

براهما مۊئٱ ڤ آفرینشتکار، ڤیشنو مۊئٱ ڤ ڤادار، شیڤا ڤاجوکوکار کائنات ساْ تا خودا د دین هندۊ ئٱن. هومسٱر براهما ساراسواتی، خودا دونسمٱنی ۉ هونٱرٱ. هومسٱر شیڤا، پارڤاتی خودا آزٱ. لاکشمیم خودا پیلٛ ۉ مالداریٱ ۉ هٱر آیمؽ اؽ ساْ چی ناْ مؽها. چٱن تا د خودایا نوم دیار هندۊیسم ینونٱن:

لٛٱشکؽا[آلشتکاری]

ڤیشنو پرٱستی، شیڤا پرٱستی، شاکتی‌ پرٱستی ۉ سنت اْسمارتاٛ لٛٱشکؽا ٱسلی مٱسۉ هندۊیسمٱن:

ڤیشنو پرٱستی Vishnu.jpg ڤیشنوپرٱستی
شیڤاپرٱستی India statue of nataraja.jpg
شاکتی‌ پرٱستی Goddess Kali By Piyal Kundu1.jpg شاکتی‌پرٱستی
سنت اْسمارتاٛ The Death of Bhishma.jpg

سرچشمٱ[آلشتکاری]